Editorial 21.11.2021

Published / by Nursery Veng YMA / Leave a Comment

Mizote hi thih hnu a inphum thin kan ni a, he kan chindan hi engtik hun atanga kan tih thin nge tih chu hre pha chiah lo mah ila, vawinni thleng hian kan la kalpui zel a, kan la kalpui zel turah pawh ngai ila, tin, kan hnam nuna bet leh tel tlat a ni. Thlanlaih hi Tlangvalte mawhphurhna leh nula te inrawlhna chi nilo, tun hnai kum hnih khat kalta atang khan thlan laina hmun ah thlan lai te ei leh in siam sak turin nula te an tel ve thin, a lawmawm tak zet, mahse a thlan laih erawh chu mipa te mawh liau liau a ni. Mizo hnam hi kan awm reng anih chuan Thlanlaih hi kan hransan thei dawn lo niin alang. (more…)

FAINA KAWNG AH TAN ILA THAR ANG U

Published / by Nursery Veng YMA / Leave a Comment

Faina lama mipui leh ramin hmasawnna kawng kan zawh zel theihna turin sawrkar chuan kawng chi hrang hrangin inelna a buatsaih thin a, inelna a buatsaih thin zingah hian thingtlang khua leh khawpuite tan pawh faina kawnga inelna hi a hrangin a buasaih thin a, he inelna a buatsaih thin avang hian faina lamah hmasawnna min thlen phah nasa hle niin a lang, a bikin thingtlang khuaah faina lama hmasawnna hi a nasa hle a, khawpui lam hian faina kawnga hmasawnnaah hian kan tluk lo zawk mah niin a hriat a ni.

Mizo-te hian tun hnu ah chuan faina lamah hma kan sawn tawh viau a, kan taksa leh kan inte chu kan vawngfai tawh khawp mai. Amaherawhchu, kan k (more…)

RUAH HMING HRANG HRANG LEH A SUR HUN

Published / by Nursery Veng YMA / Leave a Comment

Pi leh pute khan ‘Ruah’ hi hming an lo vuah ve thliah a, chungte chu a sur hun tlangpui nen:-

1. Pawl delh ruah: December thla tawp lam leh January thla tir lamah a sur thin.

2. Thuang ruah: January thla chawhnu lamah a sur deuh ber.

3. Chap delh ruah: Thâl lai, lo vah hunah a sur thin.

4. To ruah: March thla-ah a sur deuh ber a, thlipui te pawh a tel thin.

5. Ruahthimpui: May thla chawhma lamah a thleng ber a, thlipui na tawk tak pawh a tel thin.

6. Nikir ruah: June ni 20 velah a sur deuh ber a, ni 7 chhung lai khua a chêng thin bawk.

7. Ruah phingphisiau: July thla velah a sur ber a, tuihawk luang tham lovin a sur tlangpui.

8. Ruah varpui: August thla velah a sur thin.

9. Ruah mual liam: Ruahbing te pawh an ti. August leh September thla-ah a sur ber.

10. Mai-hrui-pawt-chat: September thla chawhnu lamah a sur ber a, fûr ruah hnuhnunga ngaih a ni a, a sur tam thin hle.

11. Ai ruah: Ruah hming pu zingah kum khat chhunga surah a hnuhnung bera ngaih a ni a, October thla tawp lamah emaw, November thla bul lamah emaw a sur ber a, ni thum lai a chêng thei.

12. Ruahpui-van-âwn: Eng hunah pawh, tam tak a sur thin hi a ni mai a, hunbi nei a ni lem lo.

KUM 2022 CHHUNGA BRANCH YMA HRUAITU TUR THLANNA NEIH A NI DAWN

Published / by Nursery Veng YMA / Leave a Comment

Ni 11.11.2021 (Ningani) zan khan Nursery Veng Branch YMA Executive Committee Meeting pawimawh tak neih a ni a,

Thurel tlangpui te:
Thurel 1-na: Kum 2022 Branch YMA hruaitu thar thlan chungchang: 

A hmun : Village Council Hall.
A hun : Ni 03.12.2021 (Zirtawpni) zan dar 7:00

Heng mite hi nominate nghal an ni.
1. Pu R. Vanlalhmachhuana
2. Pu Lalnunkima
3. Tv. Vanlalvena
4. Pu C. Zohmingthanga
5. Pu C. Lalrammuana
6. Pu Romalsawma
7. Pu PC Lalbiakthanga
8. Tv. Lalthlamuana

Heng bak ah hian YMA dan bu Bung V-na chang 29-na (pali-na te) in min phalsak angin inthlannaah member kalten a tul an tih chuan mi 3 (Pathum) aia tam lo an rawt belh thei ang. (more…)

Editorial 14.11.2021

Published / by Nursery Veng YMA / Leave a Comment

Kristian chhuangkua hi chuti mai a din theih hi alo nilo, tih tak zet a tihna tello nitin chhung inkhawm neih ziah te, dan ang mau a inkhawm a huna chhungkuaa inkhawm thin te, Pathian nena leng dun ngai silo, Pathian aw hre ngailo-te tan hi chuan Kristian chhungkaw din hi thil theih ni in a langlo..YMA member/thalaite hi nupui/pasal zawnna kawngah kan fimkhur em em a ngai a. Nupa inthen kan awmna thin bul ber chu bul tan dan a fuh loh thin vâng a ni châwk! Vanduaina vangin kan thianghlimna te kan lo hloh tawh a nih pawhin tuna chinah tal chuan tisual nawn tawh lovin, Pathian hriatpui tlâk ngeiin chhungkua i din thar ang u.

Tunlai khawvel hmasâwna thang chak tak tawhah hian YMA member/thalai te hi kan dam/din khawchhuah a pawimawh em em a. Mahnia intodelh ngei pawh kan tum a tha. Intodelh tih hian sawrkar hnathawh kher a kâwk lova, ngaihtuahna kan sên peiha, kan taihmâk phawt chuan thawh sên loh hna hi a awm a ni. Vanduaina engemaw bik riauin min tlâkbuak te a nih loh chuan keini kristian thalaite hi châwmhlâwm ringawt nih i tum lo ang u. Chumi atang chuan chawmhlawm State ti a min sawina te pawh kan ti reh thei ngei in a rinawm. (more…)

CCC MEETING VAWI 92-NA NEIH A NI

Published / by Nursery Veng YMA / Leave a Comment

Central YMA rorelna sang, Central Co-Odination Committee vawi 92-na neih a ni.

Central YMA rorelna sang CCC chu Ni 10.11.2021 khan Chanmari YMA Hall-ah neih ani a, he hun hi Pu Vanlalruata President CYMA in a kaihruaia, Prof Lalnuntluanga General Secretary hnen atangin CYMA hmalakna tlangpui report ngaihthlak a ni. COViD-19 hripui leng mek avang a CCC hi tum nga (5) lai neih theih loh anih bakah rorel inkhawm pawh nikum 2020 ah neih theih anih loh thu tarlang in, YMA General Conference neih hnuhnung bera rorelte bawhzui a nih dan bakah, Hripui leng chungchang, mizoram ramri buai chungchang leh raltlan chungchang a YMA hmalakna hrang hrang te a tarlang bawk a ni.

CCC meeting hian YMA General Conference 2021 chu hripui leng avangin Bilkhawthlirah neih theih anih dawn tak loh avangin kumin chhung ngeiin Central YMA thlen turin Aizawl khawpui chhungah General Conference vawi 73- na chu neih turin a rel a, hemi a tana tul dangte chu CEC lo bawhzui turin dah a ni.

General Conference neih hun a rorel tur Agenda thlitfimna neih a nih bakah CYMA Budget 2021-22 ruahmanna chu Pu Fabian Lalfakawma Treasurer hnen atangin ngaihthlak a ni a, Conference ah pharh nise tih a ni.

CCC Meeting hi Chanmari Branch YMA ten lo buaipui in YMA Sub.Hrqs/Group leh Branch atangin palai 252 an kal khawm a ni. YMA General Conference 2021 Rorel Agenda atan heng te hi pawm a ni: (more…)

CEC MEETING VAWI 43-NA NEIH A NI

Published / by Nursery Veng YMA / Leave a Comment

Ni 13.11.2021 (Inrinni) Chawhma dar 11:00 khan Central YMA Executive Committee meeting Central YMA Committee Room-ah neih a ni a, meeting hi Pu Vanlalruata President-in a kaihruai.

CEC Meeting hian 73rd YMA General Conference hun atan December 16, 2021 chu a ruat a, a hmun tur lo zirchiang turin CYMA OB te a ruat.

Rorel palai leh hruaitu thlan a kal thei zat hetiangin bithliah fel a ni.

1. CYMA Office Bearers
2. Central Executive Committee member-te.
3. Sub-Headquarters YMA Office bearer te.
4. Sub-Headquarters Executive Committee member panga theuh.
5. Group YMA aiawh mi pathum theuh.
6. Branch YMA aiawh mi pathum theuh.
7. Central YMA OB hlui te. (more…)

CENTRAL YMA CHETVELNA

Published / by Nursery Veng YMA / Leave a Comment

05.11.2021 : Directorate of Agriculture Committee Room-ah Oil Palm Cultivation chungchang sawiho meeting neih a ni a, Prof. Lalnuntluanga General Secretary, Pu R.S. Lalrinsanga CEC leh Science & Environment Sub- Committee member atangin Prof. John Zothanzama, Pu C. Lalrinawma leh Pu V. Lalzarzova te an tel.

09.11.2021 : Muanna Veng Branch YMA-in an huamchhunga Graduate chin chung lam zirlai hlawhtling tharte chawimawina leh fuihna hun an hmang a, Tv. Lalhmachhuana, Vice President, Pu L.T. Zodinliana CEC, Pu Lalsawma Ralte CEC, Pu H.F. Lalrinpuia CEC, Pu K. Lalrinawma CEC, Pu C. Lalhmunliana CEC, Pu C. Lalhmachhuana CEC ten an hmanpui.

09.11.2021 : Maumual-a Central YMA ram hun dan tur a hmuna enin Pu Chawngthankima CEC leh Pu C. Lalhmunliana CEC te an kal. (more…)

ELECTORAL ROLL REVISION HRIATTIRNA

Published / by Nursery Veng YMA / Leave a Comment

November, 2021 chhung hian Electoral Roll Ennawnna (Revision) neih a ni leh dawn ta a. Hemi hun chhunga tih theihte chu :-

1. January Ni 1, kum 2022-a kum 18 tling tawh, Electoral Roll-a la awm lo tan dil theih a ni. (Ni 1.1.2004 leh a hma lama piang tan dil theih)

2. Hming leh nihna (particulars) siam that (correct) duh tan siam that dil theih a ni.

3. Veng dang atanga Nursery venga insawn (transfer) tur tan dil theih a ni bawk.

“Dil” tih hian dilna Form awmsa hmangin dil tur tihna a ni. (more…)

Editorial 07.11.2021

Published / by Nursery Veng YMA / Leave a Comment

Mizoram hi ram chhengchhia leh hmunhma rem lo tak ni mahse biodiversity lamah hian ram hausa tak kan ni a, kan ramngaw leh kan nungcha te kan humhalh tha lova, kan tichereu nasa viau chung pawh hian hemi kawnga ram hausa tak kan la ni thei hi a vanneihthlak hle a, chutihrualin, kan ramngaw leh nungcha te tichereu zawnga kan kal reng a nih chuan helama kan ram ngaw hausakna hian tawp chin erawh a la nei ngei dawn tih kan hriat a tul takzet a ni.

Khawvela nungcha, thil to zawng zawngte hi inmamawh tawn, inring tawn, inzawmna / inkungkaihna nei vek kan ni tih mithiamten an sawi a, hei vang hian kan ram ngaw leh nungcha te kan humhalh that chuan keimahni tan nghawng tha a nei ang a, kan humhalh that loh a, kan tihchereu zel a nih chuan he rama chêng mihringte bawk hi a tuartu tur chu kan ni dawn a, chuvangin kan ram hausakna neih sa tipung zel tur hian theihtawp kan chhuah a tul hle a ni. (more…)