TLANGVAL KUT BAL

Published / by Nursery Veng YMA / Leave a Comment

– Lalrinzuala Chawngthu

Mizo officer lian tak pakhat chu koh fiam nan ‘kut faia’ an ti. Amah pa ngo leh invawng fai tak chi a lo ni bawk nen a inhmeh phian. Tihelna nia sawi an awm ve tlat bawk. Tak tak ni maw!

Covid hripui laka inven nan fai taka kut sil pawimawhzia kan hre vek a, mihring hrisel nan leh changkan nan kut vawn fai a tangkai hle bawk. Mizoram sik leh sa hi celcius degree 13-30 nia sawi an awm a, khawvel pum thlir pawhin ‘boruak nuam tak’ a tih theih ang.

Hman ni lawk khan ruah tlem a sur a, thlasik lai a nih bawk avangin khua a vawt hle. Khami ni chhun khan ka handset weather forecast-ah chuan 14°C a ni. Sawrkar pisa chawlh ni lo mah se mi tam tak ang thoin khaw nawm loh leh hripui vang tein tawm mai mai ka tum a, mahse, mitthi kan nei si. (more…)

Editorial 16.01.2022

Published / by Nursery Veng YMA / Leave a Comment

Tunlaia Mizo tawng kan hman dik loh hi a zawng a za chuan tam tak a ni. Chi hrang hrang a awm a. Dik lo hrim hrim te, a lam rik dan dik lo te, phrase leh tawngkam dang a hman dan dik lova hman te, a dik hrula a dik lova hman te, kan awmna lam bial leh kan tlangdunga hman dan kan chhawm avanga mi hman dan nena inang lo te, tawng thar leh tawng lêrh lo piang thar zel avang te leh Sap tawng kalhmangin a hruai sual avanga dik lo te ni ber hlawmin a lang. Tun tum chu kan tawngkam hman than/lar pakhat lenkhawm zai hmangin in sawi ho teh ang.

Mizo tawngah hian fêng chu fên a ni a, hêng chu hên, lêng chu lên, sêng chu sên, vêng chu vên a ni a; mahse, lenkhawm zai ti lovin lengkhawm zai kan ti leh thin a, (more…)

CENTRAL YMA HMALAKNA

Published / by Nursery Veng YMA / Leave a Comment

08.01.2022 : Conference Hall, Office of the Superintendent of Police-ah Mizoram sawrkar-in Covid-19 chungchanga inkaihhruaina a tih chhuah leh Aizawl District chhunga inkaihhruaina kalpui dan tur chungchang sawiho meeting neih a ni a, Prof. Malsawmliana Asst. Secretary leh Pu Fabian Lalfakawma Treasurer an tel.

12.01.2022 : Assembly Annexe Conference Hall-ah khawvel hmun hrang hranga Covid-19 (Omicron Varient) leng mek hmachhawn tura inbuatsaihna chungchang meeting neih a ni a, Pu R. Lalngheta President leh Prof. Malsawmliana Asst. Secretary an tel.

12.01.2022 : PCCF Conference Hall-ah Executive Committee of State Forest Development Agency (SFDA) for Green India Mission meeting neih a ni a, Prof. Lalnuntluanga General Secretary a tel. (more…)

CENTRAL YMA HMALAKNA

Published / by Nursery Veng YMA / Leave a Comment

22.12.2021 : MINECO-a Multi Level Car Parking sak thar chu Dy. Chief Minister-in a hawng a, Pu Fabian Lalfakawma, Treasurer a tel.

22.12.2021 : Secretariat Conference Hall-ah Covid-19 Review Meeting neih a ni a, Pu R. Lalngheta President leh Prof. Malsawmliana Asst. Secretary te an tel.

31.12.2021 : Central YMA OB leh CEC member ten kumhlui thlah zana Aizawl khawpui chhunga Branch YMA Duty-te an tlawhchhuak.

05.01.2022 : Health Minister chu a Pisa-ah Central YMA OB ten an kawm a, Covid-19 chungchanga hmalak zel dan tur an sawiho.

06.01.2022 : Kum 2022 chhung atan Central YMA Office, Press leh Sub-Hqrs. YMA Office-te hawn tan a ni.

06.01.2022 : Chief Secretary Conference Hall-ah State Executive Committee – Disaster Management Authority meeting neih a ni a, Covid-19 chungchanga hmalak zel dan tur an sawihova, Prof. Lalnuntluanga General Secretary a tel.

07.01.2022 : Directorate of School Education Conference Hall-ah 100 Days Reading Campaign hawn Programme hman a ni a, Pu H.C. Zonunthara CEC leh Pu Vanlalsawma CEC te an tel.

07.01.2022 : Secretariat Conference Hall-ah Consultative meeting on VoC-Omicron/ Covid-19 neih a ni a, Prof. Lalnuntluanga General Secretary leh Prof. Malsawmliana Asst Secretary te an tel.

07.01.2022 : Aijal Club, R.B McCabe Hall-ah Lalthara, IAS (Rtd) lehkhabu ziah “Kan ram leh Hnam Humhalh Nan” tih chu Tv. Lalhmachhuana Vice President-in a tlangzarh a, Central YMA OB te an tel.

YMA TOBUL LEH A KAIHHNAWIH

Published / by Nursery Veng YMA / Leave a Comment

– K. Lalroenga
Saitual
Source; CYMA Chanchinbu

YMA tobul leh alo chhuah dan mithiamte leh hotuten an sawi thin a, an la sawiloh lam deuh a pangkhing lehlam inthlahrung tak chungin kan sawi chhuak ve teh ang. Thingtlang ringtu hmasa Upa te titi kan hriat ang angin ka sawi dawn a ni.

Kum 1894-ah Chanchin Tha lo lutin, a hnu zelah Harhna lo thlengin, harhna lo thlen atangin Lalte lalna hnuaiah Zofate chu hmun hnihah inthen phawkin, Isua Krista ringtu ten, ramhnuai hnena inthawi bansanin, Pathianin thalaite min suihfinna pawl chu alo ding ta a. Mizoten Kut kan hman thin ah pawh a thianghlim chin, hnamlam te, Customary Law ah pawh a thalai chauh chhawmnungtu pawl chu YMA hi a ni. Kohhran mal rindan chah la ngai lo, kohhran hrang hrangte nundan tha chauh ngaisangtu thalaite pawl a ni.

Thalaite Zawlbuk rorelna-in a phuar phak tawhloh turte Chanchintha meichher kengtu, thalaite fuihtu, hnam lungrualna kulhpui, Mizo thalaite venghimtu pawl, khawchhung vawng himtu pawl, Zofate hmasawnna ngaituah tura Missionary rilru pua din.Chutiang chu anih avangin, ram leh hnam humhalh te, intodelh te, ruihhlo do te, tanpui ngaite tanpui chu a hna pui ber a ni a. Mi thenkhatten kumpuan hi sawisel thin mahse, kuanglo nawr ti mahse, YMA memberte duty ani tlat. Khatia Mizo thalaiten chunglam Culture thar kan neih chiah khan, uain hluia kut tawh lova, a thara hnamfa kan kut na turte, kan tihdan hlui bansan a, a thara nung chho mek, thalaite dawngdah mai mai tur tihtur thar kawhhmuhtu tura din a ni. (more…)

Editorial 09.01.2022

Published / by Nursery Veng YMA / Leave a Comment

Khawvel hmun hrang hrangah mi maktaduai chuangin an thihpui tawh Coronavirus/Covid-19 chuan Omicron variant hmangin khawvel a rawn chawk buai thar leh ta, Mizoram chhungah ngei pawh mi 558 laiin an thihpui tawh a ni. Hri leng laka Mizoram venhim a nih theih nan sawrkar chuan hma a la a, ruahmanna hrang hrang a kalpui mek a ni.

Sawrkarin he hri leng laka Mizoram mipuite kan him theihna tur ngaihtuahin, khawvel ram dangten an lo tawrh dante zirchiang chungin Mizoram tana tha tura an ngaih hmangin mipuite himna atan ruahmanna a siam a, tunah hian mipuite pawna chhuak tam lo tur leh Mizoram pawn atanga lo hawte inkhung hrang turin ruahmanna a siam a, heng ruahmannate hi mipuite hian kan him tlanna tur a ni tih kan hriat a, tha taka he thupek kan zawm hi keimahni tan a ni tih kan hriat a tul hle a ni. He hrileng laka lo invenna tur hrang hrang sawrkarin a duante hi sawrkar leh khawtlang (more…)

KOHHRAN HRANG HRANG HUNPUI HMAN DAN

Published / by Nursery Veng YMA / Leave a Comment

Nursery Venga Kohhran hrang hrang te Krismas leh Kumthar lawmna a an hun hman dan tlangpuite;

1. Nursery Veng Presbyterian Kohhran :
Krismas leh Kumthar lawmna hun hlimawm tak leh tluang takin an hmang a. Lal piang lawm nan inkhawm ban ah chhang bawm a dah in, inkhawm te tan sem a ni. Ni 31 zan khan kum 2021 chhunga an member boralta te sunna hun an hmang bawk.

2. Nursery Venglai Presbyterian Kohhran :
Lal piang lawm nan inkhawm ban ah thingpui ruai thehin hun an hmang a, ni 31. zan khan kum 2021 chhunga an member boralta te sunna hun an hmang a, kumthar lawmna a tan inkhawm ban ah thingpui ruai an theh ho bawk.

3. U.PC. (N.E.I) :
Krismas leh Kumthar lawmna hun hlimawm tak leh tluang takin an hmang a. Lal piang lawmna hun hi a hranpa a ei leh in siam hun an hmanglo a, Kumthar lawmna erawh inkhawm ban ah thingpui leh Artui sem in hun an hmang a ni. Ni 31 zan khan kum 2021 chhunga an member boralta te sunna hun an hmang bawk.

4. U.P.C (Mizoram) :
Krismas leh Kumthar lawmna hun hlimawm tak leh tluang takin Thingpui ruai nen a thehin hun an hmang.

5. Salvation Army :
Krismas leh Kumthar lawmna hun hlimawm tak leh tluang takin Thingpui ruai nen a thehin hun an hmang.

TANRUAL HI CHAKNA

Published / by Nursery Veng YMA / Leave a Comment

– R. Vanlalhmachhuana
President, NYMA

Pathian hruaina in Kum 2022 chu dam takin kanlo thleng leh ta a, he hun lawmawm tak min hruai thlengtu Pathian chu fakin awm se, khawtlanga ka rawngbawlpuite Kumthar Chibai ka buk che u a, he kumthar hi intan kumtha lo ni mawlh rawh se, tiin duhsakna ka hlan a che u.

Kum 2022 chhung atan YMA hruaitu mawhphurhna chelh turin member ten min thlang hi a lawmawm rualin phulo ka inti in ka huphurh tak zet a, amaherawh chu YMA hi hruaitu te kutah chauh a in nghat lova, YMA Member zawng zawngte nena kan tanrual a, kal thei chauh a ni tih ka hriat in, Nursery Veng hian hma kan sawn theihnan Member zawng zawngte hnathawh kawr ha a, lungrual tak leh theih tawp a hruaitu te min nawr kal tur leh min fin chhuah zel turin ka sawm hmasa che u a ni. (more…)

Editorial 02.01.2022

Published / by Nursery Veng YMA / Leave a Comment

Pathian venna leh kaihhruaina avangin kum 2021 chu kan hmang ral leh ta reng mai. He kum hi thenkhat tan chuan kan vanneih kum, kan hamthat kum, malsawmna kan dawn kum pawh a ni thei e. Thenkhat tan erawh chuan kan vanduai kum, kan lusun kum, kan hlawhchham kum pawh a ni mahna. Engpawh nise kan ui emaw, kan ning emaw sawi theih kan nei lo. A liam ta vawng vawng mai. Ngai mah ila, au mah ila a sawt tawh lo.Mizote hi kan hun hman mek uluk lem lo tak, ren lem lo, hlawhchham pawh a nakumah chuan ti zen zel mai, kumtharah pawh thahnem ngaihna thar nei chuang lem lo, insiamthat tum leh chuang lo kan ni fo va, chuti vang chuan “Pachhe kum tiam”tih pawh alar hle reng a ni. Mitin hnenah Pathianin hun thuhmun, in ang theuh min pe a, kan hmang hlawk hlei hle thung, kan thawk hnem hlei hle zawng a nih hi. Thufing pakhat chuan, ‘hun hi pawisa a ni’ (Time is Money) a ti a, dikna chen a tam hle awm e. Hun neih chhun hmang tangkai thiam leh thiamlo te inkar zauh zia hmu thinte chuan he thufing dik zia hi an hre chiang viau awm e. (more…)

CIVIL PENSIONER HRUAITU THLAN A NI

Published / by Nursery Veng YMA / Leave a Comment

Ni 29.12.2021 (Nilaini) khan Nursery Veng a Mizoram Civil Pensioner Association (MCPA) hruaitu tur thlanna VC Hall-ah neih a ni a. Local Council President Pu Ch Lalnunmawia leh Treasurer Pu Lalneihkima te kaihhruaina in heng a hnuai a mite hi Kum 2022-2023 chhunga tana MCPA Nursery Veng hruaitu atan thlan tlin an ni.

President – Pu Thankhuma
Vice President – Pu Vanlalthanga
Treasurer – Pu R. Lalthianga