Month: July 2021

Editorial 25.07.2021

Published / by Nursery Veng YMA / Leave a Comment

Kan tawngka chhuak te hi, mi ten engtin nge an ngaih ang, engtiangin nge an nun a nghawng ang tih te hi kan ngaihtuah hmasa ngai em? Rilru a rawn lang hmasa ang ang ngaihtuah chiang mang lova sawi phawng phawng mai kan ching thin em? An ngaihdan tur ngaihtuah hmasa lova tawng chhuah miah miah mai hi kan ching thin a nih ngai chuan thil tha ber a ni lo mai thei a nia.

Chutiangin, tunlaiah Hripui leng avangin dan hnuaiah mitin inkharkhip in kan awm vek mai a, Jail zau pui mai a tang ang mai in mahni in ah kan awm chu a nih hi maw! Chutiang hun hrehawm leh khirhkhan tak hnuaia khawsa kan nih avang chuan rilru put hmang pawh tluang tak a kal theih loh chang a tam. Thil eng eng emaw ngaihtuahin, ngaihtuahna leh suangtuahna a kal ding chang phei chuan a hma a kan ngaihtuah ngai loh thil dang ngaihtuah daih chang a awm duh viau hian a rinawm. Tunlaiah LLTF leh YMA tlawmngai ten pawn chhuak vengin nitin zantin duty a, mahni inpe a thawkchhuak thin te an awm a, chutihrualin, mahni in lamah a then kan tawmím thung. Chutiang karah chuan atu-ate mai pawh hian kan tawngka chhuak hi kan ven tlan a ngai hle mai. Duty kan ni emaw, in lam a tawmím kan ni emaw, kan tawngka chhuak hian mi te a ti na dah ang e tih hlauin kan insum hram hram a tul hle a ni.

“Mi tin engtia chhan theuh tur nge ni tih in hriat theih nan in tawngka chhuak chu, chia al, khawngaihna tel ni fo rawh se” (Kolassa 4:6). He thu a kan hmuh ang hian kan tawngka chhuak hi mite ti damtu, thinrim tudaitu lo ni mawlh
se a van tha in a va thlamuanthlak dawn em.

NURSERY VENG LLTF THUCHHUAH

Published / by Nursery Veng YMA / Leave a Comment

Ramchhung ah Covid-19 chuan bu a khuar nghet zel a, nitin kai kan tam tial tial a, hetih lai hian duh vang reng nilo in a kai theih a, positive contact pawh kan hriat loh laiin kan lo ni thei reng a ni.

Chumi a nih avang chuan kan hnathawhna hmun ah a ni emaw, veng chhung ah pawh nise, covid-19 kai te nen a in hnimhnaihna nei te reng reng chu heng a hnuaia phone number ah hian hetiang hian in report tur a ni e.

1. Hmingpum
2. Kum zat
3. Vaccine lak tawh zat
4. Sample lak tawh zat
5. Positive nena in contact ni.
6. Phone number

In report na tur number te:-
1. Dr. Martin Chawngsailova – 9612191723
2. Lalthlamuana – 8974696706
3. C. Lalrammuana – 9612762701
4. Michael Lalruatdika – 9774173614

CONTACT TRACING TEAM
LLTF : NURSERY VENG

BEISEINA

Published / by Nursery Veng YMA / Leave a Comment

Thil dik a ni nain awih har tak a ni. Mihring hi ni 70 chhung chaw tel lovin a nun theih a, ni 10 dawn lai chu tui tel lovin a nun theih bawk. Boruak awm lohna hmunah pawh minute 7 lai a dam theih a ni.

A tel lova kan nun theih miah lohna thil pakhat chu beiseina hi a ni.

America rama lung natna lam specialist doctor pakhat chuan, “Beiseina hi damdawi dang zawng zawng aia ka hman tangkai zawk a ni a, engkim deuhthaw hi a tidam thei a ni,” a ti a. Doctor dang pakhat chuan, “Beisei tur nei lo khawpa mi i siam chuan a kuangah perek pakhat i kilh belhah inngai rawh,” a ti bawk.

Leslie B.Flynn (more…)

I BEIDAWNG LOVANG U AW

Published / by Nursery Veng YMA / Leave a Comment

Rev. Dr. C Lalhlira, Synod Moderator

Kum 2019 kum tawp lam atanga kan hriat Corona virus, (‘covid 19′ an tih bawk chu) tûn thlengin kan la buaipui ta zêl. Hri kái te, nat phah te, thihpui te pawh an va tam ta êm! Khawvêl ram tinah a darh a, mihring intlawhpawh nasat avàngin khawvêl hmun tin, kil tin a fan chhuak ta. Kan theih tâwpin kan do va, kan thiam ang angin kan fîmkhur a, chuti chungin hri kái an la pung zêl nia. Kan beidawng mai ang tih a hlauhawm ta. Fîmkhur te, insùm te, thu áwih te hi a sâwt chuang lo va ngaiin kan bei a dawng tawh mai lo maw le? Beidawng’ ni ta ila, eng nge kan tih chuan ang le? Khawlaiah chhuak sup sup ila, duh duh tiin, duh duhin khawsa ila, tûn ai hian hripui hian min tibuai zâwk si ang. Khawvêl hi beidawngte hlawhtlinna hmun a ni lo va, beidawngten beiseina an neih thar erawh chuan hlawhtlinna leh damkhawchhuahna an nei thung. (more…)

CYMA NGENNA

Published / by Nursery Veng YMA / Leave a Comment

Central YMA hmingin chibai ka buk a che.

Kan hriat theuh angin Covid-19 hripui leng vanga harsatna chuan min cham chilh nghet chho ta hle mai a. Sawrkar hmalakna leh VLTF/LLTF-te hmalakna pawhin a vawrtawp a thleng chho ta in, infuih thar a, tan lak thar a tul leh ta hle a ni.

Mizoram State Disaster Management Authority atanga ngenna kan dawn, Covid dona thawhhona chungchang, insangmar leh zual tura ngenna leh sawmna kan hmuh chu, CEC thukhawm July ni 17, 2021-a neih chuan ngun takin a ngaihtuah a, hripui dona kawngah thahnemngai leh zuala tan lak tul a ti hle a ni. CEC thukhawm chuan, hripui leng mek dona kawngah leh hri leng mek chhut chah nan, Task Force-te nen inbe remin, hetiang hian hmalak ni se – (more…)

HRIATTIRNA

Published / by Nursery Veng YMA / Leave a Comment

Covid-19 hripui chu kan ramah darh zelin, Aizawl District chu Mizoram chhunga hrikai tamna ber District a ni a. Chuvangin Mizoram Sawrkar chuan Total Lockdown a puang a. He Total Lockdown hi hlawhtling taka kalpui a nih theih nan leh he hripui laka kan him zel theih nan, LLTF/VLTF leh mipuiten a hnuaia tarlan te hi zawm ngei tur a ni:

1. HMUN PAWIMAWH LAIA HRUI PAWH:
LLTF /VLTF tin ten an veng/khua theuha kawn leh chhuah ruk theihna leh hmun pawimawh te lo thlang chhuakin, chung hmunah te chuan hrui pawtin duty dah tur a ni a, tul lo leh danin a phal chin baka mipui chhuak vak an awm lohna turin uluk taka duty tura ngen leh hriattir an ni hawk.

2. AURINNA HMANGA MIPUI ZIRTIR:
LLTF/ VLTF tin ten aurinna hmangin Sawrkarin Covid-19 laka kan himna tura Total Lockdown inkaihhruaina a siam leh Covid Appropriate Behaviour – midang nena inhlata awm, intlawhpawh loh, mask vuah that leh kut silfai ngun te – zau tak leh uar takin mipuite zirtirna turin an puang chhuak thin tur a ni. (more…)

COVID-19 LEH A KAIHHNAWIH

Published / by Nursery Veng YMA / Leave a Comment

– Dr. Martin Chawngsailova
A -Section

Hrileng in hun rei tak min awpbet ta a, inkharkhipna pawh ngaiah kan nei ta nge maw ni hrilengin ziaawm lam a pan thei rih meuh lo, inkharkhipna hnuaiah kan tawm rei tak avangin eizawnna kawngah, sum leh pai deh chhuah kawngah mi tam takin harsatna kan tawk a ni tih pawh inhrilh nawn fo kan ngaiin a rinawm loh. Covid – 19 hrik in mihring taksa chhunga a hnathawh dan leh nunna atana a hlauhawmzia pawh A Aw B Ch kan bel tluk zetin kan bel tlang tawh. A changin kan inhlau tawn a, a changin kan inhlauh tawnna te pawh hi a nep leh deuh thin emaw ni chu aw tih tur hian kan khawsak dan hi hriatthiam a har a,kan hun tawn meka hri kiam thei lo hi engnge a chhan tak pawh hi hriatthiam a har ta hle mai.

Kan han phun hluai a, sawrkar kal dante kan han sawisel leh ang nawk nawk a, hrivei kan tam ve viau emaw kan tih lai hian Mizoram chu a ziaawm ber kan ni lawi si. (more…)

Editorial 18.07.2021

Published / by Nursery Veng YMA / Leave a Comment

Tun tum Euro Final ah khan Italy chuan England hneh in an champion a nih kha, an khelh dan leh Football lam pang chu luhchilh ve lo mai ila, a hnu lam thil hi han sawi tum teh ang.

England midum Player te chuan Penalty pet Goal lovin an chak loh phah a nih kha, kha mi avang khan England fan te chuan chi inthliarna lam hawi in an player te an dem nasa em em a, nasa takin an sawisel a, buaina te pawh a chhuak hial a nih kha. Kan hriat angin England chu mi ngo ram a hriat thin a ni, amaherawh chu hnam dang an lut nasa a, tam tak inneih pawlh in, tun ah chuan mi ngo ram tih theih a ni ta lo, Football player ah pawh English mi ni ve tho si, (more…)

Editorial 11.07.2021

Published / by Nursery Veng YMA / Leave a Comment

Boruak dangin min chim theilo, he hripui zet zawng a chimawm ngei mai, mahni duhdan leh nuam tih zawng te, duh duh lam hawi a kan vahvel theihna te kha min tih tawp sak chiang hle a ni.

Chhungkaw tam tak thihna avangin an rum a, hri an vei mek avangin an mangang a, keini veng pawh kan bang biko a, Pathian in min veng a, he hri avanga thihna em kan la tawng velo a, ava lawmawm tak em, Pathian min venna avanga tun dinhmun hi thleng kan la ni, chutih rual chuan kan himna tur atan a thawktu Local Level task Force-te hi an va pawimawh tak em. (more…)

RAPID ANTIGEN TEST (RAgT)

Published / by Nursery Veng YMA / Leave a Comment

– Dr. Lalthlengliani( MD, Biochemistry)

Medical lam mi ni lo te tan hriatfiah awl tura ziah a ni.

Covid-19 vei leh vei loh enna, Rapid Antigen Test hian Viral protein (coronavirus spike protein) awm leh awm loh a en a.

RT-PCR erawh chuan viral genetic material them a en thung a. Viral genetic material hi Polymerase Chain Reaction hmangin copy tam tak a siam hmasa phawt a, chumi hnuah enfiah a ni ta chauh a. Hei hian viral load a san hma pawhin infection awm leh awm loh a hriat chhuah tir hma thei a ni. Amaherawh chu viral gene pumpui kha a en lova, viral genetic material tlem awm kha hmuthei tur a duan a ni a. Chuvangin RT-PCR test hian virus damlai leh virus thi tawh a thliar hrang thei lo a ni, he lai tak hi a that famkim lohna lai kan ti thei awm e. Test reng reng hi 100% dik vek hi a awm thei lova. Chuvangin ICMR pawhin guideline a siam a. Chutah chuan RT-PCR hi gold standard chu a la ni reng a. (more…)