Month: September 2021

LOCAL LEVEL TASK FORCE OB MEETING NEIH A NI

Published / by Nursery Veng YMA / Leave a Comment

Ni 19.09.2021 (Pathianni) chhun khan VC Hall-ah Nursery Veng Local Level Task Force Office Bearers Meeting neih a ni a, thurel tlangpui te;-

1. LLTF OB in ruat belh tha kan ti a, Financial Secretary tur ngun taka ngaihtuah a nih hnu ah, Pu MC. Lalruatfela chu Nursery Veng LLTF Financial Secretary atan lungrual taka ruat a ni.

2. Covid-19 Third Wave lo thleng mai thei lo hmachhawn dan tur ngaihtuah a ni a, hemi atan LLTF member te in siamthat deuh ngaia hriat a ni a, tin, Ex-gratia a inziahluhna kha, tun thla (September) ni 30 hian a thi dawn bawk a, a thar veka tih leh a ngaih dawn bawk avangin, LLTF member ni lai, harsatna leh eng emaw avanga tel chhunzawm thei tawhlo tur a in ngai, member nihna atanga chawl duh te kan awm chuan, Secretary te bulah a rang lama in hriattir nise tih a ni. Tin, Third Wave chungchang thlirlawkna neih tha kan ti a, hemi atan hian ni 26.09.2021 (Pathianni) Chawhnu dar 2:00 hian, LLTF General Meeting neih ni se ti a rel a ni. (more…)

Editorial – 26.09.2021

Published / by Nursery Veng YMA / Leave a Comment

YMA motto ah ‘Hunawl hmanthat’ tih ziak hi kan hmuin kan chhiar fo tawh a rinawm. Han en a, han chhiar mai chuan engtiang takin nge maw kan hman that ang le? tih mai awl tak tur chu a ni reng reng (tha tih zawng in ang hek lo le). Hun awl hman that dan; kan teh fung a in ang lo miauva.

Thenkhat chuan ‘Mihring hian hun awl kan nei lo, kan hman tangkai loh lai hi hun awl chu a nimai’, an ti a, chuti a nihchuan hun awl thumal hian awmzia a nei thui em em lo tihna em ni dawn? Awl reng reng kan neih loh Hun chu engtiang a hman that tur nge nita, engtia teh tur nge, engtiang a hman that tur ni maw! (more…)

CENTRAL EXECUTIVE COMMITTEE MEETING NEIH A NI

Published / by Nursery Veng YMA / Leave a Comment

Ni 25.09.2021 (Inrnni) khan CYMA Hall-ah Central Executive Committee Meeting neih a ni a, thurel tlangpui te:

1. Covid 19 hripui leng mek avanga harsatna kan tawh mek chungchang leh nunna chan kan pungchho zel chu YMA chuan pawi a ti in, lusun chhungte a tawrhpui tak zet a ni. Hrikai leh kailo te hriat chhuah zung zung an nih theih nan Central Executive Committee chuan RTPCR Laboratory tam thei ang ber din belh anih theihnan Mizoram Sawrkar chu chak taka hmala turin a ngen a ni.

2. Myanmar buaina avanga Mizorama Myanmar raltlante chhawmdawlna kawngah theih tawpa hmalak zui zel tha tih a ni. Hmalakna leh tuldangte chu Myanmar Raltlante Tanpuitu (more…)

TECNICAL ADVISER TO CHIEF MINISTER LEH CENTRAL YMA HRUAITUTE INLAWM

Published / by Nursery Veng YMA / Leave a Comment

Ni 23.09.2021 (Ningani) khan Technical Adviser to CM Er. K. Lalsawmvela office ah E-in-C MPWD, Exevutive Director NHIDCL leh Central YMA hruaitute inkawm.

Mizoram chhunga kawng siam mek chungchang sawiho niin hnathawh mekte a hun taka zawh anih theih nan harsatna awm thinah YMA te tawiawmna leh puihna mamawh anih thu tarlan a ni.

Mizoram chhunga kawng siam mekte tha, tlo leh rintlaka siam anih ngei theihnan thawktute tanla tura kan duh thu thlen a ni.

Sub Headquarters/Group/Branch YMA ten kawngsiam chungchanga harsatna hrang hrang – duhthusamlo, hna tha lo leh hmanrua tha lo hman anih thin chungchang pawh sawilan a ni. Kan thu thlente hi lo enzui nghal an tum thu dawn a ni.

Mipuiten kan chanvo kawngtha kan neih ngei theihnan YMA chuan hma a la zel dawn a ni.

YMA vul zel rawh se.

GENERAL SECRETARY – CYMA KAM CHHUAK

Published / by Nursery Veng YMA / Leave a Comment

Chibai u le, vawiin hun tluangtaka hmang turin duhsakna ka hlan a che u.

1. Hripui lengin min la kiansan hlei thei lo, a nasa tulh tulh emaw tihtur in Mimkut thla ni 1 atanga ni 22, 2021 chhung ngawt pawhin nitin hrikai thar kan neih hi 1000 chuang a ni ta reng mai. India hmarchhak bikah phei chuan kan No.1 chiang ta hle mai. Pathian zarah nunna chan erawh kan hniam rih thung e. Tawngtaia Pathian kan auh nasat a tul hle mai, hetih rual hian Covid Appropriate Behaviour (CAB) zawm kawngah tan kan lak a tul tak zet e. Kan thawk viau tawh chung pawhin kut kuang kuah ngawt thei erawh chu kan ni si lo. Tan ila thar zel ang u.

2. Mipui zirtirna kawngah YMA in kan hmanraw neih tangkai tak Vantlang Tlangauna hmang tangkaia kan inzirtir thar leh a tul hle mai. (more…)

AIZAWL DC THU CHHUAK – RED ZONE LEH RESTRICTED AREA CHUNGCHANG SAWIFIAHNA

Published / by Nursery Veng YMA / Leave a Comment

Social media hrang hrangah veng thenkhat ni 25 Sept, 2021 atanga ni 5 October, 2021 thleng Containment zone-ah Aizawl DC in a puang ti a thehdarh a awm a, hei hian zawhna a siam tam hle tih hriat a ni a. Red Zone leh Restricted area chungchang hi mipui in chiang zawk leh zau zawka kan hriatfiah theihnan hetiang hian Aizawl DC chuan a sawifiah.

1. Aizawl District huam chhunga veng/khaw tin a active case awm zat a zir leh ni 7 (sarih) chhunga hri kai thar awm dan a zirin Zone hrang hrang- Red Zone, Orange Zone leh Green Zone ah te then thin a ni.

2. Active Case 80 aia tam awmna leh ni 7 chhunga nitin kai thar an awmna Veng/Khua te hi Red zone-ah dah an ni thin. He Red Zone-a an awm te tak avang ngawt hian inkhuahkhirhna hranpa a awm ta tihna nilo in Sorkar in SOP a hman ang tho hman thin a ni a, hrikai tamna veng/khua a ni tih a entir mai a ni. (more…)

CENTRAL YMA LEH NGO UNITED FOR DEMOGATIC MYANMAR TE INKAWM

Published / by Nursery Veng YMA / Leave a Comment

Mimkut thla ni 21, 2021 chawhnu dar 2pm khan Central YMA, Myanmar Raltlante Chhawmdawl Committee te leh NGO United for Democratic Myanmar te inkawm.

1. Inkawmhona hunah hian Myanmar MP 4, MLA 3 leh NGO United for Democratic Myanmar hruaitu mi 2 an tel bawk.

2. Myanmar raltlante tanpuina leh tuamhlawmna kawnga YMA hmalakna hrang hrangah lawmthu an sawi a, harsatna lian zawk thleng thei reng anih avangin YMA te kutah an innghah thui hle thu ngaihthlak a ni.

3. Myanmar ram tualchhung dinhmun leh CDM/NUG hmalakna ngaihthlak a ni bawk.

4. Sawrkar mi leh sa CDM zawmte chungchanga hmalakna tul hrang hrangte an hnen atang hian ngaihthlak a ni.

Prof. Lalnuntluanga
General Secretary
Central YMA

NUPUI/PASAL NEI TUR LEH NU LEH PA TE TAN

Published / by Nursery Veng YMA / Leave a Comment

Martin Luther-a chuan, “Nupui hi neih leh ngai ka nih chuan lungpui atangin ka thuawih deuh tur ka ker ngat ngat tawh ang” a tih laiin, thuhriltu ropui dang Billy Graham-a chuan, “Vanram chu Ruth-i neih ang maia nuam leh hlimawm anih ka ring” a ti ve mauh mai!

Anni pahnih hian, “A nuam leh hrehawm, bawrhsawm lai ber pawhin, tiam tlat e……Kumkhua atan, thih hma zawng” ti a Pathian leh Kohhran hote hriatpuia an lo tiampui tawh an nupui chungchanga an thusawi han ngaihtuah hian, nu ho hian an pasalte’n engangin nge an ngaih ang aw, tih in ngaihtuah a, an lo in enfiah ve mai maina atan heng mi ropui pahnihte thusawi hi ka han tarlang a ni. (more…)

Editorial 19.09.2021

Published / by Nursery Veng YMA / Leave a Comment

He khawvela kan awm chhung hian mi tu pawn ngaihsak nih kan duh veka, ngaihsak kan hlawh theih nan engemaw ti taka awm dân pawh kan thiam thin. Kan mihringpuite ngaihsak na dawn hi a nuama, an tan hlutna kan nei tih a chianga, chu chuan kan rilru ah hlimna min pe a ni. Tin, nun a ti phûrawma, beiseina neiin hmalam pan turin min nawr kal bawk thin. Chutihrualin, ngaihsaktu neilo nih chu a hrehawmin, khawvela mi vanduai ber nihna a tling si.

Mite ngaihsakna chauh hi phût leh beisei tur kan ni lo, mi dangte ngaihsaktu nih kawngah tan kan la thar zawk tur a ni.

Khawvela kan awm chhung hi chuan chêngho tur kan nia, mahse, thenkhat hi chuan an duh dân têa khawsa zel turin kan inngai a ni mahna, thenawm khawvengte bân phâk tur leh tih buai ngam khawpin kan awm meuh ta lo.
Chutihlaiin, inchênchilha, nun ho tur kan nih zia hre chiang apiang chu, mi dangte tanpui turin, miten an tihbuai ngam leh an mamawh hun apianga an beisei ngam khawpin an awm thung a. Chung mite chu, an hausa emaw rethei emaw vang lam a ni lo, Pathianin ang khat vekin min siam ziate, in mamawh tawn vek kan nih ziate, mihringin kan hmalam hun kan hriat lawk miah loh thu te an hriat chian vang a ni thei ang. A tawi zawngin, Pathian thu an awih vang a ni ber awm e. (more…)

CENTRAL YMA THUCHHUAK

Published / by Nursery Veng YMA / Leave a Comment

Myanmar ram buaina avanga kan unaute raltlan buaipuina kawnga Sub-headquarters/Group/ Branch YMA te hmalakna ah lawmthu kan sawi e. Mahni sahimna tura lo tlan kan unaute kan theih leh phak tawka lo tuam hlawm theuh turin Mizo mipuite YMA chuan a ngen a ni. Raltlan te thlamuang taka an awm theih nan leh buaipui mekna kawngah Sub-Headquarters/Group/Branch YMA ten theih tawp i chhuah zui zel ang u.

1. Branch YMA te raltlan tanpuina pe thei tura beisei kan ni a, kan huamchhunga tanpuina pe thei an awm chuan lo bawhzui ni se.

2. Raltlan tanpuina pe duh mimal, pawl, kohhran kan awm anih chuan Central YMA Office ah emaw Central YMA Account Number-97003624845(Mizoram Rural Bank) IFSC- SBIN0RRMIGB ah hian pek theih a ni se. Tanpuina hi 15th October, 2021 ral hma a pek theih ni se.

3. Myanmar raltlan tanpuina pe duh ten Sub-headquarters/Group/ Branch YMA kaltlanga tanpuina pek hram ni se.

4. Raltlante enkawlna kawnga kan awlsam tlan nan Sub-headquarters/Group/Branch YMA ten felfai taka chhinchhiah ni se.

5. Tanpuina hi a sumfai a pek theih hram ni se. Account kaltlanga tanpuina pe ten hming leh veng chiang tak a ziak tel hram ni se.

Sd/-
Prof. LALNUNTLUANGA
General Secretary,
Central YMA.