Day: 7 November 2021

ELECTORAL ROLL REVISION HRIATTIRNA

Published / by Nursery Veng YMA / Leave a Comment

November, 2021 chhung hian Electoral Roll Ennawnna (Revision) neih a ni leh dawn ta a. Hemi hun chhunga tih theihte chu :-

1. January Ni 1, kum 2022-a kum 18 tling tawh, Electoral Roll-a la awm lo tan dil theih a ni. (Ni 1.1.2004 leh a hma lama piang tan dil theih)

2. Hming leh nihna (particulars) siam that (correct) duh tan siam that dil theih a ni.

3. Veng dang atanga Nursery venga insawn (transfer) tur tan dil theih a ni bawk.

“Dil” tih hian dilna Form awmsa hmangin dil tur tihna a ni. (more…)

Editorial 07.11.2021

Published / by Nursery Veng YMA / Leave a Comment

Mizoram hi ram chhengchhia leh hmunhma rem lo tak ni mahse biodiversity lamah hian ram hausa tak kan ni a, kan ramngaw leh kan nungcha te kan humhalh tha lova, kan tichereu nasa viau chung pawh hian hemi kawnga ram hausa tak kan la ni thei hi a vanneihthlak hle a, chutihrualin, kan ramngaw leh nungcha te tichereu zawnga kan kal reng a nih chuan helama kan ram ngaw hausakna hian tawp chin erawh a la nei ngei dawn tih kan hriat a tul takzet a ni.

Khawvela nungcha, thil to zawng zawngte hi inmamawh tawn, inring tawn, inzawmna / inkungkaihna nei vek kan ni tih mithiamten an sawi a, hei vang hian kan ram ngaw leh nungcha te kan humhalh that chuan keimahni tan nghawng tha a nei ang a, kan humhalh that loh a, kan tihchereu zel a nih chuan he rama chêng mihringte bawk hi a tuartu tur chu kan ni dawn a, chuvangin kan ram hausakna neih sa tipung zel tur hian theihtawp kan chhuah a tul hle a ni. (more…)

SAVA KA NGAIDAM

Published / by Nursery Veng YMA / Leave a Comment

– Ramhmangaiha,
Hnamchhantu

Niminah air gun mu thahnem tak nen ka buh veng tûrin ka kal. Sava te tak te tè tè ten an lo tlan, pit rual an. Hetiang hian chawlhkar hnih an tlan tawh. Chu chu veg tûrin ka airgun ( ka thianpa PL-a) min hawh tir nen chuan ka in pu liam ve. Sava chu chhiar ila 50 atanga 100 inkar vel an ni thei mai awmin ka hmu. Tichuan ka buh eitu sava chu ka han kap ta a. Mak takin vate pakhat chu a lu takah ka kap fu mial a. Kan inkar hi feet 25 atanga feet 30 vel a ni thei mai awm e. Ka kahna atang chuan kut zungpui tia vêlin a lang.

Sava chu ka chhara ka han en chian chuan a tê hlê mai tih ka hmu a. A irte ka han hmet vela, buh hum kha a kâah barhin a pumah thun ila. A kareh, a hmui thlengin rem ila, buhum fang 10 kan rem theih chuan a puar fé ang. Tichian ka ngaihtuah zui ta viau mai a. (more…)

CYMA LEH PHED

Published / by Nursery Veng YMA / Leave a Comment

THAWHDUNNA THUTHLUNG CHHUNZAWMNA PUBLIC HEALTH E GINEERING DEPARTMENT (PHED) LEH CENTRAL YOUNG MIZO ASSOCIATION (CYMA)

He thawhdun chhunzawmna thuthlung hi ni 28th October 2021 (Ningani) khan Office Chamber of Engineer-in- Chief, PHED ah pawm a ni a, hming ziah hnan ani.

Thawhdunna : Tuihna Humhalh (2021-2025)
Thiltum : Kan Rama tuihna humhalh leh a awm sa tihpun.

PHED leh CYMA chuan ‘Kan rama tuihna humhalh leh a awmsa tihpun’ tih chu thupuiah neiin kum 2012 leh 20l7-ah te hian thawhdunna thuthlung ziah alo ni tawh a. He thawhdunna avang hian tuihna humhalh kawngah thanharhna a thleng mek a, rah duhawm tam tak hmuh chhoh mek zel a ni. He ram rohlu tuihna humhalh hian ramngaw leh nungcha humhalh nena inzawmna nghet tak a nei a, tui tello chuan nunna hi awm thei anih loh avangin Mizoram Sorkar chuan PHED & CYMA thawhdun phalna hi a pe leh ta a ni. (Letter No. B-13011/6/2018-PHE/dt.28 th September 2021). (more…)

CENTRAL YMA CHETVELNA

Published / by Nursery Veng YMA / Leave a Comment

01.11.2021 : DC Conference Hall-ah Publication of Draft Electoral Rolls, 2022 programme hman a ni a, Prof. Malsawmliana, Asst. Secretary a tel.

01.11.2021 : Secretary, MBOCWWB Pisa-ah Meeting neih a ni a, Pu Joseph Vanlalhruaia Sailo, CEC a tel. MBOCWWB hnuaia member inziak lutte Inspection neih dan tur an sawiho. (more…)