AFRICAN SWINE FEVER (A.S.F)

African Swine Fever hi Vawk leh Sanghal ten an vei thei a, he natna veite chuan an thihpui tlangpui. A.S.F natna hi inkaichhawn awl tak niin Vawk a hrik awm (Ornithodoros species) te hian an pu darh a, Vawksa atanga siam Sausage, Meat Ball etc. atang te pawhin he natna hi a darh zel thei, chuvangin ram dang atanga Vawk leh Vawksa atanga siam eitur (Frozen food) lakluh loh tur a ni. A enkawlna tur Damdawi leh a venna Vaccine a la awmlo a, Mihring ten an kai report a la awm lo bawk.

African Swine Fever hian China leh a thenawm ram thenkhat tuam mekin, heng ramte Mizoram nena min daidang tu kan ram thenawm Myanmar hi ran hrileng hmuhchhuah leh invenna lamah an hniam em avangin tuna an dinhmun tak hi khawvelin a hriatpui thei silova, kan fimkhur a ngai tak zet a ni.

Sawrkarin ramdang atanga Vawk lakluh a khap reng chung pawhin ti lui an awm renga, a ruka Vawk lalut thin te hi Sawrkar hmalakna ang ringawt chuan ven hneh tak tak a harsa hle. Ram tana thil pawi thlen thei tilui tlatte hi kan hria a nih chuan a rang thei ang ber a thuneitute hnena thlen ni se. PRRS avangin kan Vawk te an thi mek zel a, African Swine Fever hi kan ramah a lo lut leh a nih ngat chuan kan Vawk te an thi mang thei hial dwn a ni tih hria in theih tawpin i tang tlang ang u.

A.H. & Vety Department
Mizoram, Aizawl

Hemi kawngah hian A.H & Vety Department chuan Branch YMA thawhpuiah a sawm a, Keini Branch YMA pawhin theihtawpa tan kan lak a ngai a ni. PRRS leh African Swine Fever lakah Ran vulhtu (Vawkvulh tute) fimkur turin kan inchah a ni.

Hei bakah Vawk talh thin tute’n (Ransa; Vawk, Bawng, Ar, Ui, etc. ser/talh thin te) ran thianghlim lo, a bikin Vawk emaw khawchhak atanga ran/vawk vengchhungah lak luh, talh/ser lo turin kan inhriattir nghal bawk a ni. Vengchhunga thil pawi thlen thei tilui tlattute chu YMA hruaitute hnen ah a rang lama hriattir vat tur a ni. Tin, mihring hriselna in a chhiatphah theih avangin mitin kan sa lei turte belchiang hmasa thin turin kan ngen nghal bawk. Sa thianghlim leh hrisel chiah kan ei theih nan tan la tlang turin veng mipuite kan insawm tak meuh meuh a ni e.

Leave a Reply