AIZAWL BAWRHSAP THUCHHUAK

Aizawl, the 5th May 2020: Covid 19 avanga lockdown kal zelah, Aizawl khawpui chhunga chengte an lo him zawk nan, veivah nana lirthei keng chhuak te khuahkhirh a tul a.

A hnuaia tarlan ang hian Pu Vanlalngaihsaka, District Magistrate, Aizawl District chuan, Section 144, Code of Criminal Procedure (Act 2 Of 1974) leh Regulation 11, The Mizoram Epidemic Diseases (Covid 19) Regulations, 2020-in thuneihna a pek angin, tun atanga thu leh awm hma chu a hnuaia lirthei veivak khuahkhirhna thupek hi a chhuah a ni.

Aizawl khawpui/AMC area chhungah mimal lirthei (private vehicle)-ah thutna awm zat atanga za-a sawmnga i.e., 50 % aia tam chuan phal a ni lo.

He thupek hian private two-wheeler vehicle te a huam lo vang.

He thupek hian Covid 19 duty tura sawrkarin phalna a pek bik te a huam lovang.

DAWR LEH SUMDAWNNA HMUNA INKHUAHKHIRHNA HRIATTURTE

1. Dawr, sumdawnna hmun leh eizawnna kawnga hmalakna te chu Annexe-a ‘Standard Operating Procedure (SOP) for Social Distancing’ zawm chungin kalpui tur ani.

2. Khawpui chhung bikah, hmun lunlai/dawrkawna dawr inthenawm te chu nikhat kar danah an in hawn chhawk ang. A ni zawnin dawr pakhat in hawn phal a ni lo. Dawr inthenawm te nikhatah a rualin in hawn phal a ni lo. Hei hian Mihring leh Ran damdawi dawr leh Clinic-te a huam lovang. Hemi atan hian Deputy Commissioner te’n ruahmanna an siam ang.

3. Mipui mimir-in awlsam taka thlai leh chawhmeh an hmuh theih nan veng hrang hrangah LLTF/VLTF ten chawhmeh zawrhna tur an ruahman ang.

4. Chawhmeh, thlai leh theite, in lama pek (home delivery) phal a ni.

5. Public park, Picnic spot, Movie theatre, Gym, Spa, Beauty parlour, Community hall, Bazarpui, Shopping complex, Mall leh intawllenna hmun zawng zawng chu khar chhunzawm tur ani.

6. Tuallai leh kawtthlera thil zawrh (street vending) khap tlat a ni.

7. Dawr zawng zawng (damdawi dawr tiam lovin) chu tlai dar 5:00-ah khar vek tur ani.

8. Hotel ah Mizoram-a khualzin cham mek te thlen phal ania. Mikhualte tana ei leh in buatsaih pawh phal a ni. Amaherawhchu, pawn lam mi (hotel-a thleng mikhual ni lo) te an dawngsawng tur a ni lo.

9. Restaurant hawn phal a ni lova, home delivery erawh phal a ni ang.

MIPUI VANTLANG TANA INKHUAHKHIRHNA HRIATTURTE

1. Hemi hun chhung hian mi 5 (panga) aia tam pun khawm khap tlat a ni.

2. Tul bik thilah lo chuan tumahin mahni in leh compound an chhuahsan tur ani lo.

3. Tlai dar 7:00 leh zing dar 4:00 inkarah pawn chhuah khap tlat a ni. Hemi atan hian Deputy Commissioner te’n Section 144 CrPC tlawhchhanin inkhuahkhirhna thupek an chhuah ang. Hei hian COVID-19 chungchanga duty-te leh Deputy Commissioner-in phalna a pek te a huam lovang.

4. Loh theih loh thil anih loh chuan, kum 65 chin chunglam te, taksa hriselna lama harsatna nei sa te, naupai te leh naupang kum 10 hnuailam te chu mahni inchhungah inkharkhip tur a ni.

5. Pawn chhuak tur leh damdawiin a kal tur reng reng chuan (face mask emaw hmanraw dang hmangin) hmai an tuam ngei tur a ni.

6. Vantlang hmun leh dawr a kal te chu feet ruk tala inhlata awm tur a ni.

7. Ramri dep khuaa cheng ten ram pawn lam mi mikhual an nei thianglo ang.

Leave a Reply