AIZAWL DC THU CHHUAK – RED ZONE LEH RESTRICTED AREA CHUNGCHANG SAWIFIAHNA

Social media hrang hrangah veng thenkhat ni 25 Sept, 2021 atanga ni 5 October, 2021 thleng Containment zone-ah Aizawl DC in a puang ti a thehdarh a awm a, hei hian zawhna a siam tam hle tih hriat a ni a. Red Zone leh Restricted area chungchang hi mipui in chiang zawk leh zau zawka kan hriatfiah theihnan hetiang hian Aizawl DC chuan a sawifiah.

1. Aizawl District huam chhunga veng/khaw tin a active case awm zat a zir leh ni 7 (sarih) chhunga hri kai thar awm dan a zirin Zone hrang hrang- Red Zone, Orange Zone leh Green Zone ah te then thin a ni.

2. Active Case 80 aia tam awmna leh ni 7 chhunga nitin kai thar an awmna Veng/Khua te hi Red zone-ah dah an ni thin. He Red Zone-a an awm te tak avang ngawt hian inkhuahkhirhna hranpa a awm ta tihna nilo in Sorkar in SOP a hman ang tho hman thin a ni a, hrikai tamna veng/khua a ni tih a entir mai a ni.

3. Amaherawhchu, heng Veng/Khua Red zone-a awm te hi Aizawl DC chuan LLTF ah an dinhmun te hriattirin inkhuahkhirhna khauh zawk kalpui a hun thu a hriattir thin a. LLTF ten an vengchhung dinhmun en in inkhuahkhirhna kalpui na tur hmun vengpum emaw YMA Section huamchhung/thler/ building bik te emaw chu ‘Restricted area’ a puang tur leh a inkhaihhruaina tur te an duang a DC emaw CMO ah an rawtna an thlen thin a ni.

4. CMO lamin zirchianna an neih hnuah Aizawl DC chuan ‘Restricted area’ ah a puang a, inkaihhruaina hranpa leh khirh zawk kalpui thin a ni ta a ni. Chutiang deuh bawk chuan Containment Zone pawh puan thin a ni a, Containment zone-ah erawh chuan inkaihhruaina/inkhuahkhirhna (SOP) awmsa hman thin a ni thung a, LLTF in an duang ve lo a ni.

Aizawl District huam chhunga Restricted area puan mek leh la puan tura ruahman mek te chu a hnuaia tarlan ang hi a ni:

I. RESTRICTED AREA PUAN MEK TE (Puan tan ni):
1. Thingsul Tlangnuam (01.09.2021)
2. Tuikual South (09.09.2021)
3. Republic Veng (15.09.2021)
4. ITI Veng (18.09.2021)
5. Vaivakawn (19.09.2021)
6. Dinthar (20.09.2021)
7. Chaltlang (25.09.2021)
8. Salem veng (24.09.2021)

II.RESTRICTED AREA A PUAN TURA BUAIPUI MEK TE:
1. Zotlang
2. Khatla
3. Hunthar
4. Edenthar

Ni 22 Sept., 2021 data anga restricted area a puan mek, hlih tawh emaw la puan loh Red Zone-a awm mek te chu heng veng te hi an ni a, heng veng te hi an dinhmun en thlithlai reng niin a tul dan zira Restricted area emaw Containment zone-ah puan theih zel an ni.

1. Dinthar
2. Bethlehem Vengthlang
3. Republic Veng
4. ITI Veng
5. Chaltlang
6. Hunthar
7. Thuampui
8. Zemabawk
9. Vaivakawn
10. Ramhlun North
11. Salem Veng
12. Bethlehem
13. Zotlang
14. Khatla
15. Tuikual South
16. Bawngkawn
17. Ramthar

Orange zone-a awm mek te pawh case pundan a zirin Red Zone-ah hian awm mai thei an ni a, Red zone-a lut lo tura fimkhur taka Covid appropriate Behavior (CAB) zawm zel a pawimawh hle a ni.

Source: Lalnunmawii, MIS, Deputy Director

Leave a Reply