Author: Nursery Veng YMA

Editorial 24.10.2021

Published / by Nursery Veng YMA / Leave a Comment

Khawvel a changkang zel a, kan ram pawh in kawng tam takah hma a sawn a, chutih rual chuan kan khawtlang pawh hian Bungkawn atanga kan indan tan tirh te ai chuan nasa takin hma a sawn tak zet mai, a lawmawm takzet a ni.

Kan thalaite atangin hna sang tak tak thawk te, zirna lama hlawhtling tak tak te pawh kan awm ta nuk mai, ava lawmawm em. Mihring kan nih chhung chuan, kan Pathian thu a kan hmuh angin, thlen chin apianga hmasawn tur kan ni tih erawh theihnghilh lo ila, kan nunphungah hian hmasawnna hi hmuh tur a awm em?, tih hi mahni inzawt reng ila, nu leh pa te pawh in kan fate rilru ah hmasawn duhna rilru an put theih na turin theih tawp in tan la zel ang u.
Chutianga kan tih a, hma kan sawn zel chuan mi vengte entawn hi kan ni ve thei ngei ang. (more…)

OPEN LETTER TO YMA MEMBER

Published / by Nursery Veng YMA / Leave a Comment

YMA Member duhtak,

Vengtu chung Pathian zarah YMA Day-ah dam taka i awm ka beisei. Kei pawh ka dam e. Mizo kan ni a, insuihkhawmna pawl duhawm tak YMA Pathianin min pe hlauh hi a lawmawm ti raw.? He pawl tana hnemhnanpuiawm khawpa Zonun zemawi lan chhuah tir leh nunpui kawngah tha thlah lova i awm chhoh zel ka beisei e.

Heng thu tlemte hi i beng hriatah han puahchhuahpui ve hi ka chak tlat a, i ngaihdan a ni ang nge ni lovang chu ka hre lova, mahse tlawmngaih chhuaha min lo chhiarsak ve turin ka ngen hmasa che a ni e. (more…)

SAWI DIK AIAH NUN DIK

Published / by Nursery Veng YMA / Leave a Comment

-R. Lalhlimpuia

Sawi dik aiah nun dik tih avanga, Thu dik sawi hlamchhiah tur tih na a ni loa, dawt sawi pawh a tul chuan a remchang mai e kan tih na a ni hek lo. Kan nun dan leh khawsa zia hi, mihring nuna langsâr lai ber, mite thlîr leh sawi hat hlawh ber a nih thin avangin, nun dik hi a pawimawh hle a. Thu tha tam tak sawi ai pawhin dik taka nun hman hi a hlawk zawk daih a ni. Ringtu kan nih vanga dik taka nung tura kan inbeisei tawn erawh a hlawhchham zia hrechiang tu theuh kan ni a. Ka beisei a ang lo, ka rin alo ang lo hle mai kan han intih leh thin te pawh ngaiah kan la nei mek chu a nia. Mahse, chumi avang chuan ringtute chu- rinawm lo lutuk ah te, dawt sawi hrât tak ah te leh, innghahna tlak niloah te kan in puh chhe vek thei lo ang. Kan rina hi dikna leh felna Lalpa anih vangin, insawichhe tawn mai lova, dik tak leh fel taka ti turin tan kan la sauh sauh tur a ni zawk.

Kan thusawi thin tam zawk hi chu a dikin, zawm nghal atan pawha tha tak tak a ni hlawm a. Pathian thu a ni emaw, thu lo pawh nise mi thusawi tha tak tak ngaihthlak tur pawh a tamSawi dik aiah nun dik tih avanga, Thu dik sawi hlamchhiah tur tih na a ni loa, dawt sawi pawh a tul chuan a remchang mai e kan tih na a ni hek lo. Kan nun dan leh khawsa zia hi, mihring nuna langsâr lai ber, mite (more…)

Editorial 17.10.2021

Published / by Nursery Veng YMA / Leave a Comment

He khawvela kan awm chhung hi chuan mi tu pawn ngaihsak nih kan duh veka, ngaihsak kan hlawh theih nan engemawti taka awm dân pawh kan thiam hin. Kan mihringpuite ngaihsakna dawn hi a nuama, an tan hlutna kan nei tih a chianga, chu chuan kan rilru chhungrîlah hlimna min pe a ni. Tin, nun a ti phûrawma, beiseina neiin hmalam pan turin min nawr kal bawk thin.

Chutihrualin, ngaihsaktu neilo nih chu a hrehawmin, khawvela mi vanduai ber nihna a tling si. Mite ngaihsakna chauh hi phût leh beisei tur kan ni lo, mi dangte ngaihsaktu nih kawngah tan kan la thar zawk tur a ni. Khawvela kan awm chhung hi chuan chêngho tur kan nia, mahse, thenkhat hi chuan an duh dân têa khawsa zel turin kan inngai a ni mahna, thenawm khawvengte bân phâk tur leh tih buai ngam khawpin kan awm meuh ta lo. Chutihlaiin, inchênchilha, nun ho tur kan nih zia hre chiang apiang chu, mi dangte tanpui turin, miten an tihbuai ngam leh an mamawh hun apianga an beisei ngam khawpin an awm thung a.Chung mite chu, an hausa emaw rethei emaw vang lam a ni lo, Pathianin ang khat vekin min siam ziate, inmamawh tawn vek kan nih ziate, mihringin kan hmalam hun kan hriat lawk miah loh thu te an hriat chian vang a ni thei ang. A tawi zawngin, Pathian thu an awih vang a ni ber awm e. Tute pawh hi, kan awm ang leh kan nihna ang hian tanpui ngaite ngaihsak leh tanpui turin kan tling tawk veka, keimahni lamin hun kan pek duh leh duh loah a innghat mai zawk a ni. (more…)

CENTRAL EXECUTIVE COMMITTEE MEETING NEIH A NI

Published / by Nursery Veng YMA / Leave a Comment

Khuangchawi Thla ni 15, 2021 ( Zirtawpni) chhun dar 12 khan CEC Meeting neih a ni a, Pu Vanlalruata President in thutkhawm hi a kaihruai a ni.

Hunserh: Pu HF Lalrinpuia, CEC
Thurelte- 1 :
General Conference 2021: CEC chuan zau zawka inrawnkhawm tha a ti a, Nov 10, 2021 (Nilaini) ah Central Coordination Committee (CCC) koh a rel. Hruaitu thlan kum anih angin hetiang hian mawhphurtu ruat an ni-
Returning Officer: Pu Vanlalruata, President.
Asst. RO: Pu J. Lalsailova CEC
Secretary: Pu Joseph Vanlalhruaia Sailo, CEC
Asst. Secretary: Pu J. Lalsangliana CEC (more…)

ENGNGE “CAB” AN TIH FO HI? COVID APPROPRIATE BEHAVIOUR (CAB)

Published / by Nursery Veng YMA / Leave a Comment

COVID-19 laka him tlanna tura kan zawm tur nunphung tha te:

1. Intawk kher lovin in chibai thin tawh ila.

2. Khawiah pawh inhnaihchilh lova feet 6 tal inkarhlat a awm zel nise.

3. Hmaituamna hmanga hmui-hmai tuam reng nise.

4. Mit, Hnar leh Ka te khawih loh tur a ni.

5. Respiratory Hygiene vawng la – Khuh leh hahchhiau in hmai hup/tuam rawh. (more…)

FAINA HAPTA HMAN MEK A NI

Published / by Nursery Veng YMA / Leave a Comment

Kumtin a kan lo tih tawh thin dan angin Mizoram chuan “Faina Hapta” a hmang mek a, hripui leng avangin kum dang anga a huho a hnatlanga hman theih erawh a ni lo. Chumi a nih avang chuan ‘Faina- kan in leh a chhehvel atangin’ tih chu thupui ah hman a ni.

Faina Hapta hi October ni 2 khan Mizoramah hman tan a ni a, Mizoram khawpui 28-ah a hawnna hun hman a ni. Nursery Veng Local Council chuan chhungtin hnen ah ngenna a chhuah tawh a, chumi zawm chuan Nursery Veng chhungtin te chuan mahni in leh a vel te, side drain, lamlian leh Step te tihfaina an nei hlawm a ni. (more…)

LAWMTHU SAWINA

Published / by Nursery Veng YMA / Leave a Comment

Myanmar raltlan tanpuina ni 08.10.21 (Zirtawpni) a Nursery Veng kawn a bawm dawh ah mi thahnem ngaite hneh atangin Rs. 40,770/- he thu buatsaih lai thleng lai a tling thei a, thahnem ngai a pawisa thawhtute chungah Branch YMA chuan thinlung takin lawmthu a sawi a.

Thawhtute zawng zawngte Lalpan a let tam takin malsawm theuh che u rawh se.

Sd/-
Secretary
NURSERY VENG BRANCH YMA

Editorial – 10.10.2021

Published / by Nursery Veng YMA / Leave a Comment

Faina hian thianghlimna a keng tel fova, thianghlimna chu Pathian kan anna ber anih avangin keimahni kan fai ringawt a kan awmna leh a chhehvel a fai chuan si loh chuan faina tih hian a huapzo thei lo. Faina hian kan zahawmna a keng tel a, hriselna hnar ani bawk.

Faina hi hmasawnna chikhat anih mai bakah hnam fing zia a ni a, faina ngaithah ram hmasawn an awm ngai hek lo. Faina pawimawh zia chu inhrilh nawn kan ngai kher in a lang lova, faina lama hmalak dan kawng hrang hranga inzirtir lam ah pawh hma kan sawn chho zelin a lang bawk. Amaherawh chu faina lama zirtirna kan dawn tam ang hian faina lam ah hma kan sawn phah em tih erawh inzawh nawn kan ngai fova, hemi kawngah hian mitin hian mawhphurhna kan la la huam lo ni te pawhin a lang a ni. (more…)

KUMPUAN HUANG – ZIRNA UAR

Published / by Nursery Veng YMA / Leave a Comment

Covid-19 vangin khawvel ram hrang hrangah zirna inte an inhawng mumal lo a, online hmangin lehkha hi zir a ngai. Mizoramah pawh online hmangin zirtirtute’n an zirtir thin.

Siaha District-a Mawhrei khuaah chuan an khuaah internet signal a tha lo a, zirlaite’n online hmangin an zir thei lo. Chuti chung chuan zir an tum a, ramhnuaiah an zir thin. Mawhrei khua atang hian Siaha, Aizawl leh hmun dangahte thalaite’n college an kal a, hrilen hnuah chuan college-a class kal a theih loh. Khaw dang zirlaite ang bawkin Mawhrei zirlaite pawh chuan internet hmangin an zirtirtute zirtirna an chhim a ngai a, mahse an khuaah signal a tha si lo. (more…)