Awareness Campaign On Climate Change

Ni 16th May, 2019 (Ningani) zan khan CYMA Hall, Tuikhuahtlang-ah Climate Change, Awareness Campaign neih a ni a, Aizawl khawpui Branch YMA atangin aiawh pahnih (2) theuh kal a ni. He Awareness Campaign hi CYMA leh Environment, Forest & Climate Change Department te tangduna buatsaih a ni.

Sik leh sa inthlak danglam nasat (Climate Change) avangin harsatna kan tawh mek dan te leh Sik leh sa tidanglam thei tu hetiang hian ngaihthlak a ni; Sik leh sa inthlak danglam chak lutuk chhan leh a thlen tu chu Meikhu kan tihchhuah nasat lutuk vang te, kan bawlhhlawh tihral nana hal mai kan ching a. Kan ram thlai nilo, Kuhva, Oil Palm, Mau, Jatropha leh thei, thlai chi, pangpar,.etc, ram dang atanga kan lakluh (import ) tamluat lutuk vang te,(Industry & Factory pungchak lutuk te chuan Air pollution a siam tam hle a ni. Khawvelah sik leh sa inthlak danglam nasat avangin kan tuar mek vek a ni). Hlotur Pesticides kan hmang uar lutuk vang te, green house uar vang te, Oil hmang chi bungrua leh machhine kan nghah tulh tulh a, Motor pungchak lutuk avangin Air pollution a sang tulh tulh a Global Warming Effect kan ramah alo lang ve tan ta a ni. Chutihrualin, ram a changkang a thil awlsam man tlawm kan um lo thei lo, Plastic leh Sarang atanga siam chi hrang hrang kan hmang uar lutuk a, Disposable cuptplate, Plastic bottle leh Sarang ‘Polythine’ (polythine bag,sarang pack) kan hmang uar hle a, kan duhloh chinah kan paih mai mai a( tawihthei lo a ni), tihral nan kan hal bawk a. A tawp berah chuan Kan thing leh mau kan tihrem nasat avangte, Loneitu te’n Tarrace System hmang lo a Jhuming Cultivation an uar zawk tlat vangte in sik leh sa ati danglam nasa hle a ni.

Ram thenkhat chuan luiphai zawl lamah ram an chuan a, tlang an zuah thung chu chuan Ramngaw leh tui hna asiam reng a ni. Keini erawh tlangchhip atangin khua kan chuan a, a lailaklawhah kan tawpsan a, luiphai zawlah kan khawsa leh duh si lo a ni. Thing leh mau in an tuar a, nungcha ramsa leh Savate’n harsatna an tawrh bakah kan Tui hna a kiam tulh tulh ta thin a ni. Tui harsatna namemloin kan tawk mek a ni. Chuvangin tui khamkhawp lohna leh Khawkheng kan hmabak reng alo ni. Thing leh Mau tih chereu avangin Tuikhur hnar a chat a, Luitui a kam tual tual a, lum leh vawt a inthlak danglam nasa em em a ni. Tin, kan ram boruak ti danglam thei thlai kan lakluh tam luat avangin boruak kan tichhia a, kan Thei tthlai tam takte chu a TAM tan mek a ni. Sik leh sa kan tihdanglam luat avangin Cyclone na lutuk leh thli tleh in hun bi a nei ta lo a, ruah a tlak tlem bakah ruah tlak hunbi a awm thei ta lo. Hei hian leimin ‘Landslide’ a siam hnem em em a, khua a lum tulh tulhin, uapchurh a thlen bawk. Boruak inthlakthleng, lum leh vawttuapchurh te chuan Natna hrik ‘Virus’ ( Khawlum a awm thei chauh Virus kan ramah a pung tual tual) awmduhna hmun a inthlak a, kan ramah pawh natna hmelhriatloh te chuan min run ve ta mek anih hi. Kan ramchhung ngeiah pawh Kuhva,Serthlum, leh thlai dang dangte chu a thatna hmun a insawn chak hle a, Loneitu te ‘n an thlai te chu khamkhawplo tanin thlai that duhna a awm mumal thei ta lo, lohtheihloh a eizawnna inthlak thleng angai a, heivang hian Economic balance tla hniam in khawpui kan pan khawm zel ta a ni. Sik leh sa inthlak danglam luat avangin Kan Economic System namenloin ati danglam chak em em a ni.

Global Warming ‘Sik leh Sa’ inthlak thleng avangin khawlum lutuk vawngdai tu Vur Tlang lian tak takte chu an ral tial tial a, Tuipui chim chin a sang tual tual a, tui lian atam tual tual a, hei vang hian eizawnna thlak a ngai a, lohtheihlohin pemtinsawn an pung a. Khawpuia pem an tam tual tual a ni. Kumtinin Ram tamtak sik leh sa inthlak avanga pemchhuak a pung nasa hle a ni. Global Warming avangin thing leh mau a alhtkang ral nasa hle a, USA, Africa, Australia,.etc, te chu kumtinin an ram engemawzah kangral anga ngaih a ni. ‘Bangladesh khu Global Warming effect avangin hmun dangah pem chhuah tumin an in buatsaih mek a, Mithiamte chhut danin Maktaduai 18 vel chu Mizoramah rawn pemlut tura ngaih a ni.’ Sik leh sa inthlak danglam nasat avangin an Thlai in atuar a, Tui nasa takin a lian ziah a, khawkheng a in tan a, natna thar a chhuak zung zung a, an economic balance a tlak hniam tual tual vang a ni.

Sik leh sa inthlak danglamna nasa lutuk (climate change) ti ziaawm turin kan rama Thing leh Maute dim ila, phun uar sauh sauh ila, a puitling thlengin ngaihven thin ila.( Sava pem chi tamtak kan ko lut leh dawn a ni.) Thlai,pangpar leh Thei, theirah te uar sauh sauhin a awmsa tihpun tumin tan la tlang ang u. Nungcha Sava,ramsa, lui a chengte humhalh ila. Tui hna humhalhna lamah tan i la thar leh ang u. Ram dangaThei, Thlai, pangpar leh Thing te ila lut tawh lo ang u. A tawp berah chuan (meikhu siam tam loh) Plastic bottle,Sarang (polythine) lam chi kan hnawl ngam a ngai. Bawlhhlawh paih (tawih thei leh tawih theilo thliar)leh hal mai mai tawh loh (bawlhhlawh hal chin loh). Petrol renchem taka hman, (Motor inchuan tawm theih nise) mahni Motor theuhah chuan tum lo ila, thiante nena intawm tawn dan ngaihtuah theih thin nise.

Leave a Reply