Branch Report

19.09.2021

Executive Committee Member Dr. PC. Lalremruata chu a hnathawhna hmun Kolasib lamah a chhuk leh ta.

Branch Executive Committee Member Pu Zokunga nupui Pi Zosangpuii chu City Hospital-ah enkawl mek a ni a, damna chang thuai turin duhsakna kan hlan e.

Branch Executive Committee Member leh Nursery Aw Editor kal chhuak ta Pu V. Zothankhuma te chhungkua chu Covid-19 Positive Contact an nih avangin Home Quarantine mek an ni a, result duhawm tak an neih ngei theih nan duhsakna kan hlan e.


12.09.2021

Kan President Pu C. Lalchhanhima chhungkaw tulna avanga W. Phaileng kal pawh dam takin alo haw leh ta.

Branch Executive Committee Member kal chhuak ta Pu Remlalmuana chuan YMA Choka a dah turin Refrigirator nalh tak mai min pe a, hetiang a YMA tana mi inphal kan nei hi Branch YMA chuan kan chhuang in an chungah lawmthu kan sawi tak meuh meuh a ni.

Hripui leng avangin Branch YMA anga hmalakna tur hmachhawp a awmlo hle mai a, hemi avang hian YMA hi a thi ta a ni lova, kan awmna hmun theuh ah YMA taka midang te tanpuitu leh Zonun Zemawi chhawm nung zel turin kan in chah thar leh e.

Covid-19 Positive vang emaw, Positive Contact avanga chhungkaw Quarantine leh Home Isolation-te eng kawng ah pawh harsatna kan nei a nih chuan in tan YMA kan awm tih hria ula, Branch hruaitu emaw, Section hruaitu te leh YMA Member tu pawh hnen ah in hriattir turin kan in ngen thar leh e.


05.09.2021

Ni 31.08.2021 (Thawhlehni) khan CYMA chuan Kumpuan Sub- Committee ruahmanna in kum 2021 chhung a zirlai ti tha te chawimawina hun a hmang a, chutah chuan Pu Roneihthanga, Finance Secretary, CYMA leh kan Vice President, Pu R. Vanlalhmachhuana Kumpuan Committee Member, CYMA te chuan hun an hmanpui ve a ni.

Ni 28.08.2021 (Inrini) zan khan kan Branch hruaitu te chuan ni 16.08.2021 a boral Pu Malsawmtluanga chu Branch YMA hmingin an ral.

Kan Branch Finance Secretary, Pu C. Lalrammuana tunlai hian taksa lam damlohna avangin inlamah enkawl mek a ni a, damna chang thuai turin duhsakna kan hlan e.

Kan Branch hruaitu pahnih Pu C. Lalchhanhima, President leh Pu R. Vanlalhmachhuana, Vice President-te leh kan veng chhung a Zirtirtu hna thawk zawng zawngte ‘Teacher’s Day’ chibai kan buk a, hna zahawm tak thawktu te midang tana malsawmna an nih zel theih nan duhsakna kan hlan e.


29.08.2021

ZMC lam ah kuang indaih lohna avangin kan Branch YMA chuan pek ve nise tha kan ti a, ni 27.08.2021 (Zirtawpni) khan veng chhung Mistiri tlawmngai thenkhat leh Branch Executive Committee Member ruat bik ten Kuang siam hnatlang an nei a, kuang pahnih siam a ni a, vawiin chhun lam hian ZMC ah va hlan tum a ni.

Covid-19 in a tih buai Branch Executive Committee Member te damna an chang chho zel a, kan lawmpui tak zet a ni, la vei mek te pawh damna chang zel turin duhsakna kan hlan e.

Ni 24.08.2021 (Thawhlehni) zan khan CYMA Executive Committee Meeting neih a ni a, kan Branch atangin Pu Roneihthanga Finance Secretary CYMA leh Pu C. Lalchhanhima CEC Member te chu an tel.

Kan boruak in a zir loh avangin a hu hova thlan laih a rem lova, hlawhfa ruai a thlan laih a ni. Thlan hi pahnih laih lawk a ni.

April, May leh June thla YMA chanchinbu alo thleng leh ta a, a buaipui tur a ruat la lam lo ten a lam theih e.


22.08.2021

Branch Executive Committee Member Covid-19 veite damna an chang zel a, a lawmawm tak zet a ni, damna la chang ve lo te pawh damna an chan thuai theih nan duhsakna an hlan.

Ni 18.08.2021 (Nilaini) khan Pu C. Lalrammuana Finance Secretary, leh Branch Executive Committee Member Tv. Lalsangmawia Colney leh Pu C. Lawmsanga te chuan thlanmual a kuang zawnna chu siamtha in an hnatlang a, an chungah lawmthu kan sawi e.

Nursery Veng Local Council chuan Nursery Veng Information tih changtlun nan Branch YMA Rs. 10,000/- min pe a, lawmthu kan sawi tak meuh meuh e.

Branch Executive Committee Member leh kan Branch President kal chhuak Pu Zokunga chu tunlai hian damlohna avangin in lamah enkawl mek a ni a, Nl. Lalawmpuii Nursery Aw Joint Editor leh Branch Executive Committee Member ni bawk pawh taksa lam damlohna avangin inlamah enkawl mek a ni bawk, damna an chan thuai theih nan duhsakna kan hlan e.


15.08.2021

Branch Executive Committee Member-te Dr. Lalrokima Chenkual, Pu Ch. Lalnunmawia, Pu C. Lalnunsanga leh Pu MC. Lalruatfela te chu Covid-19 positive avangin enkawl mek an ni a, damna chang leh thuai turin duhsakna kan hlan e. Chutih laiin damna chang tawh zawng zawngte an lawmpui bawk.

Branch Secretary Pu Lalnunkima chu Covid-19 Positive Contact avangin Home Quarantine a ni a, result tha tak nei turin duhsakna kan hlan bawk.


08.08.2021

Ni 06.08.2021 (Zirtawpni) khan Nursery Veng Local Level Task Force tanpuina Rs. 10,000/- Branch YMA hminga pek a ni.

Branch Executive Committee Member Covid-19 positive te damna chang leh thuai turin duhsakna kan hlan e.

CYMA atanga thu kan hmuh bawhzui a, lockdown laia duty tur a ruat YMA Member-te tlawmngai a in duty na ah lawmthu kan sawi tak meuh meuh a ni.

Kan Branch Finance Secretary, Pu C. Lalrammuana nu, Pi Thangchuani chu Kolkatta lam ah in entir turin a kal a, damna changa lo haw leh thuai turin duhsakna kan hlan e.

Ni 05.08.2021 (Ningani) zan a ZMC-a boral Pi Lalhmingthangi, Pu C. Lalzarmawia nu chu Branch YMAah dilna an rawn thlen ang in an in kawt atangin a ruang thlahliam tir an ni a, a ruang hi an khua Baktawng ah phur chhoh a ni. Khawhar chhungte Nursery Veng Branch YMA chuan a tawrhpui tak zet a, Pathian thlamuanna an chan theuh theih nan duhsakna an hlan.


01.08.2021

Vanduaithlak taka kan Branch YMA Office Bearers-te Covid – 19 Positive Contact an nih avanga Home Quarantine te chuan Negative result an nei ta a, a lawmawm hle mai, kan Branch hruaitu thenkhat result nghak mek te pawh Negative result an neih ngei theih nan duhsakna kan hlan e.

July 26, 2021 (Thawhtanni) zan CEC thukhawm thurel angin hemi zan vek hian Ramri buaina hmun tlawh turin Central YMA President Pu Vanlalruata ho in heng mite hi an kal-

1. Prof. Malsawmliana, Asst. Secy
2. Pu Roneihthanga, Fin. Secretary
3. Pu R. Lalngheta CEC
4. Pu Peter Chhakchhuak CEC
5. Pu K. Lalthanmawia CEC
6. Pu RS Lalrinsanga CEC
7. Pu R. Lalduhzuala CEC
8. Pu Lalbiakkunga CEC
9. Pu F. Lalfakawma CEC
10. Pu HF Lalrinpuia CEC
11. Pu Lalchhuanmawia CEC

AMC huamchung inkharkhipna kalpui mek chu ni 07.08.2021 zanlai dar 12 thleng pawh sei leh a ni a, thuawih taka zawm theuh turin kan in ngen e.


25.07.2021

Ni 21.07.2021 (Nilaini) a boral Pu SL Thansanga chhungte chuan a tul apianga YMA ten kan hman tur in puan pathum min pe a, kan lawm tak zet a ni.

Ni 22.07.2021 (Ningani) tlai khan rorel khawl in alo rel tawh angin chhiattawk chhung te Branch YMA aiawh in Office Bearer ten Dekchi, Buhfai Bag khat leh sum fai Rs. 2000/- in an ral nghal a ni.

Ni 22.07.2021 (Ningani) a vengchhungin chhiat kan tawhna ah, hripui len lai leh Total Lockdown lai a nih avangin hlawhfa ruaia thlan laih a ni a. Thlan vur pawh mitthi awmna section pahnihte (Y leh A) section atanga mi sawm ( 10 ) ve ve thlan chhuah ten an vur a ni.

Kan Branch Finance Secretary Pu C. Lalrammuana nu Pi Thangchhuani chu taksa lam damlohna avangin inlamah enkawl mek a ni a, damna chang leh thuai turin duhsakna kan hlan e.

Vanduaithlak takin kan Branch YMA Office Bearers te chu Covid – 19 Positive Contact an nih avangin Home Quarantine vek an ni.


18.07.2021

CYMA atanga ngenna kan hmuh ang in hrileng do kawng a, theih tawp chhuah tlang turin kan in ngen a, hmalak dan tur leh awm dan tur chu Branch Committee in ala rawn ruahman ang. YMA Member zawng zawng-te thuawihna kawnga mi tih hmuhtu nih theuh i tum ang u.

Ni 11.07.2021 (Pathianni) khan Zirlai hlawhtlingte lawmpuina hun VC Hall-ah hman a ni a, heta kal Branch Executive Committee Member- te chhun eitur Pu Zokunga Ex-President NYMA-te chhung in min siamsak a, lawmthu kan sawi tak meuh meuh e.

Ni 16.07.2021 (Zirtawpni) khan SSA leh CYMA thawh hona angin Govt. Model English School, Nursery Veng ah Bungkawn Cluster huamchhunga awm Middle School pahnih leh Primary School pathum tan Free Text Book kan Branch YMA hruaitu ten an sem.

Kan Branch President Pu C. Lalchhanhima te chhungkua chu Home Quarantine mek an ni a, result tha tak an neih theih nan duhsakna kan hlan e.


11.07.2021

Vawiin NI 11.07.2021 (Pathianni) chhun hian VC Hall-ah HSLC leh HSSLC a hlawhtlingte lawmpuina leh Citation hlanna hun hman tur a nia.

Zirlai hlawhtlingte a hnuaia mahni kal hun ruatah hian lokal theuh turin kan in ngen e.

1. Dar 10:30 Am – 2020 HSLC pass te.

2. Dar 11:30 Am – 2020 HSSLC pass te.

3. Dar 12:30 Pm – 2021 HSLC pass te.

4. Dar 1:30 Pm – 2021 HSSLC pass te.

Ni 05.07.2021 khan State Library atangin kan veng library te chuan lehkhabu 80 kan dawng a ni.


04.07.2021

Pu Romalsawma (Matu-a) Branch Executive Committee Member chu a hnathawhna hmun Sihphir Branch atangin Ramhlun Branch-ah sawn a ni. Tluang taka a thawh zel theih nan duhsakna kan hlan e.

Hri leng avangin YMA anga hmalakna a awm theilo hle mai, YMA Member-te kan awmna hmun theuh ah midangte tan a malsawmna nih theuh i tum zel ang u, fimkhur taka che in he hri laka kan him theihna tur a thawktu te theih tawp a thawhpui zel turin kan in ngen e. Inkhuahkhirhna avanga ei leh bara harsatna tawk kan velah an awm em tih ngaihtuah chungin YMA Member-ten hun i hmang thin ang u.

Ni 11.07.2021 (Pathianni) hian Nursery Veng chhung a HSLC leh HSSLC kum 2020 leh kum 2021 a hlawhtlingte lawmpuina leh Citation hlanna hun hman tur a ni a, he hun kan hman tur ah hian Nursery Veng Branch YMA Executive Committee Member-te kal vek turin kan insawm a ni. Zing dar 10:30 atangin hun hman tan tur a ni ang.


27.06.2021

Ni 23.06.2021 (Nilaini) khan tunhnaia Thutak Nunpuitu Team (TNT), Muanna Veng a Covid -19 kai engemaw zat an awm avangin TNT tanpuina Rs. 3000/- CYMA kaltlangin pek a ni.

Nimin ni 26.06.2021 (Inrinni) khan Thlanmual hlui, Gilgal Corps Biakin panna kawngsirah Vawkte thi, Saranga fun paih hmuh a ni a, hetiang hi ti tawh lo hram turin kan in ngen e.


20.06.2021

Ni 19.06.2021 (Inrinni) nileng khan Information Sub-Committee te hnatlang neih a ni a, Member thawk chhuak te chungah lawmthu kan sawi e.


13.06.2021

Ni 12.06.2021 (Inrnini) chawhnu dar 3:00 khan VC Hall-ah Office Bearers Meeting neih a ni.

Ni 06.06.2021 (Pathianni) khan Branch Executive Committe Member Pu Jerome K. Lianmawia hun engemaw chen Covid-19 avanga damdawiin a awm chu Branch hmingin Rs. 500 a kan a ni.

Tunlai hian Tlawng Road St. Charles School bul vel ah Zawng nupa a awm tih hriat a ni a, veng chhung mipui te a ti na zawng a che lo turin kan in ngen e.

Tawngtai Bethel Camping Centre a kangmei chhuak tanpui nan Rs. 18,030/- Central YMA ah pek luh a ni.

Ruah bawhhawk a sur alo hun leh ta, mahni in leh a vel uluk taka enkawl turin vengchhung mipui te kan in ngen thar leh a, tui luan kawr uluk tak a siam hi kan mawhphurhna a ni. Vengchhungah leimin avanga chhiatna nasa zawk a thlen loh nan veng mipui te i fimkhur tlang ang u.


06.06.2021

Ni 31.05.2021 (Thawhtanni) zan dar 8:00 khan JAC Room-ah JAC Office Bearers-te leh Branch Office Bearers-te chuan Tawngtai Bethel Camping Centre tanpuina tur chungchang Meeting an nei.

Pi Thanzuali te chhung chuan an insak chhunga an bungrua dah lailawk nan YMA Hall hman an rawn dil a, an rawn dil ang hian Branch Committee chuan kan remtih sak.

Remchang hmasa berah Branch Executive Committee Member- te kuang duan hnatlang neih tur a ni a, member-te lo inring lawk turin kan inhriattir e.

Branch Executive Committee Member leh Nursery Aw Editor ni bawk Pu M.C. Lalruatfela chuan DM&R ah Assistant Engineer hna a hmu thar a, kan lawmpui hle a ni.


30.05.2021

Kan Branch Vice President Pu R. Vanlalhmachhuana te chuan ni 23.05.2021 (Pathianni) khan an inneih kum 25-na an thleng a, kan lawmpui tak zet a, nupa kawpchawi tha tak ni chho zel turin duhsakna kan hlan.

Ni 27.05.2021 (Ningani) zan khan ruang chhuak kan nei a, Pu Zohmingthanga, Kum 65, Bairabi khua, Pu V. Hmingliana Y-Section te inhnuai luah chu Synod Hospital, Durtlang ah a boral a, Branch YMA in kuang siam sakin, hemi zan vek hian an khua Bairabi lama phurh thlak a ni. Khawhar chhungte kan tawrhpui tak zet a ni.

Hripui leng avangin Branch YMA angin hmalakna a awm thei lova, Nursery Veng Local Level Task Force te kan theihna zawn theuh ah tanpui thin turin YMA Member-te kan in ngen a, zilhhau ngai a awmlo hram turin kan inchah a ni.

Inkharkhip avanga vengchhunga chhuanchham mai tur awm a kan hriat te chu Section hruaitu te hnen ah hriattir thin nise, mahni thenawm te i inngaihtuah tlang theuh ang u.


23.05.2021

Branch Executive Committee Member Pu RC. Vanlalsawma chuan ni 17.05.2021 (Thawhtanni) khan chatuan ram min pansan a, kan ui in kan ngai takzet a ni. A kalsan tak a nupui fanau te Pathian thlarau thlamuana an awm theih nan duhsakna kan hlan e.

Ni 14.05.2021 a boral ta Pu T. Thanhmingliana chhungte chuan amah hriatreng nan puan pahnih (2) Branch YMA in a tul tul a kan hman a tan min pe a, kan lawm tak zet a ni.

Kan Branch Executive Committee Member boral ta Pu RC. Vanlalsawma chhungten puan panga (5) Branch YMA min pe a, lawm thu kan sawi e.

Ni.18.05.2021 (Thawhlehni) zan khan Branch YMA chuan ni 14.05.2021 a boral Pu T. Thanhmingliana (M-Section) leh ni 17.05.2021 a boral Pu RC. Vanlalsawma Branch Executive Committee Member-te chu Branch YMA hminga ralna hun neih a ni.

Covid-19 dona kawng ah Local Level task Force te theih tawp a thawhpui turin kan in ngen e.


16.05.2021

Ni 10.05.2021 (Thawhtanni) leh ni 14.05.2021 (Zirtawpni) khan Information Sub-Committee te vengchhung information line tha lo siam in an hnathlang.

Kan hruaitu hlui leh Branch Executive Committee Member Pu RC. Vanlalsawma dam lohna avangin BN. Hospital Kulikawn ah ni 07.05.2021 khan admit a ni a. A dam thuai theih nan duhsakna kan hlan.

Hun engemaw chen Covid-19 avanga CCC-a awm Pu Jerome Kaplianmawia Branch Executive Committee Member chu alo chhuak leh ta a, damna chang chho zel turin duhsakna kan hlan e.

Ni.14.05.21 (Zirtawpni) chawhnu dar 2:00 khan OB Meeting neih a ni. Boruak thlir chungin hun remchang hmasa berah Branch Ex-ecutive Committee Meeting koh tum a ni a, Member-te lo inring theuh turin kan inhriattir e.

Ni.14.05.21 (Zirtawpni) a khawchhe tak hnuai a thlanlai mi 80 chuanglai kan chhuak thei chu lawmawm kan tiin, a thawk chhuak te chungah lawmthu kan sawi e.


09.05.2021

Ni 06.05.2021 (Ningani) nileng khan Information Sub-Committee te chuan vengchhunga information mic. line tha lo te enfelin siamthat hnatlang an nei.

YMA lungrem hnathawh chu thawh zawh a ni ta a, thahnemngai taka thawk leh enkawltu te chungah lawmthu kan sawi mawlh mawlh e.

YMA LUNGREM
YMA LUNGREM

02.05.2021

Ni 28.04.2021 (Nilaini) khan Branch Executive Committee Member- te kuang duan hnatlang neih a ni a, kuang panga (5) duangin panga (5) dang ruahman (zai) sa kan nei bawk. Tin, kuang put, zawn ngailo tura pulley buaipui mek a ni. Tlai ah chawhlui kilkhawm nghal a ni bawk.

Ni 29.04.2021 (Ningani) zan dar 7:00 khan VC Hall-ah Nursery Veng chhunga vai awm ho koh khawm an ni a, vai 59 (Mistiri – 37, Helper – 21 leh Welder – 1) an awm a ni. Hetah hian Nursery Veng Presbyterian Biakin sa tu, kan venga awm nghet lo te pawh an tel vek a ni. Nursery Veng Local Council Chairman in thusawina a nei a ni.

Ni 30.04.2021 (Zirtawpni) khan CYMA Hall-ah Central Executive Committee (CEC) Meeting neih a ni a, kan Ex-Offico Pu Roneihthanga Finance Secretary CYMA leh kan President Pu C. Lalchhanhima, CEC Member-te chu an tel.

Branch YMA hnathawh mek Lungrem chu zawh a ni ta a, tunah hian Pointing tih mek a ni, thahnemngai taka enkawl tu leh thawk tu te chungah lawmthu kan sawi e.


25.04.2021

Kan ram ah Covid-19 a rawn hluar leh tak avangin kan chanchinbu neih chhun Nursery Aw chu hreh tak chunga PDF a tih chhuah a ngai leh ta a, chhiar tu mipui te hriatthiamna kan ngen e.

Kan Branch Ex-Officio Pu Roneihthanga Finance Secretary, CYMA chuan Zemabawk East Branch YMA chu ni 17.04.2021 (Inrinni) khan Leadership Training an neih na ah Resource Person niin hun ava hman pui.

Pu C. Lawmsanga te chhung chuan an nu Pi Rualchhingi boral ta pualin PUAN pali Branch YMA min pe a, lawmthu kan sawi tak meuh a ni.

Branch Exective Committee Member Pu Jerome K. Lianmawia te chhung vanduaithlak taka Covid-19 Positive an ni chu pawi kan ti tak zet a, dam taka an rawn chhuah leh thuai theih nan duhsakna kan hlan e.

Ni 22.04.2021 (Ningani) khan Sairang leh a chheh velah Burma Refugee zirchiang in Pu Roneihthanga Finance Secretary leh CEC Member pathum (3) te chu an kal.

Nursery Veng website (https://nurseryveng.in chu a duh apiang tlawh theih turin tih nun leh a ni.


18.04.2021

Central Co-ordination Committee Meeting ni 14.04.2021 a neih tur a tih chu Hripui leng avangin thu leh awm hma chu thulh a ni.

Kan Branch Executive Committee Member te Pu C. Lalbiakmawia leh Pu C. Lawmsanga te Nu Pi Rualchhingi chuan ni 06.04.2021 (Zirtawpni) khan a boralsan a, pawi kan tiin kan tawrhpui tak zet a ni.

Dr. PC Lalremruata Branch Executive Committee member chuan Car thar nalh tak mai a lei thar a, kan lawmpui tak zet zet a ni.

Kuang duan lawksa a tam tawh loh avangin a siam hnatlang koh thuai tum a ni a, member-te lo in ring reng turin kan inngen e.

Pu C. Lalchhanhima Branch YMA President chu Ni 16.04.2021 (Zirtawpni) khan a tunu Pi Ngursangpuii Sailo chuan a boral san a, a pawi kan tiin kan tawrhpui tak zet zet a ni.

Vengchhungah chhiat tawk an awm a, tlawmngai taka thawkchhuak thin, kan nula leh tlangval te chungah Branch hruaitute chuan lawmthu kan sawi tak meuh meuh a, kan tlawmngaihna te i chhawm nung zel ang u.


11.04.2021

Nimin 10.04.2021(Inrinni) zing khan Branch YMA Hnatlang neih a ni a, thawk chhuak zawng zawng te chungah lawmthu kan sawi tak meuh meuh a ni.

Aizawl khawpui chhung Branch YMA hruaitute intawhkhawm thawhhnihna Ni 12.04.2021 (Thawhtanni) zan a Vanapa Hall-a neih turah Branch Office Bearer te kal tur a beisei an ni.

Ni 06.04.2021(Thawhlehni) khan kan Branch Ex-Officio Pu Roneihthanga Finance Secretary, CYMA chu Tuichawng Group YMA Conference hmanpuiin Damdep II ah a kal.


04.04.2021

Ni 29.03.2021 (Thawhtanni) zing khan lungrem hnathawhna tur Foundation lai a hna-tlang neih a ni. Member thawk chhuak chungah lawmthu kan sawi e.

Ni 02.04.2021 ni a vengchhung-a chhiattawk an awm avanga Chawpchilh tak a thlanlaih ngai ah mi 100 chuang kan thawkchhuak thei kha a lawmawm tak zet a, thawk chhuak zawng zawng chungah hruaitu ten lawmthu kan sawi tak meuh meuh a ni.

Branch YMA sumtuakna tur a tan a kan hnathawh mek Lungrem chu thawh chhunzawm zel a ni a, a bul hnai a awm te YMA tan an in phalin, an buai chung chungin thingpui leh a hmeh te min buatsaih sak thin a, chumi piah lam ah hmanrua phal taka min hman tir thin te, Pu H. Laltlanthanga te chhungin tui phal taka min hman tir thin bawk avangin kan lawm tak zet a ni.

Tunah hian hna thawhtur hi ala awm nual a, hnatlang koh leh thuai tum a ni, chumi hun ah chuan thahnemngai taka Member-te thawh chhuah theuh i tum ang u.


28.03.2021

Ni 27.03.2021 (Inrinni) nileng khan lungrem hnathawhna tur hmun laih hnatlang neih a ni a, tlawmngaia thawkchhuak zawng zawng te chungah lawmthu kan sawi tak meuh meuh a ni.

CYMA hnuaia Computer zir tum te chu naktuk ni 29.03.2021 (Thawhtanni) hian CYMA Office Tuikhuahtlang ah kal khawm tur a ni.

Pu Roneihthanga Finance Secretary CYMA chu Serchhip ah a zin a. Tluang taka a tih tur tul te a tih theih nan duhsakna kan hlan e.

Ni 22.03.2021 (Thawhtanni) khan Vanapa Hall-ah World Water Day lawmna hun hman a ni a, hetah hian khawpui chhung Branch atangin aiawh mi pahnih theuh kal khawm a ni.


21.03.2021

Ni 14.03.2021 (Pathiani) khan kan Branch YMA Treasurer Pu Zohmingthanga chu a pa in a boral san a, kan tawrhpui tak zet a, a kalsan tak a chhungte Lalpan awmpuia thlamuan turin duhsakna kan hlan.

Ni 16.03.2021 (Thawhlehni) zan khan Branch YMA hmalakna in Section hruaitu ten Maubawk in kang tuar te \anpuina vehbur khawn a ni.

Pu Lalthangzauva Pachuau leh a nupui Pi Lalrinhlui Sailo te chuan an hmangaih kalta te:
1.Tv. Lalramsanga Pachuau (L)
2.Tv. Lalramchhana Pachuau (L) te
hriatrengna atan Nursery Veng Branch YMA hnenah Sound System tha tak min pe.

Min petu Pu Lathangzauva Pachuau leh a nupui Pi Lalrinhlui Sailo te chungah Nursery veng Branch YMA in lawmthu kan sawi tak zet a ni.

Sound System:
1) Tz A- 1200 Amply
2) Sm x902 – SoundBox – 2nos
3) Cable Wire 30mtrs
4) Sm 200xLR Microphone Rs. 29,000/- man zet a ni.


14.03.2021

K. Vanlalhriata(Puino-a) (L) hriatreng nan Pu. Remthanga te chhungkua chuan Branch YMA in a tul ang ang a hman turin puan sawm(10) an pe a, an chungah lawmthu kan sawi tak meuh a ni.

Ni. 07.03.2021 (Pathiani) chawhnu khan Ward XV Joint YMA Operation Meeting Maubawk YMA Committee Room-ah neih a ni a, hetah hian Pu C. Lalchhanhima President leh Pu Lalnunkima, Secretary te an tel ve a ni.


07.03.2021

Hun dang anga Chapchar Kut lawmna ah mipui punkhawm a remchan loh avangin ni 05.03.2021 (Zirtawpni) zingkar khan Central YMA hmalakna in Information Centre atangin “Kan Zotlang Ram nuam” hla play a ni.

Branch Secretary Pu Lalnunkima te chhungkua Bairabi lama zin pawh tluang takin an lo haw leh ta.


28.02.2021

Ni 26.02.2021 (Zirtawpni) zan dar 7:00 khan Vanapa Hall-ah kumpuan ‘ZIRNA UAR’ puala lehkhabu siam ‘KAILAWN’ tih tlangzarh a ni a, hetah hian Pu C.Lalchhanhima President, Pu R. Vanlalhmachhuana Vice President, Pu Roneihthanga Ex-Officio (Finance Secretary, CYMA) leh Tv. Laldawngliana (Puia) te chu kan Branch aiawh in an kal.

Ni 24.02.2021 (Nilaini) khan Pu Lalnunkima Secretary, NYMA te chhungkua leh Pu C. Lalnunsanga Branch Executive Committee Member te nupa chu chhungkaw thil avangin Bairabi-ah an zin.

Branch Executive Committee Member Pu C. Lawmsanga chu hun engemaw chen Synod Hospital-ah enkawl a nih hnu in alo chhuak leh ta a, damna chang chho zel turin duhsakna kan hlan e.

Ni 24.02.2021 (Nilaini) zan dar 7:00 khan kan member Tv. K. Vanlalhriata (Puino-a) ralna hun hman a ni a, hetah hian Branch Executive Committee Member teh leh Section Office Bearers te kal a ni.


21.02.2021

Branch Executive Committee member Pu C.Lawmsanga chu Synod Hospital, Durtlang ah damlohna avangin enkawl mek a ni a, damna tha tak changa, lo chhuak thuai turin duhsakna kan hlan e.

Ni 19.02.2021 (Zirtawpni) Chawhnu dar 1:00 khan Central YMA Hall, Tuikhuahtlangah Central YMA buatsaihin, kum 2020 Krismas leh Kumthar 2021 vuatveta Halpuah leh Halmawi chi hrang hrang khapna bawhzui tha veng paruk (6) te hnenah lawmthu sawina hun hman a ni a, he hun hi kan Branch Ex-Officio leh CYMA Finance Secretary ni bawk Pu roneihthanga chuan a hmanpui a ni.

Section pathum Y-Section, M-Section leh A-Section hnen atangin Fee leh Fund an khawn hrang hrang a rawn lut a, section hruaitu te inpekna a fakawm tak zet a ni. La pe remchang theilo te pawh inthlahrung lova, neih hun apianga pe turin kan in chah thar leh e.

Section pathum te hnen atanga report dawn dan in Nursery Veng Branch in Life Member 29 a nei a ni.


31.01.2021

Branch President Pu C. Lalchhanhima chu Hnahthial YMA Sub-Headquarters thar hawnna, January 22, 2021 a neiha a kal chu tluang takin a lo haw leh ta.

Pu Ronneihthanga, Finance Secretay, Central YMA chu Khawzawl Sub-Headquarters YMA hawnna, January 22, 2021 a neiha a kal chu tluang takin a lo haw leh ta.

Nursery Aw Editor Pu M.C. Lalruatfela (John-a) chu Tlabung lamah chhungkaw thil pawimawh avangin a zin.

Ni 24.01.2021 ( Pathianni ) khan Y-Section chuan kum 2021 chhunga Branch YMA section budget Rs 5000 chu an pe tla a, budget hi Rs 500 in an khum bawk.

Ni 26.01.2021 (Thawhlehni) khan M-Section chuan kum 2021 chhunga Branch YMA section budget Rs 5000 chu an pe tla bawk.

Ni 30.01.2021 (Inrinni) a CYMA Sports Sub-Committee meeting ah Branch Secretary Pu Lalnunkima chu a kal a, kum 2021 chhunga CYMA Sports Sub-Committee hmalak dan tur hrang hrang an sawi ho.


24.01.2021

Kan President Pu C. Lalchhanhima chu Hnahthial Sub-Headquarters YMA thar hawn naah a kal.

Pu Ronneihthanga Finance Secretary CYMA chu Khawzawl Sub-Headquarters YMA hawn naah a kal.

Ni 17.01.2021(Pathianni) khan Branch Office Bearer ten vengchhung a kawng laih leh lung rem hnathawh te a hmunah kal in an en.

Ni 17.01.2021(Pathianni) khan Branch Office Bearer ten bialtu MLA chu a chenna inah lengin Vengchhung mamawh te an sawipui.

Ni 19.01.2021(Thawhlehni) zan khan Vanapa Hall-ah CYMA leh FCS&CA Deptt. bul tumin LPG Home Delivery chungchang sawihona hun hman a ni a, Branch Office Bearers te leh Pu Ronneihthanga te an kal.

Ni 15.01.2021(Zirtawpni) zan a Office Bearer meeting chuan section tin Secretary te chu kum 2021 chhung atan Branch Executive committee member ah a ruat a, chungte chu :
1. Tv. Ch. Lalfamkima , Y- Section
2. Tv. V. Lalneihkima , M- Section
3. Pu F. Vanlalruata , A- Section

Pu C. Zohmingthanga Branch Treasurer te chhungkua chu Pu Ramtharnghaka te inhnuaiah an in sawn.


17.01.2021

Ni 15.01.2021 (Zirtawpni) zan khan Library-ah Office Bearers Meeting neih a ni. Ni.19.01.21 (Thawhlehni) zan dar 7:00-a CYMA buatsaih, Khawpui chhung Branch 29 thlan bikte Gas Home Delivery chungchang sawi hona VANAPA HALL-a neih turah Branch OB min sawm angin tel ve nise kan ti.

Ni 16.01.2021 (Inrinni) tlai dar 4:30 khan Bungkawn Vengthar YMA In ah Thlanmual Committee Meeting neih a ni a, kan Branch aiawh te an tel kim a ni.

Ni 13-14.01.2021 khan khawnvartui sem a ni.

Ni 14.01.2021 (ningani) khan Govt. Middle School naupang te tan Mid-Day Meal chawhmeh, Alu, Dal, Nutrela leh Tel School ah sem a ni.

Ni 14.01.2021 (Ningani) chawhnu atang khan Solar Lamp, Vengchhung mi thahnem ngai ten Local Council kaltlanga AMC a deposit-te chu, a thawhkhatna atan 20 vengchung lam atangin an dah tan a ni. A vaiin 40 dah tum a ni.

Thlanmual hlui a thingkung puitling tawh te tihhlum tuma sawisakna hnuhma hmuh a ni.


10.01.2021

Hun engmaw chen damdawiin a enkawl kan Branch Executive Committee Member Pu Zokunga chu ni 03.01.2021 (Thawhtanni) khan damdawiin atangin alo chhuak a, Branch hmingin ni 07.01.2021(Ningani) zan khan Branch O.B te chuan Rs. 500/- a kan a, damna chang chho zel turin duhsakna kan hlan e.

Branch YMA hruaitu hming lanna board VC Hall-a dah chu hming ziah belh a ngaih tawh avangin siamthat tir mek a ni.

Ni 0401.2021(Thawhlehni) atanga ni 06.01.2021 (Ningani) inkar khan Nursery Veng chhungah Lei man leh Zoram chhiah khawn a ni. Hemi hun a pe ve hmanlo te chuan Revenue Office-ah mahni kal a pek tawh tur a ni.

Ni 05.01.2021 (Nilaini) khan Nursery Veng Sub-Centre-ah naupang kum 2 hnuai lam tan vaccine pek chhuah a ni.

Nimin ni 09.01.2021 khan Nursery Veng Presbyterian Pastor Bial thar Nursery Veng Kohhran Biakin ah hawnna hun hman a ni.


03.01.2021

Nursery Veng YMA Branch chuan Veng chhung chhungkaw tin te kumthar chibai kan buk a che u.

Local Level Task Force leh Joint Action Committee ten Krismas vuakvet a Branch YMA te duty tura min sawm angin, mahni duty hun theuhah kan duty te kan ti hlawhtling thei chu lawmawm kan ti hle.

Ni 30 leh 31, December, 2020 khan veng chhungah eirawngbawlna Gas sem a ni.

Ni 29.12.2020 (Thawhlehni) khan Nursery Veng Model English School ah School naupang tan Mid-Day Meal chawhmeh sem a ni.

Kohhran anga Krismas leh Kumthar lawm a theih loh avangin chhungkua leh Colony anga inkhawm ho leh chawhlui kilkhawmna neih a ni.

Nursery Veng Sporting Club in kumthar hmuahna in elna a buatsaih vengchhung thalai te tan a Futsal leh BasketBall-a in elna chu a hmawr bawk a ni ta a, Futsal -ah hian Team Alpha-te an Champion a, Basketball-ah Team Josie an champion bawk.


27.12.2020

Mi harsate pual thawhlawm thawhtu te:
1. Pu Zonghakliana – Rs. 2000/- leh Towel Set hnih
2. Pu Vabeiha Hlychho – Rs. 3000/-
3. Pu Zirthanmawia Hmar – Rs. 5000/-
4. Pu Saimawia – Rs. 1000/-
5. Hmingthup – Rs. 1000/-
6. Hmingthup – Rs. 2000/-
Thahnemngai taka thawhtu te chungah lawmthu kan sawi tak meuh meuh a ni.

Ni 23.12.2020 (Nilaini) zan khan veng chhungah mi harsate pual thawhlawm tling khawm chu sem chhuah a ni a, chhungkaw 6 ah luanchhuahna neih a ni.

December 24, 25, 31 leh January ni 1.2021 hian Bawlhhlawh paihna hmun khar ani dawna, Veng chhung Bawlhhlawh paih motor hemi ni hian a kal dawnlo.

Pu Khumchhinga chu Mizoram pum MUP hlado inphuah siakah tel ve in Top ten ah a lang.

Ni 24.12.2020 (Ningani) khan Local Council leh mi thahnemngaite hmalakna in kan veng Transformer kan hman mek 250 KVA chu a aia lian 630 KVA in thlak a ni.


13.12.2020

Ni.08.12.2020 (Thawhlehni) zanah khan kum 2021 chhunga Nursery Veng Branch YMA Office Bearers tur te charge hlan an ni a,kum thar Committee Meember tur te ruat nghal a ni.

Electoral Roll Revision December ni 8, (thawhlehni) chawhnu dar 2 leh dar 4 inkar khan AMC Electoral Roll Revision neih zawh taka diltute enfiahna (hearing) chu Govt. Model English P/s-ah neih a ni a. Hearing na ah hian Pu R.Vanlalhmachhuana, Vice President a kal.

Hunpui lo thleng tur kan hman tur ah kum dang anga hman a nih theih dawn loh avangin YMA member-te Sawrkar ruahmanna zawm tha tur leh midangte tihhmuh tu ah tang theuh turin kan in chah e.

Kum 2020 chhung a tana Nursery Aw Hard Copy Print-na man pek fel a ni.

Copy 1 – Rs. 1.50/- a ni a, vawi khat ah copy 550 chhut thin ani
Tun kum chhungin Issue 14 hard copy sem ani a, copy 7700 chhut a ni a, avaiin Rs. 11,550/- a ni.
Nursery Aw hi JL Publication ah chhut/print tir thin a ni a, Branch YMA Treasurer in ni 08.12.2020 (Thawhlehni) khan a pe fel a ni.


06.12.2020

Ni 29.11.2020 (Pathianni) khan veng chhungah chhiattawk kan awm avangin thlan laihsa pakhat kan neih bakah pakhat dang laih belh a ni. Hemi zan hian Pu Lalnunfima Kawlni ralna hun hman a ni.

Ni 30.11.2020 (Thawhtanni) khan Thlanmuala hman tur Dekchi lian Rs. 6800/- man leithar a ni.

Ni 01.12.2020 (Thawhlehni) zan khan Pu Vanlalhruaia ralna hun hman a ni. Hemi ni hian thlan laih belh leh bawk a ni.

Ni 02.12.2020 (Nilaini) zan khan kum 2020 chhunga Branch Executive Committee hnuhnung ber neih a ni a, thu pawimawh tak tak rel a ni.

Hemi meeting zawh ah hian veng chhungah chhiattawk(Hlamzuih) kan neih avangin kuang siam hnatlang neih nghal a ni.

Ni 03.12.2020 (Nilaini) nileng khan kuang duan hnatlang neih a ni a, kuang pathum siam zawh a ni a, pakhat kilhpum mai theih tur a ruahhman a ni bawk. Mistiri Pu K.Laremmawia leh Pu Zohriatpuia te rawih an ni. Branch YMA chuan Mistiri thawk chhuak te chungah lawmthu a sawi tak meuh a ni.

Thlanmual leh Choka a hman tur Gas bur hnih laknghal a ni bawk.


29.11.2020

Branch Executive Committee Member leh Information Sub-Committee Secretary ni bawk Pu Lalchhanhima Sailo chu ni 22.11.20 (Pathianni) khan damlohna avangin Trinity Hospital-ah admit a ni a, ni 28.11.2020 (Inrinni) khan in lama in enkawl chhunzawm turin alo chhuak a, damna tha tak chang chho zel turin duhsakna kan hlan e.

Ni 25.11.2020 (Nilaini) khan Nursery Veng Retailer-ah Ration Card Eng leh Ration Card Pawl neite tan Chana a thlawna sem a ni.

Ni 27.11.2020 (Zirtawpni) khan Nursery Veng Government Model English Medium School naupang te tan School-ah Mid-Day Meal Buhfai sem a ni.

Ni 27.11.2 (Zirtawp) zing kar khan Nursery Veng Presbyterian Kohhran hmeichhia te chuan Kohhran hmeichhe ni leh Kristian chhungkua kum 50-na lawmna programme tawi Biak in kawtah an hmang. Presbyterian Kohhran Hmeichhia, Nursery Venglai te pawh in, Kristian chhungkua kum 50-na lawm nan, Biakin ah Dar an vaw bawk.


22.11.2020

Ni 17.11.2020 (Thawhlehni) a CEC meeting CYMA Hall, Tuikhuah-tlanga neih ah kum 2020-2021 chhung atan a CYMA CEC hnuaia Sub-Committee peng hrang hrangte Member tur ruatna neih a ni a. Kan Branch YMA atangin heng mite hi ruat an ni;
1. Pu R.Vanlalhmachhuana, Vice-President, NYMA – Kumpuan Sub Committee Member, CYMA
2. Pu Lalnunkima, Secretary, NYMA – Sports Sub Committee Member, CYMA
3. Pu Ch Lalnunmawia, Executive Committee Member, NYMA – Literature Sub Committee Member, CYMA
Hei bakah hian Kan Branch YMA President Pu C. Lalchhanhima, CYMA CEC ni bawk chu kum 2020-2021 chhung atan CYMA, Resources Sub-Committee, Secretary thar atan ruat a ni bawk. Kan hotute kan chhuangin kan lawmpui tak zet a ni.

Kan Branch President, Pu C. Lalchhanhima te chungkua chu ni 18.11.20 ( Ningani) khan chhungkaw thilah West Phailengah an zin a. Inrinni khan tluang takin an lo hawng leh ta e.

Ni 19.11.20 (Ningani) khan Information Sub-Committee te nileng hnatlang neih a ni a, sound thar kan lei te Technician hova vuah a ni. Member thawk chhuak te chungah lawmthu kan sawi e.


15.11.2020

Pu M Hunter Hnamte te chhungkua chuan an unaupa Pu Gnat Lalrinchhana Hnamte hriatreng nan Cooker Lian 22 Litters – Rs. 5600/- man leh An pa Pu L.T. Zama Hnamte hriatreng nan Dekchi Lian 45.850 kg – Rs. 24,750/-man chu Nursery Veng Branch YMA min pe. Ni 12.11.2020 (Ningani) zan khan Pu M Hunter Hnamte A-Section te In ah hriatrengna thil hlan programme Branch YMA OB te nen hman a ni. Pu M Hunter Hnamte te chhungkaw chungah Nursery Veng Branch YMA in lawmthu a sawi tak meuh meuh a ni.

Branch YMA President kal chhuak ta leh Branch Executive Committee Member ni mek Pu Zokunga chu a hnathawhna hmun Lunglei atanga Transfer niin Joint Director (Accounts) PWD, Aizawl ah sawn a ni a, kan lawmpui tak zet a ni.

Ni 12.11.2020 (Ningani) zan a Pu R. Vanlalhmachhuana, Vice President te in a Office Bearers Meeting chuan Information center-a hman tur Amplifier lei nise a ti a,hma lo la turin heng mite hi ruat an ni.
1. Pu C.Lalchhanhima
2. Tv. Vanlalvena
3. Pu C. Zohmingthanga
4. Pu C. Lalrammuana
5. Pu C. Laldingngheta


08.11.2020

Ni 05.11.2020 (Ningani) khan Central Executive Committee Meeting neih a ni a, Pu Roneihthanga Finance Secretary CYMA leh Pu C. Lalchhanhima CEC, President NYMA te chu an tel.

Nimin ni 07.11.2020 (Inrinni) nileng khan kuang duan hnatlang neih a ni a, Executive Member 10 vel an thawk chhuak a, kuang pathum leh Kross pasarih siam a ni. Mistiri Pu K. Lalremmawia (Laara) leh Pu Zohriata ten tlawmngaiin min rawn thawhpui a, an chungah lawmthu kan sawi tak meuh a ni. Tlaiah chawhlui kilho nghal niin, hemi a hman tur Gas Pu Zokunga Branch Executive Member chuan a rawn tum bawk a, a chungah lawmthu kan sawi bawk e.

Hripui leng vanga harsatna tawk kan awm a nih chuan in tan Branch YMA kan awm reng e. Section hruaitu ten mahni section theuh i ngaihven ang u khai.


01.11.2020

Kan Br. Exe-Commtt Member Pu Zokunga(Jka) chu , Joint Director Accounts & Treasuries, Southern Zone, Lunglei atangin Joint Director (Accounts) PWD, Aizawl-ah transferred a ni a kan lawmpui hle a ni.

Pu R.Vanlalhmachhuana, Br. Vice-President te nupa chu chhungte inneihna thil ah chhingchhipa zin pawh Ningani 29.10.2020 khan tluang takin a lo haw.

Ni 29 leh ni 30 Zirtawpni khan Br. YMA info Sub-commtt te chuan vengchhunga Information line leh mike thalo te siam hnatlang an nei. Ramthar inchung line chat zawm a ni a. Ramthar inchung ami hi Pi Marami, M-sec inchungah sawn a ni. Bungkawn High School leh a kaihnawih line leh horn te siam a ni. Pu F.Lawmsanga, A-sec inchungah Horn dah belh a ni.

Dt 31-10-2020 a Branch YMA pathum, Thlanmual kawng laih hnatlang a koh chu sawrkar lam in no tolerance forthnight a hman Hun chhung nen a lo in nang si a, hnatlang hi thulh rih mai nise ti in Thlanmual Comntt OB te chuan a rel a, chumai bakah Mizoram Sorkarin AMC Area Total Lockdown a puan hnan leh si avangin HNATLAN leh hun tur chu a hran in la in hriattir leh a ni ang.


25.10.2020

Ni 18.10.2020 (Pathianni) khan Ex President Pu Roneihthanga Fin. Secretary CYMA chu Mizoram leh Assam ramri buaina avangin Vairengte-ah a kal.

Pu Lalrawngbawla Royte, Y-Section chuan thlankhur chhunga Kuang khaithlakna tur Nylon hruizen tha tak min pe a, kan lawm tak zet a ni.

Pu Zarzokima F/o Emanuel Vanlalhriata ni 19.10.2020 a boral, M-Section te chhungkua chuan a tula hman a tan puan 2 min pe a, kan lawm tak zet a ni.


18.10.2020

Ni 15.10.2020 (Ningani) khan CYMA roreltu sang Central Executive Committee (CEC) Meeting CYMA Hall, Tuikhuahtlang-ah neih a ni a, tun kum chhung atan a Meeting hnuhnung ber a ni. Meeting na ah hian Pu Roneihthanga Fin. Secretary CYMA leh Pu C. Lalchhanhima, CEC Member te an tel. Pu C. Lalchhanhima, Pu C. Zohmingthanga leh Pu F. Biakhmingliana te Life Member nih an dilna chu pawmpui an ni.

Vawiin ni 18.10.2020 (Pathianni) chawhnu dar 2:00 hian Thlanmual Committee Meeting, Bungkawn YMA In-ah neih tur a ni a, kan Branch atanga member-te kim taka kal turin kan in hriattir e.

Kum 2020-2021 chhung atan a kan Branch Budget Rs. 11,500/- a ni.


11.10.2020

Ni 05.10.2020(Thawhtanni) nilengin Branch YMA kawng laih laiah leimin thenfai hnatlang neih a ni a, lung rem tan nghal niin Member 38 zet thawhchhuah a ni. Kan Adviser Pu C. Darthankima leh Ex-Branch YMA President Pu K. Zoliana te’n min rawn tawiawm a kan lawm hle a ni. Pu R.Lalduhawma leh Tv. Lalthlmuana A-Section Leader ten hnatlang Rs. 500/- in an rawn pha ve ve a ni.

Ni 08.10.2020(Ningani) khan DDK-ah CYMA Kumpuan thupui “Zirna Uar” sawihona neih a ni a, Pu Roneihthanga Finance Secretary CYMA chu a tel ve a ni.

Ni 09.10.2020 (Zirtawpni) zing khan Branch Office Bearers ten kan hnathawh a hmun ah an en ho a, tha taka hna kan thawk zo thei chu lawmawm an ti a, hmalak zel dan tur an sawi ho a ni.

Finance Secretary Pu C. Lalrammuana nu leh pa Pu C. Lalchangliana leh Pi Thangchuani te chuan an inneih champha vawi 50-na ( Golden Jubilee) ni 05.10.2020 (Thawhtanni) khan an lawm a, lawmpuina thuziak Branch hminga hlan an ni.


04.10.2020

Ni 2.10.20 (Zirtawpni) zing kar khan Branch YMA te hnatlang neih a ni a, member 48 zet thawhchhuah a ni. Kan kawnglaih lai thlanglam kopang lungrem tur Foundation laih hnatlang neih a ni a, Inrinni atangin Lungrem hi tan a ni. Lungrem hi inbuatsaihna a rei tawh a, engngemaw rokhawlhna leh Lockdown avang te in duh angin hna athawh theih loh a ni.

Ni 01.10.2020(Ningani) zan khan Local Council bul tuma Nursery Veng NGO Joint Meeting neihna ah kan Branch hruaitu te Pu R. Vanlalhmachhuana Vice President, Pu Lalnunkima Secretary, Tv. Vanlalvena Assistant Secretary leh Pu C. Lalrammuana Finance Secretary te an tel.

Ni 03.10.2020 (Inrinni) zingkar khan Branch OB te Pi Zodingpuii AMC Councillor hmu in an leng a, hna thawh mek an sawipui.

Ni 28.09.2020( Thawhtanni) CYMA Kumpuan Sub-Committee Meeting-ah kan Branch Vice President CYMA Kumpuan Sub-Committee Member Pu R. Vanlalhmachhuana chu a tel.


27.09.2020

Ni 25.09.2020(Zirtawp) chhun dar 12:00 khan CYMA CEC member zawng zawng tan RAT test neih a ni a, Pu C. Lalchhanhima President, CEC ni bawk leh Pu Roneihthanga Fi nance Secretary CYMA, pawh kan Branch atangin an tel ve, chumi hnuah CEC meeting neih nghal a ni. An result hi a Negative ve ve a ni.

Ni 25.09.2020 (Zirtawpni) khan UD&PA Department lam atanga BSUP (Inluah dil) leh HFA-BLC (insak tanpuina) dil tu te enfiahna VC Hall-ah neih a ni a, sawmna kan hmuh angin Branch aiawh a tel ve a ni.

Kan Branch Vice President Pu R.Vanlalhmachhuana nupuia nutapa Pu Rosiamliana kum 56 chu ni.24.09.2020 (Ningani) khan an chenna Electric Veng, Aizawl ah a boral a, khawhar chhungte kan tawrhpui tak zet a ni.

Branch YMA in hma kan lak mekna Tlangsiama Road laih hna chu hun remchang hmasa berah hmalak chhunzawm tum a ni a, hnatlang koh a nih hun apianga a tam thei ang ber thawk chhuak turin member te kan inhriattir e.


20.09.2020

Kan Branch Office Bearers te leh Executive Committee Member engemaw zat te chu tunlai hripui leng dona kawngah LLTF duty-in an buai thei hle a, chutih rualin an mahni sample te pawh test an ni a, Pathian zarah result chhuak tawh te a tha vek a ni. Result la chhuak tur engemaw zat ala awm bawk a, result tha tak kan neih theuh kan beisei.


13.09.2020

Ni.7.9.2020 (Thawhtanni) chawhnu dar 1:00 khan VC hall-ah Nursery Veng Local council te chuan charge an inhlan a. Charge inhlan na hi kan President Pu C. Lalchhanhima chuan a hmanpui a ni. Kan Branch Executive Committee Member nilai leh Branch YMA aiawh a CYMA Literature Sub-Commttee Member ni bawk Pu Ch. Lalnunmawia, Local Council Chairman hna a chelh tur chu kan lawmpuiin kan chhuang tak zet a ni.

Nu 08.09.2020 (Thawhlehni) zan khan Pu C. Lalrammuana, Branch Finance Secretary te In-ah OB Meeting neih a ni a, Meeting chuan Branch YMA hna thawh mek chu a sir lam lungrem tha a ti a, ruahmanna siam nghal niin Zirtawpni zingkar Branch hnatlang neih nise tih bawk a ni. (Sawrkar in AMC huamchhungah Partial Lock-down a puan leh tak avangin hnatlang hi thulh a ni.)

Branch YMA in hma kan lak mekna F. Tlangsiama Road chu Lockdown avangin chawlh san rih a ni a, kan boruak a zirin Branch pum huap hnatlang koh tur a ruahmanna siam a ni. Member-te lo inring theuh turin kan in hriattir e.


06.09.2020

Ni 30.09.2020 (Pathian ni) zan khan Branch Executive Committee Meeting neih a ni a, Tlangsiama Road laih tur a tana hmalak dan tur te rel ho a ni a, ni 05.09.2020(Inrinni) nileng in Branch Executive Committee Member leh Section tin Committee Member-te leihlaih hnatlang neih nise ti a rel a ni.

Ni 05.09.2020 nileng a Tlangsiama Road laihna a Branch YMA hnatlang report; Member kal zat 50 Hnatlang phatna lo lut:
1. Dr. Lalzahawmi Chengkual Rs. 500
2. Pu R.Lalchhuanawma Rs. 500
3. Tv. Lalsangmawia Colney Rs. 200

Robert Lalthansanga M-Section Finance Secretary chuan Leivung paih nan motor (Mahindra pickup) a rawn thawh a, kan lawm hle. Nl. Lucy Lalchhawnkimi, Branch Executive Committee Member leh M-Section Treasurer ni bawk te chhungkuain ei leh in minlo buaipui saka kan lawm hle.

Branch Executive Committee Member Pu C. Darthankima, Pu C. Laldingngheta leh Pu Ch. Lalnunmawia te Local Council Member a tana thlantlin an ni chu Branch YMA chuan kan lawmpui tak zet zet a ni.


30.08.2020

Ni 27.08.2020 M-Section hnen atangin budget Rs.5000/- dawn a ni.

Ni 23.08.2020 (Pathianni) tlai dar 4:00 ah khan Branch Executive Committee Meeting-in alo rel bawhzui in Executive Committee Member-ten Nursery Veng Field kawng laih mek chu en ho a ni a, chumi zawh ah Bialtu Councillor in a Branch YMA-te min pek kawng laihna tur hmun en ho lehnghal a ni.

Ni 29.08. 2020 (Inrinni) tlai khan kan hruaitu te Pu C. Lalchhanhima President, Pu R. Vanlalhmachhuana, Vice President, Pu C . Zohmingthanga, Treasurer, Tv. Vanlalvena Assistant Secretary leh Pu Zokunga, Executive Committee Member-te leh kawnglaih hna thawk thin te chuan hnathawh dan tur a hmun ah an en leh a ni. Hemi ni vek hian Field Road laih mek kama ram neitu te bia in an leng bawk.

CYMA Chanchinbu July & August Issue la hmu lo te chuan Section Agent hnen ah inhriattir tur a ni.

Pu Zokunga Branch Executive Committee Member te chuan Car nalh tak an nei thar a, kan lawmpui hle.


23.08.2020

Ni 21.08.2020 (Zirtawpni) khan Information Committee ten Information Mike Horn tha lo siamin hnatlang an nei. Thawk chhuak te chungah lawmthu kan sawi e.

Pu R.Vanlalpeka ‘fam’ te chhung chuan puan pahnih (2) a tul a hman atan min pe a, kan lawm tak zet a ni.

Ni 16.08.2020 (Sunday) tlai khan Branch OB ten Pu F. Vanlaliana Branch Executive Committee Member damlo ^.500 in an kan. Damna chang chho zel turin duhsakna kan hlan e.

Ni 20.08.2020 (Ningani) khan State Election Commissioner, Mizoram buatsaih General Election to Village Council & Local Councils, 2020 lo awm tur chungchang sawiho na neih a ni a, hetah hian Pu Roneihthanga Finance Secretary CYMA leh Pu PC. Vanlalthanga Mizoram People Forum aiawhin an kal.

Pi Zodingpuii Ward XV Councilor hnen atangin veng chhung inkal pawhna Pu Tlangsiama Road laihna tur ^. 3,00,000/- min pe a, Branch YMA chuan lawmthu a sawi a, remchang hmasa berah hma lak tum a ni.


16.08.2020

Ni 14.08.2020 (Zirtawpni) a boral ta Pu Tlanchhuahthanga te chhung chuan atul apianga hman turin Nursery Veng Branch YMA chu Puan pathum(3) min pe a, kan lawm tak zet a ni.

Ni 14.08.2020 (Zirtawpni) khan Thlanmual Committee te chu kan thlanmual kawng (Step) siam dan tur leh tul dangte ti in an hnatlang.

Executive Committee Member Pu Vanlalliana, A-Section Assistant Leader chu damlohna avangin BN Hospital-ah enkawl mek a ni a, dam tak a lo chhuak thuai turin duhsakna kan hlan e.

Ni 12.08.2020 (Nilaini) zan dar 9:00 khan Pu C. Lalchhanhima President te in ah Office Bearers meeting pawimawh tak neih a ni.

Kar kalta chhungin Mitthi pahnih kan nei a, President kaihhruaina in ralna hman ve ve a ni.


09.08.2020

Kan Branch Executive Committee Member leh Library Sub-Committee Vice Chairman ni bawk Pu V. Zothankhuma chu a hna ah promotion thar hmu in Associate Professor ah a kaisang a, kan chhuangin kan lawmpui tak zet a ni.

Central YMA Rorel inkhawm Vawi 3-na chu 15th October, 2020 (Ningani) chhun leh zanah Mizoram University Auditorium, Tanhril-ah hman a ni ang.