BUNG THAR KAI I TUM ANG U

Nursery Veng Branch YMA, hi veng dang Branch nena tehkhin chuan Branch YMA upa lo tak kan ni a, heti chung pawh hian hmasawnna hmuh tur a tam ngei mai, kan hruaitu hmasa te leh Member rualu zawk te thahnemngaihna vang liau liau tiin kan puh lo thei lovang. Tunkum pawh hian Bungthar kai tumin Branch YMA chuan, Section YMA te hmasawnna tur leh Member te inkaihhruaina tha zawk kan neih theih nan Section inelna chi hrang hrang ruahmanna siam a ni.

Branch YMA hmalakna hnatlang ilo programme awm chi reng rengah te inchhiarna(inelna a hman) hi neih ziah a ni dawn tawh a, Branch YMA Executive Committee thurel Section YMA te’n a an bawhzui/ hmalakna tur chi ah te bawhzui tha leh felfai ber inelna a awm ang. Hengah te hian Section inelna /inchhiarna a awm ang ; a) Mitthi lumen zan, khawvar dawna tinna hun siam ah, b)Khawhar inlenna ah inchhiar(tan hun leh ban hun siam a ni ang.) c) Thlanlaihna hmun ah, d) Branch YMA hnatlang, leh programme neih/awm chi reng rengah member inchhiarna neih ziah ani tawh ang, e)Section hmalakna Fee/fund khawn chungchangah te, Section budget tlak huntiam chungchangah te, f) YMA Day programme kaihhnawih, zing hnatlang/zan programme/chhun programme-ah te inchhiarna neih chhunzawm zel a ni ang ( Infiamna,‘Sport item hrang hranga inelna ti tha’’, indoor&outdoor).

Branch YMA Section inelna siamte hi Section hruaitute kut/mawhphurhna ringawt a nilo tih member ten kan hriat a pawimawh hle mai. Tunlai chhanah mitin kan hmanhlelh em em a, kan hun awl te tha taka kan hman tangkai theih nana ruahmanna siam ani a,kan inchhawk zangkhaina turte pawh ani tel ang. Khawhar inlenpuinaa ban hun leh tan hun siam tepawh atul reng a ni, mittin kan hnathawh hun leh ban hun a inang lo nak nak tawh a, kan hunawl hman dan leh hun awl neih dan a inang tawh lo a ni. Kohhran inkhawm nen a insubuai lo tur te pawh ngaihtuah a hun reng ta bawk. A kum telin bungthar kan kai zel a, kan hunkal tawh te thlirlet a chhuan leh zel awm tur te ngaihtuah chungin fimkhur leh uluk tak chungin ‘Bungthar’ Kai tumin kan han inbuatsaih leh ta mup mup mai chu a ni. Kum hmasa zawka kan la tihchhin ngaih loh te, hmelthar hmuh tumin tunlai thalai mithiam zawkte nunphung nen inher rem tur leh upa zawk thahrui chawl tawhte kaihthawh nan te pawh a ni ang, he inbuatsaihna hi a taka chantir tur chuan veng mipui zawng zawngte mawhphurhna ah a innghat a ni tih i hre mawlh teh ang u.

Section inelna zau zawk siamah hian chhiatni thatni a Member-te tanrualna nasa zawk kan neih theih nan leh kan inpawh leh zual nan te a ni a, vengchhunga nu leh pa, upa lam pawh ni ila, YMA member kan nih chhung chuan he inelna ah hian kan tel vek ani tih kan hre theuh dawn nia. Section tin te a ber ni vek turin tun atang hian tan ila sauh sauh teh ang u. “ He inelna ah hian, Bungthar Kai Kan Tum’ tlat a ni.”BUNGTHAR chuangkai tur hian Chhiatni bikah kan inkhaihruaina te her danglam hret a ni. Kohhran leh Khawtlang hruaitute Joint Meeting chuan Chhiatni inkhaihruaina te enawnin tih danglam hret te pawh an nei a, YMA member-te,Vengchhung nu leh pate bakah upa lam deuh te pawhin Chhhiatni a kan inkaihhuaina te hi hriat/zawm vek i tum tlang ang u.

Leave a Reply