CADC Vangin Kawngzawh a ni Dawn

October ni 10, 2018 (Nilaini) chawhma dar 11 hian Mizoram pumah Danlova din Chakma Autonomous District Council (C ADC) chu Dan hmang a thiah anih theih nan a mizo mipui kan inlungrualzia lantirna kawngzawh Central YMA bul tumin neih ani dawn a. Aizawl leh Sub-Headquarters YMA thuthmun bakah Group YMA ten mahni area theuh ah kawngzawh hi an huaihawt dawn a.

He kawngzawh tur hi YMA General Conference 2017, thurel, “Dan lo anga Chakma Autonomous District Council (CADC) hi dan anga thiah a nih theih nan CYMA hian hma la rawh se” tih bawh zuina pakhat a ni a. CYMA Executive Committee chuan Aizawl khawpui chhung leh District Headquarters tinah kawngzawh neih ni se tiin a lo rel tawh a. Aizawl khawpui chhungah chuan ni 10.10.2018 (Nilaini) zing dar 11:00 hian Chanmari leh Sikulpuikawn atanga zawh tanin Vanapa Hall kawtah intawhkhawm tur a ni ang. He hunah hian khawpui chhunga YMA Branch tinte chu Flag keng a, member a tam thei ang ber thawk chhuak turin ngen an ni a, kawng zawha tel zat member chhiar a ni ang.

Aizawla kawng zawh dan tur chungchang sawiho hian ni 05.10. 2018 (Zirtawp) zan khan Vanapa Hall ah Aizawl khawpui chhung Branch hruaitu te an in hmu khawm a, hetah hian Aizawl khawpui huam chhunga Branch 105 atangin Branch 94 aiawh, Branch hruaitu mi 441 leh CEC member 25, an vaiin mi 466 an kal a ni. He in hmuhkhawm hi Tv. Lalhmachhuana, General Secretary, CYMA chuan a kaihruai a. CYMA in CADC chungchang zir chiang tura a din Committee a siam, ‘Chakma Study Group’ Secretary Dr. Malsawmliana chuan Report a pe a, Pu Vanlalruata, President, CYMA chuan thu a sawi bawk a ni. Hun tawpah Pu R Lalngheta, Vice President, CYMA chuan kalkhawmte hnenah lawmthu a sawi bawk a, Pu Lalbiakzuala, CYMA President hlui chuan tawngtai in hun tawp a khar a ni.

He Kawngzawh turah hian Au Hla leh Thuziak ken tur hetiang hian duan lawk a ni a, thuziakte hi Branch YMA pawhin a theih anga lo siam turin CYMA chuan a beisei a ni:

1. CADC thiah ni rawh se.
2. CHAKMATE hi kan ram leilungfa an ni lo.
3. Chakma Foreigner-te hi kan ram atangin chhuak rawh se.
4. Ram leilungfate chanvo min chuhpuitu Chakmate kan duhlo
5. Chakma kan duh lo
6. Mikhual chamrei Chakma kan duh lo
7. CADC Area hi Mizoram, Mizote ta a ni.
8. Mizoramah Chakma ten ram an nei lo.
9. CADC Area hi Mizoram a ni a, Mizofa ten in hmun lo ram kan nei thei lo hi kan duh lo.

Kawng zawh ni hian Chanmari Kawn leh Sikulpuikawn atanga chhuak tur YMA Branch-te Central YMA chuan a siam fel nghal a, kan Branch chu Sikulpuikawn atanga chhuak tur kan ni a, YMA Member mai bakah Veng mipui, a thei apiang he kawng zawhnaa tel tur hian Nursery Veng Branch YMA chuan a sawm a, kawngzawh tanna hmun pan khawm dan tur hi la inhriattir leh a ni ang.

Leave a Reply