Category: Article

OPEN LETTER TO YMA MEMBER

Published / by Nursery Veng YMA / Leave a Comment

YMA Member duhtak,

Vengtu chung Pathian zarah YMA Day-ah dam taka i awm ka beisei. Kei pawh ka dam e. Mizo kan ni a, insuihkhawmna pawl duhawm tak YMA Pathianin min pe hlauh hi a lawmawm ti raw.? He pawl tana hnemhnanpuiawm khawpa Zonun zemawi lan chhuah tir leh nunpui kawngah tha thlah lova i awm chhoh zel ka beisei e.

Heng thu tlemte hi i beng hriatah han puahchhuahpui ve hi ka chak tlat a, i ngaihdan a ni ang nge ni lovang chu ka hre lova, mahse tlawmngaih chhuaha min lo chhiarsak ve turin ka ngen hmasa che a ni e. (more…)

SAWI DIK AIAH NUN DIK

Published / by Nursery Veng YMA / Leave a Comment

-R. Lalhlimpuia

Sawi dik aiah nun dik tih avanga, Thu dik sawi hlamchhiah tur tih na a ni loa, dawt sawi pawh a tul chuan a remchang mai e kan tih na a ni hek lo. Kan nun dan leh khawsa zia hi, mihring nuna langsâr lai ber, mite thlîr leh sawi hat hlawh ber a nih thin avangin, nun dik hi a pawimawh hle a. Thu tha tam tak sawi ai pawhin dik taka nun hman hi a hlawk zawk daih a ni. Ringtu kan nih vanga dik taka nung tura kan inbeisei tawn erawh a hlawhchham zia hrechiang tu theuh kan ni a. Ka beisei a ang lo, ka rin alo ang lo hle mai kan han intih leh thin te pawh ngaiah kan la nei mek chu a nia. Mahse, chumi avang chuan ringtute chu- rinawm lo lutuk ah te, dawt sawi hrât tak ah te leh, innghahna tlak niloah te kan in puh chhe vek thei lo ang. Kan rina hi dikna leh felna Lalpa anih vangin, insawichhe tawn mai lova, dik tak leh fel taka ti turin tan kan la sauh sauh tur a ni zawk.

Kan thusawi thin tam zawk hi chu a dikin, zawm nghal atan pawha tha tak tak a ni hlawm a. Pathian thu a ni emaw, thu lo pawh nise mi thusawi tha tak tak ngaihthlak tur pawh a tamSawi dik aiah nun dik tih avanga, Thu dik sawi hlamchhiah tur tih na a ni loa, dawt sawi pawh a tul chuan a remchang mai e kan tih na a ni hek lo. Kan nun dan leh khawsa zia hi, mihring nuna langsâr lai ber, mite (more…)

ENGNGE “CAB” AN TIH FO HI? COVID APPROPRIATE BEHAVIOUR (CAB)

Published / by Nursery Veng YMA / Leave a Comment

COVID-19 laka him tlanna tura kan zawm tur nunphung tha te:

1. Intawk kher lovin in chibai thin tawh ila.

2. Khawiah pawh inhnaihchilh lova feet 6 tal inkarhlat a awm zel nise.

3. Hmaituamna hmanga hmui-hmai tuam reng nise.

4. Mit, Hnar leh Ka te khawih loh tur a ni.

5. Respiratory Hygiene vawng la – Khuh leh hahchhiau in hmai hup/tuam rawh. (more…)

HRIAT VE MAI MAI A TAN

Published / by Nursery Veng YMA / Leave a Comment

Exemption: Mizorama lo lutte chu Covid-l9 symptom nei lo an nih chuan-

1. An lo luh hma darkar 72 chhunga RT-PCR/ TrueNat/ CBNAAT hmanga Covid-I9 test negative report, SRF-ID dik tak awm Screening Point duty-te an hmuh chuan Entry Point Screening leh Quarantine an ngai lo vang.

2. Covid Vaccine dose hnih an lak tawha, dose hnihna an lak atangin ni 15 tal a liam tawh tih tar lanna Full Dose Vaccination Certificate (Cowin portal atanga download) emaw, Covid-l9 (more…)

UPA TE I NGAI HLU ANG U

Published / by Nursery Veng YMA / Leave a Comment

Upate Ni ni 01.10.2021 chu kan hmang liam tawh a, a ni pel tawh mahse kan thinlungah erawh upa te ni hi cham chhunzawm zel teh se.

Mihring kum bi chhiar danah panlai, vanglai, upat hun te hi hun chhinchhiah tlak leh pawimawh a ni. Kum upa han tih hian eng chin nge tih erawh thliar thiam a har, chutihrualin kan hrethiam viau thung si. Vanglai hun ten mual a liam a, vanglai huna an thil tawn leh tih thin te chu tunlai atan chuan thing a lo ni tawh a, pasaltha leh huaisen, sa lu la tam thei ten ngaihsan an hlawh tawh heklo. An thatlai hun zawng a mite sa beng ni thin ten lawm an hlawh tawh miau lova, then leh rual ten mual an liamsan hnuah khawharna nun neiin, an vanglaia an chanchhin sawipui tur an zawng ruai thin (more…)

NUPUI/PASAL NEI TUR LEH NU LEH PA TE TAN

Published / by Nursery Veng YMA / Leave a Comment

Martin Luther-a chuan, “Nupui hi neih leh ngai ka nih chuan lungpui atangin ka thuawih deuh tur ka ker ngat ngat tawh ang” a tih laiin, thuhriltu ropui dang Billy Graham-a chuan, “Vanram chu Ruth-i neih ang maia nuam leh hlimawm anih ka ring” a ti ve mauh mai!

Anni pahnih hian, “A nuam leh hrehawm, bawrhsawm lai ber pawhin, tiam tlat e……Kumkhua atan, thih hma zawng” ti a Pathian leh Kohhran hote hriatpuia an lo tiampui tawh an nupui chungchanga an thusawi han ngaihtuah hian, nu ho hian an pasalte’n engangin nge an ngaih ang aw, tih in ngaihtuah a, an lo in enfiah ve mai maina atan heng mi ropui pahnihte thusawi hi ka han tarlang a ni. (more…)

COVID ATANG HIAN I DAM CHIANG TAWH EM?

Published / by Nursery Veng YMA / Leave a Comment

– Dr. C. Lalchhandama, Pathologist,
Civil Hospital, Aizawl.

Mizoram ah hian Covid-19 hripui len tirh atanga positive zawng zawng chu mi 23,000 kan chuang ta. Hmuh chhuah lemloh, dam zui ve ta mai eng zat tak awm ang maw? Heti zat positive kan awm tawh laiin vanneihthlak takin mi 19,000 chuang kan dam chhuak thung. Dama chhuak te hi kan dam chiang tak tak em? Nge ni a, kan negative ringawt? Taksa lamah harsatna kan la nei em? I neih loh chuan vannei tawp ah lo in ngai rawh, covid vei hnua taksa a khawih zui dan hi khawvel buaipui a ni leh ta tlat. “Covid test negative hnua kan taksa leh awm danah ngai kan la awh mai theihloh hi Covid hri ina a ken tel a ni zawk thei em?” tih zawhna pawimawh tâk hi mithiamte zinga inhnialna thar chu a lo ni leh ta zel a. Chutiang a awm te chu “Post Covid Syndrome” emaw “Long Covid” ti a koh an lo ni ta hial.

Covid virus hian kan taksa bung hrang hrang a khawih nasa em em a, a bikin kan lung (heart), chuap, kal, thin leh hriatna thazam lamte, kan taksa pum a khawih ti ila a sual awm love. Hote anga ngaih theih sam tla leh rei tak chhung aw lâwi atangin lungphuchawl thleng a thlen thei a ni tih hmuhchhuah zel a ni. (more…)

PATHIAN IN KAN RAMRI A VEI

Published / by Nursery Veng YMA / Leave a Comment

– R. Nelsona

State kan niha, Assembly hmanga mahnia ro kan inrel pawh kum 35 lai a lo ni ta. Remna lo thlena kan ram leh hnam tana rammu te’n an salu rawn hawn atana an hauh, ramri tih fel lah chu an rawn hawn thei ta bawk si lo.

Roreltu lahin an ngaihsak zui hek lo. Thalai ten hma an lak pawhin, roreltute chu a dodaltu leh an hma lakna tihchhiatsaktu mai an ni ta zel a. Mahse, ram min petu kan Pathian ngaih dan a ni ta lo. Tufingte 21:31-ah Ram chu LALPA ta a ni, tih a nih miau vangin a ta chhan turin a rawn che chhuak ta a ni. (more…)

ZALENNA HLA MAWI!

Published / by Nursery Veng YMA / Leave a Comment

– C. Lalbiaknunga

Vângpui chhaih hun, hun thengthaw lo thleng tur inthoh thâwmin mi a han hrût a. Kawl êng, khawvar hmahruaituin mi a han hnêk dek dek tawh chinah hi chuan nun hi eng emaw ti tak hian a insang mar vek hial thei. Hleilubial hêl rah hmin hmasa váiin huamhauh taka zâr tin thunun tuma a bawh ruak ruak kâra pît rual an teh hek hekte chuan kan tel ve lohna khawvel an dai dar bîk hial emaw tih tur a ni.

Tlaiberh pui no hrâm hruai, a no buchip enkawl vanga thawhrimna zualpui kal san, hlimtaka favang kawl êng an han chhaih har harte hi chuan dâi ngai loh ram tha bawh tur hian min hruai luih ngar ngar an tum zawk ni hian ka hria. A ni, hlimna ruama lu lam leh mawng lam hre lêk loa boruak thar duhawm a thlawna chêna chhek turin!

Kawng chhuatte chu a hnawm chiap a, dâi nge ruahtui hnuhnung hnuhma tih hriat hran rual ni lo mah se, ngalvapual hram thawveng ta lutuk chuan favang lo thleng tur hmuah a hun tih erawh a puang mêk a ni. Vabêk-in khâm thlí an chhaih a, daikatin kawldâi buk kar atangin nizung chhuak mar at mai an chhaih thung. An hlimna chu an zai rimawi atanga teh a ngai a. Thutlukna siam sual theih tak tur niin-khawi zawk nge tuipui fâl chi ang tih hriat hran theih a ni lo! (more…)

YOUNG MIZO ASSOCIATION : KHAWTLANG MIPUI INKARA IN UNAUNA THINLUNG ROPUI

Published / by Nursery Veng YMA / Leave a Comment

Mizoram hi state lian vak lo, Myanmar leh Bangladesh in a karcheh niin Mizo te vangtlang nun hi mihringte chhungril thatna mawi taka lanchhuah tir tu ani. Mizote vantlang nun hi ‘Tlawmngaihna’ hian lâ kan phiar ang mai hian a phiar khawm vek a chu ‘Tlawmngaihna’ lâ in a min phuar khawmna chu a chah mai loh nan leh vawn that reng anih theihna atana pawimawh em em leh hma la tu chu Young Mizo Association hi ani. YMA hi June ni 15, 1935 a din kha niin June ni 15,1947 hma zawng kha chuan Young Lushai Association ti a hriat thin ani. Central YMA hnuaiah hian veng hrang hrang leh khaw hrang hrang ah YMA Branch hi din niin mi tupawh kum 14 alo tlin chuan YMA member atana chhiar an lo ni thin.

Mizoram chhung chauh nilo, Mizoram pawn hmun hrang hrang, Mizo thalai te zirna vang emaw an hnathawh vanga an awm naah tawh phawt chuan Tlawmngaihna vawng nung zel turin YMA Branch pawh din thin ani. He ka thu ziah pawh hi kum 32 teh meuh mai Mizoram chhunga ka awm atanga ka tawnhriatte an ni. Ka hna avang hian zirlai te he ram dung leh vang fanga leilung lam zir chiang tura zin kual pui thin ka ni a, hei hian Mizo te vantlang nun ka tem ve theih nan hun tha min siam sak ani. (more…)