Category: Branch YMA

Editorial 17.10.2021

Published / by Nursery Veng YMA / Leave a Comment

He khawvela kan awm chhung hi chuan mi tu pawn ngaihsak nih kan duh veka, ngaihsak kan hlawh theih nan engemawti taka awm dân pawh kan thiam hin. Kan mihringpuite ngaihsakna dawn hi a nuama, an tan hlutna kan nei tih a chianga, chu chuan kan rilru chhungrîlah hlimna min pe a ni. Tin, nun a ti phûrawma, beiseina neiin hmalam pan turin min nawr kal bawk thin.

Chutihrualin, ngaihsaktu neilo nih chu a hrehawmin, khawvela mi vanduai ber nihna a tling si. Mite ngaihsakna chauh hi phût leh beisei tur kan ni lo, mi dangte ngaihsaktu nih kawngah tan kan la thar zawk tur a ni. Khawvela kan awm chhung hi chuan chêngho tur kan nia, mahse, thenkhat hi chuan an duh dân têa khawsa zel turin kan inngai a ni mahna, thenawm khawvengte bân phâk tur leh tih buai ngam khawpin kan awm meuh ta lo. Chutihlaiin, inchênchilha, nun ho tur kan nih zia hre chiang apiang chu, mi dangte tanpui turin, miten an tihbuai ngam leh an mamawh hun apianga an beisei ngam khawpin an awm thung a.Chung mite chu, an hausa emaw rethei emaw vang lam a ni lo, Pathianin ang khat vekin min siam ziate, inmamawh tawn vek kan nih ziate, mihringin kan hmalam hun kan hriat lawk miah loh thu te an hriat chian vang a ni thei ang. A tawi zawngin, Pathian thu an awih vang a ni ber awm e. Tute pawh hi, kan awm ang leh kan nihna ang hian tanpui ngaite ngaihsak leh tanpui turin kan tling tawk veka, keimahni lamin hun kan pek duh leh duh loah a innghat mai zawk a ni. (more…)

LAWMTHU SAWINA

Published / by Nursery Veng YMA / Leave a Comment

Myanmar raltlan tanpuina ni 08.10.21 (Zirtawpni) a Nursery Veng kawn a bawm dawh ah mi thahnem ngaite hneh atangin Rs. 40,770/- he thu buatsaih lai thleng lai a tling thei a, thahnem ngai a pawisa thawhtute chungah Branch YMA chuan thinlung takin lawmthu a sawi a.

Thawhtute zawng zawngte Lalpan a let tam takin malsawm theuh che u rawh se.

Sd/-
Secretary
NURSERY VENG BRANCH YMA

KUMPUAN HUANG – ZIRNA UAR

Published / by Nursery Veng YMA / Leave a Comment

Covid-19 vangin khawvel ram hrang hrangah zirna inte an inhawng mumal lo a, online hmangin lehkha hi zir a ngai. Mizoramah pawh online hmangin zirtirtute’n an zirtir thin.

Siaha District-a Mawhrei khuaah chuan an khuaah internet signal a tha lo a, zirlaite’n online hmangin an zir thei lo. Chuti chung chuan zir an tum a, ramhnuaiah an zir thin. Mawhrei khua atang hian Siaha, Aizawl leh hmun dangahte thalaite’n college an kal a, hrilen hnuah chuan college-a class kal a theih loh. Khaw dang zirlaite ang bawkin Mawhrei zirlaite pawh chuan internet hmangin an zirtirtute zirtirna an chhim a ngai a, mahse an khuaah signal a tha si lo. (more…)

HRISEL NAN, FAINA LEH THIANGHLIMNA

Published / by Nursery Veng YMA / Leave a Comment

 Hriselna hi mihring rohlu, hlimna chabi a ni.

 Faina leh thianghlimna ngaihthah mi an hrisel thei lo.

 I taksa vawng fai la, mi hrisel leh mi zahawm i ni ang.

 Nangmah fai vur mah la, i in leh a vel i vawn fai loh chuan tuma’n an ngaisang lo vang che.

 I ei leh in uluk la, ei tur hrisel leh thianghlim chauh ei thin ang che. Thei leh thlai hring ei tam la, kamram thil ei uar lutuk suh. (more…)

KAN THEN TAK PU MALSAWMTLUANGA CHANCHIN

Published / by Nursery Veng YMA / Leave a Comment

Malsawmtluanga
Pu Malsawmtluanga

Pu Malsawmtluanga hi kum 1957 15/3 khan Baktawng khuaah a lo piang a, a pa hi Rothangpuia a ni a, a nu hi Lalduhawmi a ni. An unau hi 5, Mipa 2 leh Hmeichhia 3 an ni. Kum 1988 January ni 13 khan Zosangpuii d/o Sangliana, Champhai nen inneiin fa pathum (3) an nei a, tu pakhat an nei tawh bawk.

Primary leh Middle School hi Baktawngah kalin a pa hi zirtirtu a ni a. Kum 1975 ah DIET Practising School Aizawlah transfer a ni a. Chuvang chuan an chhungkuain Aizawlah an rawn pem a. High School chu JL High School ah kalin HSLC tha takin a zo a ni. Pachhunga Govt College ah a zir laiin eizawnna lam buaipuiin contract hna a thawk ta a, BA hi a zo hman ta lo a ni. (more…)

HRIATTIRNA

Published / by Nursery Veng YMA / Leave a Comment

Kum 2020 leh 2021 chhunga Nursery Veng a HSLC leh HSSLC pass te lawmpuinan Dr. Rualthankhuma Renthlei in a Lehkhabu lehlin “CHICKEN SOUP FOR THE SOUL” chu Branch YMA kaltlangin min pe a.

HSLC leh HSSLC pass thar Ciatation kan hlan zawng zawngte vawiin ni.14.08.2021, dar 11:00 am atangin VC Hall ah lam theih a ni.

Sd/-
Secretary
NYMA

LOCAL LEVEL TASK FORCE HUANG

Published / by Nursery Veng YMA / Leave a Comment

Ni 01.08.2021 (Pathianni) chawhnu dar 3:00 kha Nursery Veng Local Level Task Force Office Bearers Meeting neih a ni a, thurel tlangpui te:-

1. LLTF Sub committee hetiang hian siamrem a ni.

Medical Supply Team
Chairman – Pu R. Vanlalhmachhuana
Secretary – Tv. Lalthlamuana
Asst Secy. – Nl. Lalmuanpuii Hmar
Member te:-
1. Tv. Ch. Lalfamkima (Y – Section)
2. Tv. Romel Lalmuanpuia (Y – Section)
3. Tv. Lalhriatzuala (Y – Section)
4. Nl. Vanlalhmangaihsangzuali (Y – Section)
5. Tv. V. Lalneihkima (M – Section)
6. Tv. Laltanpuia (M – Section)
7. Nl. Linda Lallawmpuii (M – Section)
8. Nl. Lalthanzuali (M – Section)
9. Tv. Benjamin Lalremruata (A – Section)
10. Tv. Hmingthantluanga (A – Section)
11. Pu Lalduhawma (A – Section)
12. Pu Malsawmhlua (A – Section) (more…)

VENG MIPUITE HNENA LLTF NGENNA

Published / by Nursery Veng YMA / Leave a Comment

Covid 19 hri leng mekin kan vengchhung min luhchilh in, min tibuai nasa em em a, tunah hian vengchhung mi hri vei enkawl mek mi 145, ZMC lama awm 4, 4C lama awm 15 leh Home Isolation ti lai mi 126 kan awm mêk a ni.

Hemi a nih avang hian, Pathianni ‘Chhung inkhawmah’ Nursery veng chhungtinte tawngtairualna nei turin LLTF chuan a ngen takmeuh meuh a ni.
Tawngtai thupui turte:-
1. Kan rama hripui leng a reh theih nan.
2. Kan venga hripui a darh zel loh nan.
3. Hripui kai te an dam chhuah vek theih nan.
4. Hripui dona kawnga thawktu te zawng zawng tan.

Chhungkaw tin te thahnemngai tak leh thinlung leh tih takzeta tawngtai theuh turin kan inngen e.

LAWMTHU SAWINA

Published / by Nursery Veng YMA / Leave a Comment

Dt28.07.2021 (Nilaini) khan, Chhippui khawtlang tangrual chuan, Nursery veng mipuite tan tiin, an thlai thar eng emawzat leh, Mautuai leh Rawtuai thahnem tak mai hmangin ‘Luanchhuahna’ an rawn nei a, hemi atan hian Thawhlehni (27.07.2021) khan a khaw náwtin hnatlang an nei nghe nghe a ni.

Chhippui khawtlang in kan veng min duhsakna leh kan tana an inpekna hi ropui kan tiin, kan lawm tak meuh meuh a ni. Hripui leng avanga kan vengchhung kan buai êm êm lai leh, kan mamawh lai tak maia Chhippui khua ten, thilpek rawngbawlna hmanga an mi hmangaihna leh duhsakna kan chunga an rawn lantir hi a ropui kan ti takzet a, Chhippui khawtlawng chungah hian kan lawm tak meuh meuh a ni.

Chhippui khawtlangte, Pathian malsawmna dawng a, an thawhrimna leh midang tana an inpekna zawng zawngah Pathianin a lêt tam taka malsawmna a vur ngei kan duhsak takzet zet a ni.

Sd/-
Michael Lalruatdika
Secretary, LLTF : Nursery Veng