Category: CYMA

CENTRAL EXECUTIVE COMMITTEE MEETING NEIH A NI

Published / by Nursery Veng YMA / Leave a Comment

Khuangchawi Thla ni 15, 2021 ( Zirtawpni) chhun dar 12 khan CEC Meeting neih a ni a, Pu Vanlalruata President in thutkhawm hi a kaihruai a ni.

Hunserh: Pu HF Lalrinpuia, CEC
Thurelte- 1 :
General Conference 2021: CEC chuan zau zawka inrawnkhawm tha a ti a, Nov 10, 2021 (Nilaini) ah Central Coordination Committee (CCC) koh a rel. Hruaitu thlan kum anih angin hetiang hian mawhphurtu ruat an ni-
Returning Officer: Pu Vanlalruata, President.
Asst. RO: Pu J. Lalsailova CEC
Secretary: Pu Joseph Vanlalhruaia Sailo, CEC
Asst. Secretary: Pu J. Lalsangliana CEC (more…)

CENTRAL YMA HMALAKNA

Published / by Nursery Veng YMA / Leave a Comment

28.09.2021 : Chief Minister’s Conference Hall-ah Mizoram State Health Care Society Governing Board meeting neih a ni a, Pu Vanlalruata, President a tel.

28.09.2021 : Synod Committee Room No. 1-ah MPF Hqrs. Governing Board meeting neih a ni a, Prof. Malsawmliana, Asst. Secretary a tel.

28.09.2021 : Dy. Chief Minister Pisa-ah Martarte Thlanmual Siamtu Committee meeting neih a ni a, Tv. Lalhmachhuana, Vice President a tel.

28.09.2021 : Social Welfare Department bultumin Rescue Home hrang hrangah Drug Free India Campaign neih a ni a, Pu Roneihthanga, Finance Secretary a tel. (more…)

CENTRAL YMA OB LEH HEALTH MINISTER INKAWM

Published / by Nursery Veng YMA / Leave a Comment

Khuangchawi Thla ni 3, 2021 (Pathianni) chawhnu dar 2:00 khan CYMA OB ten Dr. R. Lalthangliana Health Minister chu a chenna inah an kawm a hengte hi sawiho a ni.

1. ZMC a kuang pek chungchangah YMA in theih tawp chhuaha kuang pek thin a nih thu leh tun dinhmunah kuang neihsa te hman zawh deuh a nih thu dawn a ni. Khawpui chhung bik Branch te chu ZMC a Covid – 19 avanga thi kan awmin kuang thlakna ken thin ni se.

2. Aizawl pawn lam ZMC a boral an awma hman turin khawpui chhung Branch remchang thei kan awm chuan kuang pek (Donate) chhunzawm theih ni se. “Sawrkar lam pawhin Aizawl khawpui pawn lam mite kuang mamawh lo ngaihtuahtura ngen an ni bawk. (more…)

CENTRAL EXECUTIVE COMMITTEE MEETING NEIH A NI

Published / by Nursery Veng YMA / Leave a Comment

Ni 25.09.2021 (Inrnni) khan CYMA Hall-ah Central Executive Committee Meeting neih a ni a, thurel tlangpui te:

1. Covid 19 hripui leng mek avanga harsatna kan tawh mek chungchang leh nunna chan kan pungchho zel chu YMA chuan pawi a ti in, lusun chhungte a tawrhpui tak zet a ni. Hrikai leh kailo te hriat chhuah zung zung an nih theih nan Central Executive Committee chuan RTPCR Laboratory tam thei ang ber din belh anih theihnan Mizoram Sawrkar chu chak taka hmala turin a ngen a ni.

2. Myanmar buaina avanga Mizorama Myanmar raltlante chhawmdawlna kawngah theih tawpa hmalak zui zel tha tih a ni. Hmalakna leh tuldangte chu Myanmar Raltlante Tanpuitu (more…)

TECNICAL ADVISER TO CHIEF MINISTER LEH CENTRAL YMA HRUAITUTE INLAWM

Published / by Nursery Veng YMA / Leave a Comment

Ni 23.09.2021 (Ningani) khan Technical Adviser to CM Er. K. Lalsawmvela office ah E-in-C MPWD, Exevutive Director NHIDCL leh Central YMA hruaitute inkawm.

Mizoram chhunga kawng siam mek chungchang sawiho niin hnathawh mekte a hun taka zawh anih theih nan harsatna awm thinah YMA te tawiawmna leh puihna mamawh anih thu tarlan a ni.

Mizoram chhunga kawng siam mekte tha, tlo leh rintlaka siam anih ngei theihnan thawktute tanla tura kan duh thu thlen a ni.

Sub Headquarters/Group/Branch YMA ten kawngsiam chungchanga harsatna hrang hrang – duhthusamlo, hna tha lo leh hmanrua tha lo hman anih thin chungchang pawh sawilan a ni. Kan thu thlente hi lo enzui nghal an tum thu dawn a ni.

Mipuiten kan chanvo kawngtha kan neih ngei theihnan YMA chuan hma a la zel dawn a ni.

YMA vul zel rawh se.

GENERAL SECRETARY – CYMA KAM CHHUAK

Published / by Nursery Veng YMA / Leave a Comment

Chibai u le, vawiin hun tluangtaka hmang turin duhsakna ka hlan a che u.

1. Hripui lengin min la kiansan hlei thei lo, a nasa tulh tulh emaw tihtur in Mimkut thla ni 1 atanga ni 22, 2021 chhung ngawt pawhin nitin hrikai thar kan neih hi 1000 chuang a ni ta reng mai. India hmarchhak bikah phei chuan kan No.1 chiang ta hle mai. Pathian zarah nunna chan erawh kan hniam rih thung e. Tawngtaia Pathian kan auh nasat a tul hle mai, hetih rual hian Covid Appropriate Behaviour (CAB) zawm kawngah tan kan lak a tul tak zet e. Kan thawk viau tawh chung pawhin kut kuang kuah ngawt thei erawh chu kan ni si lo. Tan ila thar zel ang u.

2. Mipui zirtirna kawngah YMA in kan hmanraw neih tangkai tak Vantlang Tlangauna hmang tangkaia kan inzirtir thar leh a tul hle mai. (more…)

CENTRAL YMA LEH NGO UNITED FOR DEMOGATIC MYANMAR TE INKAWM

Published / by Nursery Veng YMA / Leave a Comment

Mimkut thla ni 21, 2021 chawhnu dar 2pm khan Central YMA, Myanmar Raltlante Chhawmdawl Committee te leh NGO United for Democratic Myanmar te inkawm.

1. Inkawmhona hunah hian Myanmar MP 4, MLA 3 leh NGO United for Democratic Myanmar hruaitu mi 2 an tel bawk.

2. Myanmar raltlante tanpuina leh tuamhlawmna kawnga YMA hmalakna hrang hrangah lawmthu an sawi a, harsatna lian zawk thleng thei reng anih avangin YMA te kutah an innghah thui hle thu ngaihthlak a ni.

3. Myanmar ram tualchhung dinhmun leh CDM/NUG hmalakna ngaihthlak a ni bawk.

4. Sawrkar mi leh sa CDM zawmte chungchanga hmalakna tul hrang hrangte an hnen atang hian ngaihthlak a ni.

Prof. Lalnuntluanga
General Secretary
Central YMA

CENTRAL YMA HRUAITUTE LEH ASSAM RIFLES HOTUTE INKAWM

Published / by Nursery Veng YMA / Leave a Comment

Mimkut thla ni 16, 2021 (Ningani) chawhma dar 10:30 A.m khan Central YMA OB te leh 2nd Assam Rifle Mizoram a lo awmthar te nen inkawmna hun tha tak hman a ni. Assam Rifles ten an hmachhawp hrang hrangte sawlangin, CYMA hruaitute pawhin hmalakna tura ngaih pawimawh zawngte tarlan a ni bawk. Inkawmhona hun tha tak hman a ni.

Covid 19 hrileng mek a ziaawm deuh hunah hetiang hian hmalakna tur sawiho a ni :-

1. Hindi Spoken Class : Mizo thalaite tan hindi tawng zirna buatsaih.

2. Mizo thalaite tan Army Pre Recruitment Rally buatsaih/huai hawt.

3. Thiam thil hrang hrang (Skill development) Mizo thalai ten an training theih nana hma lak.

4. Ruihhlo dona kawnga tan lak.

Assam Rifles hotute hi an Colonel Rajesh Kumar Nayak, Commandant Aizawl Battalion in a ho a ni.

CENTRAL YMA CHETVELNA

Published / by Nursery Veng YMA / Leave a Comment

1. Myanmar Raltlan chungchang Chief Minister sawipui a ni. Raltlante chhawmdawlna hrang hrang State Sorkar atangin ngaihtuah thui tura ngen a ni. Tin, raltlan lo lut te Covid-19 test na hmanrua ngaihtuahsak tura ngen a ni bawk. Mizoram sawrkar hotute leh YMA hruaituten raltlante mamawh sawiho a hmalak hman hmawh ngaite hmalak tha tih a ni.

Myanmar raltlan chungchangah sawrkar laipui hotute hmala ngei tura sawipui turin ngen a ni.

2. Mizoram chhunga kawngpui siam/laih mekte tha taka thawh anih theih nana hmalak dan tur sawiho a ni bawk.

3. Mizoram CEO Pu Jawahar, P IAS chu a office ah hmuh niin Special Summary Revision of Electoral Roll chungchang sawipui a ni. E- Roll dik leh fel tak kan neih theih nan hmalak kan duh thu sawiin thawhhopuiah YMA te min sawm bawk.

Tuikuk mahni duh thu a Tripura lama chhukte E- Roll atanga paih an nih theih nan hmalak a tul thu sawipui a ni bawk.

4. Chief Secretary kaihhruainain Mizoram chhunga dan lo a khaw din chungchang sawiho a ni. Aizawl, Lunglei leh Mamit District a dan lova khaw dinte zir chiana, a tul dan anga hmalak tum a ni a. District hrang hrangah te village record enfeltu turte ruahmanna siam a ni bawk.

CENTRAL YMA THUCHHUAK

Published / by Nursery Veng YMA / Leave a Comment

Myanmar ram buaina avanga kan unaute raltlan buaipuina kawnga Sub-headquarters/Group/ Branch YMA te hmalakna ah lawmthu kan sawi e. Mahni sahimna tura lo tlan kan unaute kan theih leh phak tawka lo tuam hlawm theuh turin Mizo mipuite YMA chuan a ngen a ni. Raltlan te thlamuang taka an awm theih nan leh buaipui mekna kawngah Sub-Headquarters/Group/Branch YMA ten theih tawp i chhuah zui zel ang u.

1. Branch YMA te raltlan tanpuina pe thei tura beisei kan ni a, kan huamchhunga tanpuina pe thei an awm chuan lo bawhzui ni se.

2. Raltlan tanpuina pe duh mimal, pawl, kohhran kan awm anih chuan Central YMA Office ah emaw Central YMA Account Number-97003624845(Mizoram Rural Bank) IFSC- SBIN0RRMIGB ah hian pek theih a ni se. Tanpuina hi 15th October, 2021 ral hma a pek theih ni se.

3. Myanmar raltlan tanpuina pe duh ten Sub-headquarters/Group/ Branch YMA kaltlanga tanpuina pek hram ni se.

4. Raltlante enkawlna kawnga kan awlsam tlan nan Sub-headquarters/Group/Branch YMA ten felfai taka chhinchhiah ni se.

5. Tanpuina hi a sumfai a pek theih hram ni se. Account kaltlanga tanpuina pe ten hming leh veng chiang tak a ziak tel hram ni se.

Sd/-
Prof. LALNUNTLUANGA
General Secretary,
Central YMA.