Category: JAC

JOINT ACTION COMMITTEE MEETING NEIH A NI

Published / by Nursery Veng YMA / Leave a Comment

Ni 09.04.2021 (Zirtawp) zan khan VC Hall-ah Nursery Veng Joint Action Committee Meeting vawi khatna neih a ni a, vengchhung a lo ralmuana, a lo nawm zawk nan thu chhuah a siam a. Mitin te zawm theuh turin kan inngen a ni.

1. Rukru leh misual chhui nana a tangkai em vangin, CCTV nei belh tura hma lak tum a ni.

2. Vengchhungah a tul anga duty a Round leh thin a ni ang.

3. Mi tin te rukru leh misual laka kan lo him tlan theihna turin, Vengchhung in tin te varanda light on tlaivar thin tura ngen nawn leh kan ni.

4. Tih tur tul nei si lova kawngsir leh mi varandah a thutkhawm chin te hi, sual kawngzawh tanna bul anih theih avangin, khap a ni.

5. Tunlai hian naupang kum tlinglo lirthei khalh kan tam ta hle mai a. Hei hi dan kalh a nih avang leh kan him tlan zawkna tur a nih avangin nu leh pa ten kan tu leh fa te lo khap turin kan in ngen a.

Lirthei chak lutuk leh ring tak tak a accelerator Pump vak vak pawh hian midangte tan harsatna a thlen theih avangin khap tlat a ni.

Local Level Task Force on Covid-19 – Thawhlawm

Published / by Nursery Veng YMA / Leave a Comment

Heng a hnuai a mi te hnen atang hian tanpuina kan dawng a, kan lawm tak zet a ni. ( Ni 29.03.2020 (Pathian ni) – 04.04.2020 (Inrinni) zan dar 7 : 00 thleng a tanpuina lo lut te)
1. Er. Zirthanmawia Hmar Y Section : Rs. 10,000
2. Pu David V.L.Chhuana Y Section : Rs. 2,000
3. Pi Emanueli A Section : Rs. 1,000
4. Pu V.L.Hriatpuia A Section : Rs. 1000
5. Dr. Ch. Laldinpuia : Rs. 2000
6. Pu K Saliankapa Y Section : Rs. 2000
7. Pu PC. Lalbiaktluanga A Section : Rs. 2000 (more…)

LOCAL/VILLAGE LEVEL TASK FORCE ON COVID-19 TE TANA INKAIHHRUAINA

Published / by Nursery Veng YMA / Leave a Comment

Issued in the interest of public by Information & Public Relations Department Aizawl, the 26th March 2020 : Mizoram Sawrkar in ‘Hriattirna’ hmanga March ni 18 a Village/Local Level Task Force on COVID-19 a din hnuin, vawiin khan Disaster Management & Rehabilitation Department in heng Task Force ten mumal leh awmzei nei zawka an khua leh veng ah theuh hma an laktlan theihna turin hnathawh dan kaihhruaina ‘Standard Operating Procudure’ (SOP) an duang a. SOP duan hi a hnuai ami ang a ni. (more…)

COVID-19 CHUNGCHANGA NURSERY VENG BRANCH YMA THUCHHUAH

Published / by Nursery Veng YMA / Leave a Comment

Nursery Veng mipuite kan him zawk theih nan Nursery Veng Branch YMA chuan Central YMA leh sawrkar thuchhuah bawhzuiin hetiang hian thuchhuah a siam a, veng mipuite zawm theuh tura ngen leh beisei kan ni.

  1. Nursery Veng mi leh sa hmun dang (State pawn) atanga rawn haw ten sawrkar duhdanin ni 14 chhung anmahni inah an inkhung tur ani. Ramdang atanga lo haw te hi Branch Secretary Phone No 6909589715; Assiatant Secretary Phone no. 9612061872-ah in report tur a ni a, hetiang mi an awm anih chuan thenawm khawvengte pawhin lo bengvar nise.
  2. Naupangte khawlaia awmlo tur leh thian kawm tam loh tur a ni. Puitlingte pawh tullovah pawn chhuak tam lo turin kan inngen a, Nu leh Pate zawng zawngin an fate in lamah an tihtur lo buaipui theuh turin kan in ngen e.
  3. Khawchhak sumdawng leh thirchhe zawngte leh mimal ina lut kual a thil zuar vengchhungah an vahvel khap a ni a, hetiang zawmlo an awm anih chuan vengchhung chhuahsan nghal tura hriattir tur an ni. A lo hrilhtuten harsatna tawk an awm anih chuan Branch hruaitute hnenah inhriattir tur a ni.
  4. Vengchhungah puipunna lam chi reng reng siam loh nise, hei hian kawng dung leh hmun remchanga infiamna chi a huam ang.
  5. Dawrkai te pawhin he harsatna denchhena an thil zawrhte man pangngai ai to a hralh lo tura hriattir leh beisei kan ni a. Midangte chan ai la duh khawpa pamham lo tura ngen kan ni.
  6. Hri leng vanga vengchhung mi ei leh bara tlachham tanpui ngai an awm chuan a tul angin Branch-in hma a la ang.
  7. Chhiat tawh leh rikrum thil a awm anih chuan Branch hruaitute thu ngaihchan nise.
  8. Nursery Veng YMA Chanchinbu “ Nursery AW “ Kartin chhuak chu Ni 22.03.2020 Issue a tangin thu leh awm hma chu Soft Copy (PDF) hmanga Veng Mipui te hnenah chhuah a ni rih ang. Hei hi Covid-19 hri leng avanga CYMA leh Sawrkar thuchhuah anga mipui te fimkhur tura min ngen angin, Mipui te hri laka kan him zawkna atana tih a ni.
  9. He hripui leng laka kan ram leh hnam a him theih nan theihtawpa Pathian hnena dil theuh turin kan inngen a, kan tihtur theuh te ti turin mimal leh chhungtin te ngen kan ni.

(more…)

RUIHHLO HMANGIN MIN VAW LET

Published / by Nursery Veng YMA / Leave a Comment

Kum tam tehchiam lo, liam tawh ah khan ‘Spasmo Proxyvon’ Pum damdawi (pumna chhawkna) ei chi chu kan thalai za tel teh meuh chuan Injection-a ruihhlo nawmchen nan an hmang a nih kha. He Damdawi chimawm zet mai hi kan chenna State thlang lawk Assam State atanga an rawn thawn chhoh VAI siam a ni. Khang hunlai khan Aizawl khawpui leh a chhehvel chu kan buai hle awm e. Kum tam pawh a vei hmain chung Proxyvon nawmchen nan a hmang thin te chuan harsatna an tawk ta vat a. An addict in, ruk ruk an ching zui nghal a, Aizawl khawpui veng tinah thilbo inrawk a hluar nghal a nih kha. (Keini hnam/State aia hnufual zawk hnam/State tam tak te hian proxyvon ruihhlo atan a hmang an awm hriat a ni lo) (more…)

JAC HRIATTIRNA

Published / by Nursery Veng YMA / Leave a Comment

Veng mipuite hnena ngenna leh Hriattirna:

  1. Tunlai hian vengchhungah mi In-rawk ching an awm avangin, chhungtinte fimkhur turin kan in hriattir a, mi thil ruk te lei lo tura fimkhur theuh turin leh rinhlelh kai deuh te phei chu JAC hruaitute hriattir turin kan inngen a ni.
  2. Zu leh ruihhlo zuar lui tlat kan la awm a. Sim vat turin kan in hriattir a ni. Thuawih lo lui tlat kan awm anih chuan na takin an chungah Action lak anih bakah an hming puan zar thin a ni tawh ang.
  3. Zantin duty ngawrh taka kalpui leh tawh a ni a, Kawng sir leh mi Varanda a tih tur pawimawh nei si lova thut khawm khap mek chu khauh zawka kalpui a ni ang.
  4. Vengchhung naupang kum 9-15 inkarte pualin ni 14.12.2019 (Inrinni) hian One-Day Sport Cum Nunchangtha in zirtirna hun nuam tak leh hlimawm tak neih pui tum a ni.

VANTLANG INRAWNKHAWMNA NEIH A NI

Published / by Nursery Veng YMA / Leave a Comment

Ni 4th Octobeter, 2019 (Zirtawpni) zan khan Joint Action Committee meeting in alo rel tawh angin “Khawtlang nun siam thatna (Ruihhlo laka naupang zawkte venna) kawnga hmalak dan tur” chungchangah vengchhung Nu leh Pate nen inkawm khawmna hun duhawm tak hman a ni. Hetiang hian YMA Section hrang hrangah ruahhmanna siam in he programme hi hman ho a ni.

Thupui atan, “Khawtlang nun siamthatna tura inrawnkhawmna” tih chu hman a ni. Resource Person: Pu Lalchhuanawma (Putea). Convener: Pu K.Lalngheta, Pu R.Zolura. (more…)

JAC HRIATTIRNA

Published / by Nursery Veng YMA / Leave a Comment

Ni 04.10.2019 (Zirtawp) zan hian Nursery Veng JAC hmalakna in vengchhunga chhungtin nu leh pa huap in “Khawtlang hmasawnna tura inrawnkhawmna” a hnuai a mi ang hian neih tur a ni a, nu leh pa ten ngai pawimawh a, kal theuh turin kan in ngen e.

PROGRAMME
A hun : Ni 04.10.2019 (Zirtawp) zan dar 7:00
Thupui : “Khawtlang nun siamthatna tura inrawnkhawmna”

Resource Person :
Pu Lalchhuanawma (Putea), Convener
Upa K. Lalngheta
Upa R. Zolura (more…)

Nursery Veng Joint Action Committee Meeting

Published / by Nursery Veng YMA / Leave a Comment

Nursery veng JAC Meeting thurel tlang pui:
1. CYMA SRS ten vengchhung mi No-4 zuar an man fo thin chungchang sawi ho a ni.
2. Ni 4 October, 2019-a “Khawtlang nun siam thatna tura inrawnkhawmna” tih thupui hmanga inkhawm nei tur chungchang.
3. Ni 1 September, 2019 (Pathianni) tlai dar 3:00-ah hian thu pawimawh tak sawi ho tur a ni a, member te’n ngai pawimawh turin kan in ngen e.

JAC Hriattirna: (more…)

JAC THUTHAR

Published / by Nursery Veng YMA / Leave a Comment

Pi Zodingpuii, AMC Councillor hmalakna in ni 20.08.2019 (Thawhlehni) khan kan veng kawn hmun remchang changah CCTV chu vuah fel a ni ta a, Councillor chungah hian JAC chuan lawmthu a sawi tak meuh meuh a ni.

Nursery Veng kawn leh a sir vel a kan che vel chiang takin a lang thei tawh dawn a, veng mipuite kan che vel fimkhur turin kan in ngen a ni. Tin, ruihhlo lak a fimhlim lo leh bawlhhlawh paih leh chhekru te, ui vulh tu te fimkhur lehzual turin kan inchah mawlh mawlh a ni.