Category: Local Council

CYMA THUCHHUAH

Published / by Nursery Veng YMA / Leave a Comment

Ni 31.07.2021 (Inrinni) (Press Release) Ni 26.7.2021 (Thawhlehni) tlaia Mizoram leh Assam ramri hrul, Mizoram chhunga Assam Police ten Mizoram Police Camp an luh chhuah avanga inkahna thleng chungchangah, Mizoram MP (Rajya Sabha) zahawm tak, Pu K. Vanlalvena’n huaisen taka ram leh hnam chhanna tura a tawng chhuak hi YMA chuan lawmawm kan tiin, a thlamuan thlak kan ti a. Kan ram leh hnam tana theihtawpa chhuaha huaisen taka ke pen zel turin duhsakna kan hlan a ni.

Hetihlaia a thusawi avanga kan MP zahawm takin, vauna a tawk leh Assam sawrkarin man tuma New Delhi-a Police hotute tira hma a la hi kan dem tak zet a, Assam sawrkar hi kan MP chunga a hmalakna zawng zawng hnuk kir vek turin kan ngen a ni. (more…)

NURSERY VENG LLTF THUCHHUAH

Published / by Nursery Veng YMA / Leave a Comment

Ramchhung ah Covid-19 chuan bu a khuar nghet zel a, nitin kai kan tam tial tial a, hetih lai hian duh vang reng nilo in a kai theih a, positive contact pawh kan hriat loh laiin kan lo ni thei reng a ni.

Chumi a nih avang chuan kan hnathawhna hmun ah a ni emaw, veng chhung ah pawh nise, covid-19 kai te nen a in hnimhnaihna nei te reng reng chu heng a hnuaia phone number ah hian hetiang hian in report tur a ni e.

1. Hmingpum
2. Kum zat
3. Vaccine lak tawh zat
4. Sample lak tawh zat
5. Positive nena in contact ni.
6. Phone number

In report na tur number te:-
1. Dr. Martin Chawngsailova – 9612191723
2. Lalthlamuana – 8974696706
3. C. Lalrammuana – 9612762701
4. Michael Lalruatdika – 9774173614

CONTACT TRACING TEAM
LLTF : NURSERY VENG

HRIATTIRNA

Published / by Nursery Veng YMA / Leave a Comment

Covid-19 hripui chu kan ramah darh zelin, Aizawl District chu Mizoram chhunga hrikai tamna ber District a ni a. Chuvangin Mizoram Sawrkar chuan Total Lockdown a puang a. He Total Lockdown hi hlawhtling taka kalpui a nih theih nan leh he hripui laka kan him zel theih nan, LLTF/VLTF leh mipuiten a hnuaia tarlan te hi zawm ngei tur a ni:

1. HMUN PAWIMAWH LAIA HRUI PAWH:
LLTF /VLTF tin ten an veng/khua theuha kawn leh chhuah ruk theihna leh hmun pawimawh te lo thlang chhuakin, chung hmunah te chuan hrui pawtin duty dah tur a ni a, tul lo leh danin a phal chin baka mipui chhuak vak an awm lohna turin uluk taka duty tura ngen leh hriattir an ni hawk.

2. AURINNA HMANGA MIPUI ZIRTIR:
LLTF/ VLTF tin ten aurinna hmangin Sawrkarin Covid-19 laka kan himna tura Total Lockdown inkaihhruaina a siam leh Covid Appropriate Behaviour – midang nena inhlata awm, intlawhpawh loh, mask vuah that leh kut silfai ngun te – zau tak leh uar takin mipuite zirtirna turin an puang chhuak thin tur a ni. (more…)

KHANPUI KHUA AN RAWN LUANGCHHUAK

Published / by Nursery Veng YMA / Leave a Comment
Y-SECTION CHHUNGA SEMTUTE (Y-SECTION COMMITTEE MEMBER)

Ni 23.06.2021(Nilaini) khan Khanpui khua te chuan, chawhmeh chi hrang hrang, thlai hnah leh rah te bakah, thei tuihnai tak tak te nen kan veng tan Luanchhuahna hun an rawn nei a, hemi atan hian Pick Up pali (4) leh private car te hmangin kan veng hi an rawn pan a ni. Heti tak maia Khanpui khawtlang te min hmangaihna leh duhsakna, kan tana an luanchhuahna hi ropui kan tiin kan va lawm tehlul em!!

Thilpek hlu tak leh lawmawm tak min pe tur hian khawtlang hruaitu pawimawh tak tak mi 14 lai an rawn tel a, kan veng tana thilpek min rawn hlan hi a chikim chuan, chi hrang hrang 32 lai a ni nghe nghe a, a va ropui tak em, kan lawm êm êm a ni.

Phût lêt leh beisei lêt nei hauh lova, an kutkawih hlu tak mai heti zat mai kan veng tana ui miah lova an sêngral hi a va ropui tehreng em!! Heti zo zai hi sumah chantir ta sela, sum fai engzat tak chhuak ang maw!! A tlem chhe viau in a rinawm lem lo hle a ni. Chutiang khawpa thilpek tam leh lawmawm, hlu bawk si hi keini veng hian kan dawng tawh rêng em le tih te min ngaihtuah tir a, kan veng tana an inpekna hian lawmna a ti nasa lehzual hle nghe nghe a ni.

Khanpui khawtlang leh hruaitute zawng zawng chungah hian, Nursery Veng LLTF mai nilo, a veng pum pui hian bang lovin lawmthu kan sawi tak meuh meuh e. (more…)

NURSERY VENG LLTF THUCHHUAH

Published / by Nursery Veng YMA / Leave a Comment

Mizoram Sawrkarin ni 24.05.2021 atanga ni 31.05.2021 thleng Lockdown a pawhsei leh tak avangin, vengchhung inkaihhruaina dan hetiang hian siam a ni a, veng mipuiten thuawih tak leh tha taka zawm theuh turin kan inngen e.

1. Hnathawh Chungchang:
a) Vengchhung ah hmasawnna hna engpawh thawh theih ani anga, veng pawn lam/ veng dang mi hnathawka chhawr theih a ni lova, vengchhung mi te ngei hnathawka in chhawr tur a ni.

b) Lo leh huan neitute, ran vulhtute, sangha dil neitute leh a thawktute chu phalna hranpa lak ngai lovin an hna thawh phal sak an ni a, lo/ huana hnathawk tura ram riah pawh phal a ni. Lo/ huana kal/ feh turte chuan zing dar 8:00 hmain khaw chhung/ veng chhung an chhuahsan hman tur a ni a, tlai dar 5:00 hmaa an rawn luh leh phal a ni lo. Lo/ huana kal/ feh turte chuan duty te check theih turin LLTF hriatpuina emaw huan an nei ngei a ni tih lantirna (LSC, P. Pata) an keng ngei tur a ni. (more…)

NURSERY VENG LOCAL LEVEL TASK FORCE EMERGENCY MEETING NEIH A NI

Published / by Nursery Veng YMA / Leave a Comment

Ni 23.04.2021 (Zirtawpni) a vanduaithlak taka kan vengah Covid-19 positive mi 7 lai mai hmuhchhuah thar a nih tak avangin hemi zan hian Local Level Task Force Emergency Meeting neih nghal a ni a, hma lak dan tur tul ang te sawi ho niin, thu chhuah siam nghal a ni.

1. Thuleh awm hma loh chu tumah pawn chhuah loh tur a ni.

2. Ni 24.04.2021 (Inrinni)-ah vengchhung dawr zawng zawng khar vek tur a ni a, sa, thlai leh eichawp thil dangte pawh vengchhungah zawrh chhuah phal a ni lo. (more…)

NURSERY VENG LOCAL LEVEL TASK FORCE THU CHHUAH

Published / by Nursery Veng YMA / Leave a Comment

Dt 13.4.21 (Thawhleh) zana Nursery Veng LLTF Meeting chuan vengchhung mipuite zawm tur a hnuaia tarlan ang hian thuchhuah a siam a, Covid – 19 thawhhnihna (Second wave) laka kan vengchhung himna turin thuchhuah hi thuawih taka zawm theuh tur a ngen kan ni.

1. State pawn atanga rawn haw (zin/zirlai/ sumdawng/ hnathawk/ etc) te chu ni 7 (Sarih) aia tlem lo inkhung hrang (home quarantine) tur leh mahni sum senga RT-PCR test ngei tur ngen kan ni.

2. Thuleh awm hma chu kan vengchhungah State pawnlam atanga mikhual neih khap ani. (more…)

NURSERY VENG LOCAL LEVEL TASK FORCE THUCHHUAH

Published / by Nursery Veng YMA / Leave a Comment

Dt 07.04.2021 Nilaini khan, AMC Auditorium ah Special Inspection Campaign on Fire Safety Programme chu neih a ni a, he hunah hian Kangmei chhuak thei laka fimkhur pawimawhzia ngun taka zirho a ni. Khua a thalin kangmei chhuah palh hi a hlauhawm reng em em a, mitin te Kangmei chhuak thei lakah i fimkhur chhunzawm zel ang u. He meetinga an thu zirho pawimawh zual, veng mipuite tana zawm atana pawimawhte lo tarlang ila:-

1. Inbul/inhnuaia ar vulh ten Electrict kan fit dan,wire hman leh bulb kan dahna hmun te ennawn fova, uluk taka siam tur. A thiam zawkte tihtir leh rawn lo chuan Electrict fit ve mai mai loh tur.

2. Kan eirawngbawlna gas te kan hmanloh laiin, Cylinder (a bur ah) off zel tur.

3. Petrol, Diesel..etc thil kang awlsam chi dah fimkhur hle tur. (more…)

LOCAL COUNCIL NGENNA LEH HRIATTIRNA

Published / by Nursery Veng YMA / Leave a Comment

Dt 9.3.21 (Thawhlehni) a Aizawl City Local Council Association (ACLCA) Executive Committee chuan, khawpui chhunga Vawksa rate leh Cement Mistiri leh Helper rate chungchang heti hian relin thuchhuah a siam a:-
1. Vawksa hring 1kg = Rs 400/-
2. Vawksa rep (700 grams tling ngei) khai khat = Rs 400/-
3. Cement Mistiri daily rate Rs 800/- leh Helper daily rate Rs 450 (helper bik hi anmahnia ei leh in tur an intum in) (more…)