Category: Y-Section

LEHKHABU CHHIAR I UAR THAR ANG U

Published / by Nursery Veng YMA / Leave a Comment

– Tv. Ch. Lalfamkima, Secretary, Y-Section

Tunlai khawvel a changkang zel a, thil thar leh chin dan chi hrang hrang a tam ta. Khawvel hmasawnna in a ken tel Technology lama hmasawnna chuan chhungtin-a a lian ber atanga a te ber thlengin min fanchhuak vek a. Lehkhabu bu pakhat pawh la chhiar chhuak lo in Social media facebook, Instagram, Twitter, Whatsapp leh adangte ah kan duh duh kan sawi thei a, kan vei zawng kan au chhuahpui a, sawiseltu leh khaptu awm tawh hek suh, hei hian kan hringnun khawvel nun hman chhoh zelnaah leh kan Society-ah engemaw chen hmasawnna min thlen rual hian hmasawnna tak tak lam aiin hnungtawlhna min thlen mek zel niin a lang a, a pawi hle. Thalaite kan harh thar a tul hle mai. (more…)

Lawmthu Sawina : Y-Section

Published / by Nursery Veng YMA / Leave a Comment

Nursery Veng Branch YMA, Y-Section committee meeting chuan Futsal Tournament buatsaih chu a rel thlu ta tlat mai sia, a bawhzui tur committee an din nghal a. Khawia sumin nge kan buaipui tak ang? Tih rilru hah taka kan ngaihtuah laiin, Pu V. Liandawla te chhungkua chuan an fapa Pu Daniel Vanchhuanga (L) hriatreng nan he tournament hi buatsaih an duh hlauh mai a, Daniel Vanchhuanga Memorial Futsal Tournament siam tur chuan kan phur tlang khawp mai.

A pawimawh ang angte kan han buaipui chho ta a, tournament tan hma hauh pawhin thiltul dang tihtur alo tam khawp mai a, rin aia tam sum kan seng ta daih mai a. Kan buairukna te min hriatthiam pui takin kan Branch YMA leh Section hruaitu hlui leh mi tangkai tak ni thin, Pu Zokunga (Jk-a) chuan department hrang hrangte phone hmanga min biaksak mai bakah amah ngeiin department lam hotute min hmuhpui zung zung bawka, a chungah hian lawmthu sawi senloh kan ba a ni. An department chan atanga advertisement min hmuh saktu Pu Zirthanmawia Hmar leh Pu Robert Zosangliana te chungah pawh lawmthu kan sawi e. He kan tournament buatsaih hi Mizoram Football Association ten min recognised sak bawk avangin kan phuisui phah hle a, tournament felfai tak kan neih theihna kawngah nasa takin min pui bawk a ni.

(more…)

Er. Benjamin Zaithantluanga Memorial Inter-Veng Basketball Tournament zawh fel a ni.

Published / by Nursery Veng YMA / Leave a Comment

Y-Section-te hmalakna zarah Er. Benjamin Zaithantluanga Memorial Inter-Veng Basketball Tournament chu tluang taka zawh fel a ni a. Veng chhung pawl hrang hrang inpekna leh thawh ho na a ropui em em a, a biktakin Branch YMA, Pavalai pawl, Sporting Club, JAC leh Local Council te chungah lawmthu kan sawi tak meuh meuh a ni.

(more…)

BASKETBALL TOURNAMENT

Published / by Nursery Veng YMA / Leave a Comment

Er. Benjamin Zaithantluanga Memorial Inter- Veng Basketball Tournament chu 8th. April. 2011 zing 9:30 am khan Pu R. Selthuama’n a hawng a, Y-Section Leader Pu R. Vanlalhmachhuana’n programme a kai hruai a, Branch President Pu R. Lalhmangaiha’n he tournament hi a that zia leh kan veng tan a a tangkai thu a sawi a ni. Tin, Upa Laldinliana’n f/o Er. Benjamin Zaithantluanga (L) chanchin tlangpui sawiin he tournament Y-section te’n an buatsaih sak thei chu lawmawm a tih thu sawi in, Bentea kan sun zia entir nan ngawi renga ding chunga sunna hun neih ani bawk.Sunna hun neih anih zawh hnuah kan veng Sporting Club Basketball Team leh ITI Veng ten he tournament hi bul tan nan an inkhel nghal.

(more…)