Central Co-Ordination Committee (CCC) Meeting neih a ni

11th Sept,2019 (Nilaini) Dar 10:30 am khan Central YMA Hall, Tuikhuahtlangah YMA hnuaia General Conference tih lohva rorelna sang ber, Central Co-Ordination Committee Meeting neih a ni. CCC Meeting-na hian Palai 211 zet an kal a, Group YMA leh Sub-Hqrs, YMA aiawh te an kal tha hle. Aizawl City Branch atangin Branch YMA aiawh 85 zet an kal. Kumin YMA General Conference neih tura thurel tura thu lut te ngaihtuahin thlitfimna neih a ni. Pu Vanlalruata, CYMA President in CCC Meeting a kaihruai a, hetiang hian General Secretary report ngaihthlak a ni; Central Co-Ordination Committee Member-te chu CYMA Office Bearers, CEC members, YMA Sub-Hqrs aiawh mi-6, Group YMA aiawh mi-2 leh Aizawl khawpui chhung Branch aiawh 1 theuh an ni. Hei bakah hian CCC meeting hmasa thurel bawhzuina te report ngaihtlak a ni bawk.

72nd YMA General Conference, 15th – 17th October, 2019- North Vanlaiphai a neih tura thurel tur Agenda thlitfimna hetiang hian neih a ni.

Agenda, YMA khawih; Aizawl City Branch atangin Agenda-5 lutin, Sub-Hqrs atangin-3 leh Group YMA atangin-10 thurel tur lo lutte chu hetiang hian thlifimin pawm a ni:
1. Mizoram chhunga insak leh thildangah |heka tam ta lutuk hi a hautak em avangin, Central YMA-in hma la rawh se. (City Branch)
2. Mizo mipate dinhmun leh mawhphurhna inzirtir kawngah Central YMA-in hma la rawh se. (City Branch)
3. All India Service leh Central Service dangahte Zofate a tam thei ang ber kan luh theih nan Central YMA-in mi bikte tanpui a chhawmdawl kawngah theihtawp chhuah rawh se. (Sub-Hqrs.YMA, Serchhip)
4. Mizo hnam peng hrang hrangte kan in unau lehzual nan a huhova Kût hman theih dan Central YMA-in zawng rawh se. (Sub-Hqrs. YMA, Serchhip)
5. Kumpuan kan neih thin hi kum hnih(2) chhung zel atan puan tawh thin ni rawh se. (Tuipuiral Group YMA)
(YMA Khawih Thurel tur 18 zet lutah 5 pawm a ni a, 8 te chu CEC in atul angin lo bawhzui mai se tih a ni.)

Agenda, Sawrkar khawih: Aizawl City Branch atangin Agenda-2 lutin, Sub-Hqrs -9, leh Group YMA -5, thurel tur lo lutte chu hetiang hian thlifimin pawm a ni.
1. Assam leh Mizoram ramri chinfel a nih theih nan Central YMA-in hma la rawh se. (Sub-Hqrs. YMA, Mamit)
2. Rawmngaw leh Nungcha Humhalh kawngah Sawrkarin tun aia nasa zawkin hma la rawh se. (Sub-Hqrs. YMA, Champhai)
(Sawrkar Khawih Thurel tur 16 zet lutah 2 pawm a ni a, 6 te chu CEC in atul angin lo bawhzui mai se tih a ni.)

KUMPUAN RAWTNA
1. Ram leh Hnam Humhalh, (thawhtu; City Branch, Saitual Group, Tipuiral Group, Zawlbuk Group, Chhimphei Group)
2. Ruihhlo Do (thawhtu; Chalhfilh Group, Hmuifangtlang Group, Vanapa Group)
3. Ramngaw leh Nungcha Humhalh ,(thawhtu; Khawzawl Group, Chhimtuipui Group, Sub-Hqrs Kolasib)
4. Zirna Uarkum. (thawhtu; Tuisual Group, Sub-Hqrs Serchhip, Sub- Hqrs Lunglei)

Kumpuan rawtna 4 zet lo lutah “Ram leh Hnam Humhalh” leh “Zirna Uarkum” tih chu pawm a ni.

GENERAL CONFERENCE 2021 THLEN DIL TU
1. Khawzawl Group YMA
2. Chhimptuipui Group YMA
3. Bilkhawthlir Joint YMA

Tun Conference tan hma hian thlen dilna thehluh theih reng a ni.

Leave a Reply