CENTRAL CO-ORDINATION COMMITTEE (CCC) MEETING VAWI 91-NA

Ni 13 November, 2019 (Nilaini) chawhma dar 10:30 khan Central YMA Hall-ah Central Co-Ordination (CCC) Committee Meeting neih a ni a, rorel tlangpui te a hnuai ah tarlan a ni.

THURELTE :
1. REPORT :
Prof. Lalnuntluanga, General Secretary, Central YMA hnen atangin Report ngaihthlak a ni a. Report-ah hian CCC Meeting hnuhnung tum hnih kal dante, CEC, OB leh Jt. Meeting neih dante, YMA General Conference vawi 72-na, 15-17.10.2019 chhunga Chhura Run, N. Vanlaiphai a neih zawh tak chungchang leh Central YMA hruaitu (CEC leh Committee peng) inruat thar chungchangte tarlan a ni. Report-ah hian Group YMA 48-na atan Khawthlangtuipui Group chu ni 9.11.2019 (Inrinni)-ah hawn thar a nih thu tarlan a ni. YMA Sub-Hqrs., Lunglei hnuaia awm a ni. Report-ah hian zawhfiah ngaite inzawtin kan inhrilhfiah.

2. 72nd YMA GENERAL CONFERENCE THLIRLETNA :
YMA General Conference Vawi 72-na, ni 15th- 17th October, 2019-a Chhura Run, N. Vanlaiphaia kan hman zawh tak thlirletna hun kan hmang a, Conference thlengtute inbuatsaihna a tha a, Conference pawh hlawhtling takin kan hmang niin kan hria a, lawmawm kan ti hle. Chutihrualin hun lo la kal zel tur atan hmasawnna tur tam tak la awmin kan hria a, tan lak zel ni se kan ti.

Hemi zawh hian dar 12:15 pm-ah chhun chawlh kan hmang a, dar 12:45 pm-ah kan tan leh.

3. 72nd YMA GENERAL CONFERENCE THUREL BAWHZUI CHUNGCHANG :
YMA General Conference vawi 72-na thurel bawhzui dan tur kan sawiho a, Chairman sawm angin General Secretary-in a sawifiah a, hetiang hian bawhzui dan tur kan rel.

A. YMA KHAWIH :
1. “Mizoram chhunga in sak leh thildangah |heka tam ta lutuk hi a hautak em avangin, Central YMA-in hma la rawh se” tih chu kan sawiho a, CEC-in lo bawhzui se kan ti.

2. “Mizo mipate dinhmun leh mawhphurhna inzirtir kawngah Central YMA in hma la rawh se” tih chu uluk takin kan sawiho a, CEC-in a bawhzui dan tur lo ngaihtuah se kan ti.

3. “All India Service leh Central Service dangah te Zofate a tam thei ang ber kan luh theih nan Central YMA in mi bikte tanpuia chhawmdawl kawngah theihtawp chhuah rawh se’ tih chu kan sawiho a, a tul angin CEC-in lo bawhzui se kan ti.

4. “Mizo hnam peng hrang hrangte kan in unau leh zual theih nan, a huhova Kût hman theih dan Central YMA-in zawng rawh se’ tih chu kan sawi ho a, CEC-in hma rawn la se kan ti.

5. “Kumpuan kan neih thin hi Kum hnih chhung zel atan puan tawh thin ni rawh se” tih chu tihhlawhtlin a hman nghal a ni.

B. SAWRKAR KHAWIH :
1. “Ramngaw leh Nungcha humhalh kawngah Sawrkarin tun aia nasa zawkin hma la rawh se” tih chu kan sawiho a, a tul angin CEC-in lo bawhzui se kan ti.

4. KUMPUAN RAWTNA
Kum 2019-2021 chhunga YMA kumpuan atan “ZIRNA UAR” kan puan chungchangah, Chairman-in Tv. Lalhmachhuana, Vice President, CYMA (Kumpuan Sub-Committee Chairman ni bawk) chu thu sawi turin a sawm a, Kumpuan bawhzuina tura hmathlir a sawi a. Hemi zawh hian kumpuan bawhzui dan tur sawiho a ni a. CEC-in Kumpuan Kaihhruaina lo siam se kan ti.

CCC Meeting-ah hian Nursery Veng Branch YMA ten Ushering, Reception leh Eirawngbawlte tlawmngaiin an thawk a, lawmawm kan ti hle.

Chairman sawm angin, Pu V.L. Hruaia, Secretary, Manipur Group YMA-in Pathian hnena tawngtaina hun a hmang a, dar 3:45 pm-ah kan tin.

Sd/-
Prof. LALNUNTLUANGA
General Secretary
Central Young Mizo Association

Leave a Reply