CENTRAL EXECUTIVE COMMITTEE MEETING NEIH A NI

Ni 25.09.2021 (Inrnni) khan CYMA Hall-ah Central Executive Committee Meeting neih a ni a, thurel tlangpui te:

1. Covid 19 hripui leng mek avanga harsatna kan tawh mek chungchang leh nunna chan kan pungchho zel chu YMA chuan pawi a ti in, lusun chhungte a tawrhpui tak zet a ni. Hrikai leh kailo te hriat chhuah zung zung an nih theih nan Central Executive Committee chuan RTPCR Laboratory tam thei ang ber din belh anih theihnan Mizoram Sawrkar chu chak taka hmala turin a ngen a ni.

2. Myanmar buaina avanga Mizorama Myanmar raltlante chhawmdawlna kawngah theih tawpa hmalak zui zel tha tih a ni. Hmalakna leh tuldangte chu Myanmar Raltlante Tanpuitu Committee lo ruahman turin dah a ni. Myanmar Raltlante buaipuina kawnga Sub-Headquarters, Group leh Branch YMA te hmalakna ah CEC chuan lawmthu a sawi a ni.

3. YMA website centralyma.org chu a lo thih dawn tak avangin kum 5 chung atan tihthar leh remtih a ni.

4. Life member mi pahnih tana dilna dawn chu pawm a ni.

5 Maumual YMA ram chu periodic patta atanga Land lease siam phalsak kan nih thu dawn a ni.

Prof. Lalnuntluanga
General Secretary,Central YMA

Leave a Reply