CENTRAL YMA IN ZIRLAI TI THA CHAWIMAWINA HLAN

Ni 31.08.2021(Thawhlehni) khan Central YMA chuan Kumpuan Sub-Committee ruahmanna in kumin (2021) a MBSE hnuaia HSLC leh HSSLC Top -10 ( Mizo) te chawimawina hun Central YMA Hall ah an hmang.

He hun hi Tv. Lalhmachhuana, Vice President (Kumpuan Sub- Comt Chairman ni bawk) in a kaihruai a, Tv. Zohmingthanga Zote, Asst. Secretary, Kumpuan S/C in hunserh a hmang. Prof. Lalnuntluanga, Gen. Secretary, CYMA in kumpuan hmalakna leh inhmelhriattirna hun a hmang bawk.

Chawimawina hlanna hi Er. Lalrinmawia, Secretary, Kumpuan Sub- Committee in a buaipui a, chawimawina pekte hi-
HSLC – 13,
HSSLC;
Arts – 16,
Science – 13,
Commerce – 10

an ni a, an vaiin 52 an ni. Lawmpuina thuziak leh pawisa fai Rs.1,000/- theuh hlan an ni.

Central YMA President, Pu Vanlalruata chuan thusawiin, Zirna mumal lohna ram an dingchhuak ngai lo. Zirna hi mi pangngaia min chher tu a ni. Vawiina kan chawimawite hi nakina kan ram hruaitu tur leh kan innghahna te in ni a, chawl mai lova chhunzawm zel turin kan beisei che u a ni. In thiamna te ram Leh hnam tana hmang turin kan beisei bawk a che u. Bawrhsap/ DC te hnamdang tawng hman ngai lova mahni tawng ngei hmanga dawr theih te turte hi awm zel se kan duh a, chumi atan chuan Civil Services ah te lut thei ula kan duh hle. “YMA hi pawl dang nena khaikhin chi a ni lova, Missionary te din a ni a. Pawl dang te ang che ve but chi kan ni lem lo a, Mizo hnam tana tha tur ngaihtuah chunga fim taka kal thin a ni”, a ti.

Chawimawina te hi CYMA OB dang – Prof. Malsawmliana, Pu Fabian Lalfakawma leh Pu Roneihthanga ten an hlan a. Pu Lalrochuanga Pachuau, CEC in lawmthu sawina hun a hmang a ni.

Leave a Reply