CENTRAL YMA PLATINUM JUBILI LENGKHAWM ZAI INTIHSIAKNA NEIH A NI

Platinum Jubilee Lawmna chikhat atana CYMA leh Art &Culture Department buatsaih Lengkhawm zai intihsiakna chu ni 26-27.8.10 khan tluang taka neih zawh a ni ta. He intihsiaknaah hian Branch tel tum 85 an awm laiin a tel thei chu Br. 41 an ni.

A pumpuiah 1-na Ramthar Veng Branch 2-na Ramhlun South Branch leh 3-na Tuikual North Branch te an ni.

He intihsiaknaah hian kan Branch pawh theihtawp chhuahin kan tel ve a, hla pawh vawi 13 lai zir a ni. Lawmman te la phak chiah lo mah ila, YMA memberte’n hla kan thiam belhna te inpumkhatna tha tak kan neih avang te, khawtlang hmangaihna thinlung kan putna te, in unauna tha zawk min siam sak te, kan khawtlang mawina tura tha leh zung, neih sum tam tak kan sen phal avang hian Branch YMA chuan hlawkpui hleah kan inngai a ni.

Heng kan thahnemngaihna zawng zawng te hian kan khawtlang tan nasa leh zualin rah chhuah sela a duhawm hle. Lawmthu sawina tur pawh tam tak kan nei a, YMA member mahni hna tul kalsana ruahsur hnuaiah pawh hla zir tang tang thin veng tana ding tlat te, Section YMA hruaitu ei leh in min siamsaka min tum sak thintute leh sum leh paia min tanpui tute; Pu Malsawmtluanga Rs.500, Pu R. Zonunthara Rs.500, Pu S.L. Thansanga Rs.500, Pu R. Zotawna Rs.200, Chini tamtawk minpe tu Pu M.C. Lalhmingmawia te chungah lawmthu kan sawi a, heng bakah hian intihsiakna neih nia kalna tur Motor phal taka rawn thawhtu te; Pu Zokunga(JK-a), Pu C. Lalnunzira, Pu R. Lalhmunsiama, Pu C. Laldingngheta, Pu Lalsawmliana Renthlei, Pu R.Vanlalhmachhuana, Pu Hmingthansanga(Mate-a) leh Dr. Lalrokima Chenkual te chungah thinlung takin lawmthu kan sawi a ni.

Leave a Reply