CENTRAL YMA THU CHHUAK

(Inner Line Permit Endik chungchang)

Mizoramin hripui leng (Covid-19) mek avangin harsatna kan tawk mek a, he harsatna kan tawh mek laka kan fihlim tlan theih nan ILP pekchhuah thin chu hun enge maw chhung atan tihtawp lailawk a ni. Hetih lai mek hian Sub-Headquarters, Group leh Branch YMA huamchhungah kan phak ang tawkin hmalak niin, he hripui laka kan him theih nan hnamdang min chenchilhtute chhinchhiahna kal pui mek a ni bawk.

Tunhnaiah hnamdang hnathawk a inhlawhfa turte Mizoram chhung hmun hrang hrangah an pung leh ta deuh ni a hriat a ni. Hetiang hi kan dinhmun alo nih leh tak avangin, Sub-Headquarters/Group/Branch YMA-te kan huamchhung theuh tha zawka vila, Inner Line Permit endik runpui tunkar chhunga (Aug 4-8,2020) nei theuh turin kan inngen e. Kan hmalaknate a remchan dana Central YMA-ah hriattir ni se.

Mizo thalai tam zawkte’n kut themthiamna hman tangkai hun atan he hun khirh kan tawh mek hi an hman theih nan, Sub-Headquarters,/Group/Branch YMA ten tan ila thar theuh ang u.

YMA vul zel rawh se.

Sd/-
Prof. LALNUNTLUANGA
General Secretary,
Central YMA.

Leave a Reply