CENTRAL YMA THUCHHUAK

Thuchhuah No I:

Covid-19 hripui chuan tha thlah mai a tum lo rih hle niin a lang a, Sub Hqrs/Group/Branch YMA-te kan hmazawn theuhah hri do-in i tang tlang zel ang u.

Kan kumpuan, “ZIRNA UAR”, anih ang ngeiin, Undergraduate/Postgraduate Examination Online June – July, 2021-a lo awm turah, kan huamchhung theuha kan member ten exam tha taka an hmachhawn theih nan tan la theuh turin kan inngen e. Zirlai ten Internet Connection leh zirna atana tul dangte an neih ngei theih nan tan i la tlang ang u.

Online exam-ah hian paper a an ziah, an chhanna an dah leh a ngai a, heta tana thil tul, paper lei/neih kawngah zirlaite’n harsatna an tawk niin a lang. Sub Hqrs/Group/Branch YMA-te zirlai ten awlsamna an hmuh theih nan hma la theuh tura beisei leh ngen kan ni e.

Lo dam ula, hrileng lakah lo fihlim zel ang che u.

Thuchhuah No II:
Central YMA-in Branch YMA-te hnena ngenna a lo siam ngai pawimawhin, Branch YMA ten Zoram Medical College-ah a mamawhtute hman turin Kuang pek mek zel a ni a. Midangte tana kan luanchhuahnaah Central YMA chuan lawmthu a sawi a ni.

Tun dinhmunah ZMC lamah Kuang dahna hmun remchang a tam loh avang leh a thlaphanawm a a lan tak loh avangin Branch YMA kuang pe tur ten Central YMA-ah inhriattir hmasa thin turin kan inngen e.

YMA vul zel rawh se.

Sd/-
Prof. LALNUNTLUANGA
General Secretary,
Central YMA.

Dated Aizawl the 27th May, 2021

Leave a Reply