CENTRAL YMA THUCHHUAK

Central YMA hmingin chibai kan buk a che u.

Mizoram – Assam ramri buaina vanga Mizo mipuite tanrualnaah lawmthu kan sawi tak meuh meuh a ni. Eng harsatna pawh hmachhawn thei turin Mizo mipuite kan inngen e.

1. Assam sawrkar bultuma NH 306 Mizoramin kan chak lakna kawngpui July 26, 2021 atanga dan chungchanga Mizoram Bar Association (MBA) ten Gauhati Hight Court, Aizawl Bench-a PIL an thehlut hi lawmawm kan ti hle a, YMA chuan a thlawp tlat a ni.

2. National Highway 306 Mizoram chak lakna kawngpui dan pin a nih loh thu, Assam Minister Pu Ashok Singhal’n NELive TV Channel August 2, 2021-a thuthar thehdarhtute hmaa a sawi hi, dawt hmanga hmaiphih tumnaah kan ngai a ni. Vawiin thlengin, NH 306 hi dan pin tlat a la ni a, lirthei engmah a la kal tlang thei lo a ni. Lirthei tangkhang mekte zingah hian hripui leng mek Covid-19 hri kaite inenkawlna tur damdawi leh hmanrua phurtu engemawzat an tel a ni.

3. Assam Tribune August 3, 2021-a chhuakin a tarlan, North East BJP, MP ten New Delhi-a Prime Minister hnena ramri buai chungchang Memorandum an thehluh a, “Assam- Mizoram ramri buaina hi ramdang inrawlhna a ni”, tia an sawi hi thu diklo a ni a. Central sawrkar kaihhruaina hnuaiah hei hi chhuichian ngei YMA chuan a phut tlat a ni.

YMA vul zel rawh se.

Sd/-
VANLALRUATA
President,
Central YMA.

Sd/-
Prof. LALNUNTLUANGA
General Secretary,

Dated Aizawl the 3rdAugust, 2021 Central YMA

Leave a Reply