CENTRAL YMA THUCHHUAK

Hripui leng avanga harsatna leh buaina kara thinnel leh thuawi taka Mizo mipuite kan awm avangin lawmthu kan sawi e. Kan hmazawn theuh a fimkhur taka hmala chhunzawm zel turin kan inngen e.

1. Hripui leng avanga mipuite mamawh – nitin ei leh bar, venhim, hriselna atana thawktu heng mite chungah hian lawmthu kan sawi e –
a) Damdawi lama thawktute (Medical Duty)
b) Venhim hna thawktu Police leh Task Force mite
c) Ei leh in, nitin mamawh phur luttute
d) PHE leh P&E a thawktute
e) Thlai thar buaipuitute
f) Petrol Pump leh AMC hnuaia bawlhhlawh paihtute

2. Sub-Hqrs/Group/Branch YMA-te Local Level Task Force/Village Level Task Force, District Level Task Force-a thawktute kan telna/awmna committee theuhah rualkhai zawk leh thahnemngai zawka thawk chhunzawm zel turin kan inngen e.

3. Mizoram pawn atanga inhlawhfa leh hnamdang hna thawk chhinchhiah an nih theihnan Sub-Hqrs/Group/Branch YMA ten thahnemngai taka hmalak ni se. A bik takin thenawm State atanga an lo luh belh loh nan chak taka hmalak ni se.

4. Ramri – State leh International Boundary-a venhimna hna thawktute tan la lehzual turin kan inngen e.

5. Nitin mamawh, thlai, buhfai, sa leh a dangte mahni hlawkna chauh ngaihtuah a, a man tih san anih loh nan Sub-Hqrs/Group/Branch YMA ten hmalak ni se.

6. Lo, Huan, Leipui a feh turte remchanna siam sak ni se, tul lova chhuakvak tur erawh chu inkhap tlat ni se.

Sd/-
Prof. LALNUNTLUANGA
General Secretary,
Central YMA.
Dated Aizawl the 6th April, 2020

Leave a Reply