CONSUMER CHU TU TE NGE NI?

– Mangaia Khawlhring.

The Consumer Protection Act, 1986 in a sawi angin, “Consumer te chu bungrua leh service mahni sum senga leitu” te hi an ni a ti. Sumdawng leh Company ten an hnen atanga bungrua leh service lei thin mipui (consumer) te chu dim lo bak sak a an dikna chanvo palzuk sak an ni thin a. Chutiang thil laka mipuite dikna chanvo humhalh sak a nih theih na turin, “The Consumer Protection Act 1986” chu Indian Parliament -ah pass a ni. Consumer Protection Act, 1986 in a tum bul pui ber chu, “Mimal tin (consumer) te dikna chanvo humhalh sak” hi a ni.

ENG ANG CHI AH TE NGE CONSUMER TEN COMPLAINT AN SIAM THEIH.

1. Dawr leh hmundang atanga thil thalo leh felhlel (defective goods) lei tir kan nih in.

2. Service kan lei thin entirnan – telephone, bus, taxi, electricity, electric bill diklo meter reading diklo, private hospital etc) te a nih dan tur ang ni lova an consumer ten harsatna an tawh in.

3. Sumdawngtu leh Institution etc hnena bungrua leh service kan lei te an insawimawi thin anga thil a nih lohin leh, diklo taka sumdawnna kal pui (unfair trade practice) leh inbumna ang chi (materially misleads the public) ang chi a awm in.

4. Thil man inziak (printed price) aia sanga inleitir (false or misleading facts) ang chi ah te.

5. Sawi ang ni lo, thil dazat emaw a tak ni lo chi (spurious goods and service) lei a nih in.

6. Mihringte nunna atana himlo (hazardous goods) chi bungrua emaw service emaw a awm in.

7. Midangte khawih ve theih loh, phalna bik nei sumdawnna leh service ti te…Entirnan… Gas, petrol, electric etc) ang chi ah te a man tihsan leh a supply tih khawtlai a, a man san phah emaw, consumer te tana tawrhna ang chi ah te.

Hetiang ang harsatna tawk kan lo awm a nih chuan mi tute pawhin kan dikna chanvo humhalh sak kan nih theih nan, ukil man chawia rawih buai ngai lovin, “Consumer Court” ah englaipawhin thlen theih reng a ni.

Leave a Reply