CONSUMER UNION BRANCH DIN A NI VE TA

– R. Zonunthara
Vice President, Consumer Union, Nursery Veng

Kan Local Council hruaitute ṭhahnemngaihna leh hmalaknain, Nursery Veng chhungah “Nursery Veng Consumer Union Branch” chu din a lo ni ve ta a. Headquarter lam hruaitute nen pawh indawr zuinghalin, kawng chi hrang hranga Consumer te diknaleh chanvo (Right) humhalh sak a ngaihzia nasa taka sawi a ni.

Kan vengah pawh Consumer Union Branch din a lo nih ve takah chuan, hmalakna tur chi hrang hrang a lo awm ve ta a. Chung zinga pawimawh hmasa ni a lang chu, mitinte mamawh eirawngbawlna Gas hi niin a lang a. Gas Connection nei zawng zawng ten sum tam tak sengin Connection Card an siam a. Chumi hmang ngei chuan, Consumer-ten eirawngbawlna Gas dik tak leh fel taka an hmuh theuh theihna tura hmalak hi a ni. Chhungtinte, a tellova kan awm theih loh a nih avangin kan phunchiarna lai tak pawh a ni reng a ni. He thilahhian, eirawngbawlna Gas kan hmuh ang ang te rualkhai taka sem a nih theih beiseiin kan khawtlang hruaitu V/C hmasa aṭang tawh khan vengchhungah Card-te an lo siam tawh a. Chu chu kan Local Council kalta khan an chhunzawm ve zel bawk a. Khawtlang tana an ṭhahnem ngaihna leh inpeknaahte fak an phu hle a ni.

Hei hi Consumer Union Branch Committee chuan ngun taka thlirin tun aia eirawngbawlna Gas rual tak leh fel taka Gas Connection nei zawng zawng ten kan hmuh theih ngeina turin Nursery Veng chhunga M & B Gas Agent -a Gas connection nei zawng zawngte Record fel taka siam hmasak phawt hi ṭul a ti a. A chhan chu, M & B Gas Agent te hi Nursery Veng tana eirawngbawlna Gas semtu atana ṭanglai mek an nih avang a ni.

Tunah hian, Nursery Veng chhunga Gas Connection nei zawng zawngte hian kan duh angin eirawngbawlna Gas kan hmu thei lo tih chu tlang hriat a ni. He thilah hian khawilaiah nge harsatna awm, Gas Agent-ah nge Sawrkarah tih hriat ve hi thuruk pawh a ni lova, Consumer te dikna leh chanvo, an Right a ni zawk. Kan harsatna lai pawh hriat miah loh hi chu a dik lo hle a ni. Chuvangin, veng chhungah Bial hrang hrangte insiamin record buatsaih mek a ni a. Chhungtinte in ṭawiawmna Nursery Veng Consumer Union Branch chuan a ngen nghal bawk. Heta ṭang hian, Gas sem chungchangah kan veng hi eng dinhmunah nge kan din tih leh hmalak zel dan tur pawh a hriat theih ngei a beisei awm a ni.

Leave a Reply