CORRUPTION I PLAY VE NGAI EM?

– R.L. Mangkhuma (M-Section)

He zawhna mawlte hi chhan ngei tur ni ta sela, i lo play ve tawh thin a, mi pangngai i nih bawk si chuan i chhang thiam ngei ang le…!!

He article mawlte hi kei tehlul- kan Editorial Board member thenkhatten thuziak thawh ve tura min ngen fiamna zah leh ngai pawimawhin ka han phuahchhuak ve rawih mai a ni a. Mi tam tak chuan thil tullo leh Article mawl tak a ni ngei ang tih hi ka hre sa vek a. Mahse mahse mahse…

Tun hmaa a hming pawh ka hriat ngailoh leh a thawm ri pawh ka hriat ngailoh he thu tawngkam khat chauh Corruption hi-Tisa leh Thlarau lam kawng thuah pawh a hnawksakzia leh tenawmzia hrechiangtute kan ni ta hlawm. Kan intihchangkanna hian a rawn kengtel a nih chuan hawh u-do rawnin i sim vat teh ang u. A hnawksakin a hlauhawm e mai..!

A hnawksak leh a hlauhawmzia chu maw kan hriat deuh ruai angina – Ram roreltute leh khawtlang rawngbawltu emaw sawrkar hnathawk – mipui rawngbawltuten he corruption hi an play vaih chuan an rawngbawlsak mipui leh mirethei ho chanai eiin an thau tulh tulh a, an lo milianin an lainate nen lam an in hai vur a. Chutihrualin, ram mipuite kan retheiin kan bet tlawt tlawt a, a tawpah ruk ruk leh suahsual rawngbawlte kan chin phah a, lungawithei intelkhawmten helna chawkchhuakin intualthahna thlengin civil war rapthlak tak takte rawn irhchhuakin sawrkar kut tuarin mipui pawi sawi lovin nunna an chan phah a. Ramchhung leh mimal hmasawna tam takin a chimchhiat phaha, namen lovin mipuiin kan tuar thin a van pawi em!!!

Chutih rualin a hlauhawmzia chu kan hriat deuh ruak angin sarthihna rapthlak a nihloh vek pawn chhungkaw chiat rupna emaw, natna hlauhawm ber chi, tihdam theihloh sum tam tak sen hnua ram hla taka va thihna, khawtlang leh thenawm khawvengte namen lova tihbuaina a ni chiang khawp mai le!! Chutiang chu i chuga tla leh i tuar ngei tur ni ta se – i thlang ngam dawn em ni?? Nge, Corruption awmziate i lo la hriatchianloh avangin i la ching zui zel dawn zawk?

Kan inhnuaichhiahna lam nilovin “Corruption hi enge ni?” tih kan saptawng lam mithiam chhuanvawr, school, college leh University lam mithiam leh zirlai zawng zawng te pawnlam dan dikte nen lama zir nana kan innghah chhan ber kan mizopa ngei Pu J.F.Laldailova (R.I.P) – English Lushai Dctionary a hrilhfiah dan chu heihi a ni e Corruption = Chhiatna, Bawlhhlawna, Inthamna, Hlepruk leh Eirukna tih a ni e.

“NANGNI IN THIANGHLIM TUR A NI KEI KA THIANGHLIM SI A” tih ziak a nih kha….

Leave a Reply