COVID – 19 LEH YMA

– C. Lalrammuana
Finance Secretary, NYMA

Hripui Covid-19 a vangin YMA in chhiatni bika kan inbuaipui dante hreh tak chungin loh theih loh a tih danglam a ngai a, engtia rei nge hetiang hian kan kal ang tih erawh chu hun in ala rawn hril chho turah ngai ila, kan inbuaipui dan pangai anga kal chhoh leh theih hun a nghahhlelawm tak zet a ni. Khawhar chhungte an zahawm duhin hmai a uanglo thei hle mai.

Tuna kan inbuaipui dan hi ngaiah kan nei hman mai ang tih erawh thil hlauhawm tak ani ve thei tho mai. Mizo te chu chhiatni thatni a in tanpui tawn thin kan nih kha he hripui leng karah pawh hian i chhawm nung zel ila, he Covid-19 pawh hi Pathian zarah reh hun ala nei em ang, chumi piah lam ah chuan kan mizo nun ze-mawi kha chhawmnung zel turin ka YMA Member pui te ka sawm duh che u a ni. |anpui kan ngaihna lai ah intanpui tawn zel ila kan ram, kan veng alo nuam zel ang.

Chhiathni a kan kal dan thin mitthi buhfai no khat leh ^. 10/- khawn lovin Branch in pawisa leh buhfai Bag 1 chhiattawk te a pe a, dan pangaia kan kal hun alo la thleng ve leh ngei ang, chumi hun ah chuan section tin a kan nula chhuanvawr te thahnemngai taka phei chheh kan khai leh hun tur hi ava ngahhlelhawm tak em. Kei chu khawn rual ka ni tawhlo ti a awl mai tum lovin, kan nau zawkte kaihruaitu ah tang ila, naupang zawk te pawhin kan rual u zawk te chhawk zangkhai tumin chet la tlang ila, tih tur tuk kan nih avanga ti ni lovin, mizo kan nih anga kan tih tur ani tih hre thar ila ava tha em.

Tin, Nu leh pa thenkhat te hi eizawnna avanga in awm hmanlo te kan awm thin a, chhiat kan tawh chuan mitthi buhfai leh ^. 10 an rawn khawn dawn a ni tih hre chungin in nghak te lo hrilh lawk a lo dah chhuah lawk te hi a nachang hriat ava tha em. |henkhat in ^. 10 ai ah Buhfai no hnih lo pek mai te kan ti leh thin ni in alanga, hei hi bansan atan ava duhawm bawk em.

Section tin te pawn hma kan sawn tlanga, Chhiattawh ni khua in mitthi in a han ken/ chhawp tur alo tam ta deuh a, heng bungraw lakkhawm pawh hi hautak tham alo ni ta, Section hruaitute kuta dah mai lo hian a lakkhawm leh a senghawi thleng kan in puih tlan zel hi kan hmalam huna tan vawng reng ila a tha awm e.

Kan veng, kan ram alo nawm theih nan a pawimawh ber te chu YMA Member-te kan ni, he hripui Covid-19 hian kan tlawmngaihna leh kan Zonun Zemawi kha chim ral in ei ral lul suh se.

Leave a Reply