CYMA HRUAITU THAR THLAN CHUNGCHANG

Central YMA hruaitu 2021-2023 thlan chungchanga hriattirna.

Central YMA hmingin YMA General Conference, 2021 chibai ka buk a che.

Hripui (Covid-19) leng vanga YMA General Conference pawh a hun pangngaia kan hman theih tawh loh hnuah, ni 10.11.2021 a Central Co-ordination Committee (CCC) meeting in “Kumin chhungin Central YMA in YMA General Conference hi Aizawl-ah thleng se, a hun chhung pawh ni khat (1) nise, a hun tur leh palai tih tlem chungchang leh tul dangte chu CEC in lo bawhzui se” ti a a rel angin, ni 13.11.2021 a Central YMA Executive Committee meeting chuan, YMA General Conference hi ni 16.12.2021 (Ningani) dar 10:00 am-ah neih nise tiin a rel a.

A hmun atan R. Dengthuama Indoor Stadium, Salem Veng a ni ang.

A hnuaia tarlan ang hian Rorel palai leh Central YMA hruaitu thlanna a Vote thlak thei tur a bituk a. A tul anga lo bawhzui turin Sub-Hqrs./Group/Branch YMA tin te kan inngen e.

1. Rorel palai leh hruaitu thlanna a Vote thlak thei tur te:

a) Central YMA Office Bearers
b) Central Executive Committee Members
c) Central YMA Office Bearers lo ni tawh te
d) Sub-Hqrs. YMA Office Bearers
e) Sub-Hqrs. YMA Executive Committee Member atangin aiawh mi 5 theuh
f) Group YMA Office Bearers atangin aiawh mi 3 theuh
g) Branch YMA tin atangin Branch YMA aiawh mi 3 theuh
h) Heng a chunga sawi, nihna pawimawh pakhat aia tam chelh an awm thei a, chutiang mite chuan Vote khat (1) chauh zel an nei thei ang.

2. Kumin hian Voter Identity Card siam leh tur a ni a, Sub-Hqrs./Group/Branch YMA President/Secretary Seal leh Signature chuang ngei lehkha, vote thlak turte hming tarlanna kengin Central YMA Hall-ah ni 14- 15.12.2021 zing dar 11:00 – tlai dar 4:00 thleng Voter Identity Card lak theih a ni ang. Hemi hunchhung hian Aizawl City Branch YMA te chu Voter ID Card la chhuak ngei tura beisei kan ni. Ni 16.12.2021 Chawhma dar 10:00 – 1200 chhung hian R. Dengthuama Indoor Stadium kawtah Voter ID lakchhuahna Councer hi siam leh a ni ang. Huntiam chhunga Voter ID Card la chhuak hman lo ten a hnu lamah lak chhuah theih a ni lovang.

3. Voter ID Card hi Gate Pass atan hman tur a ni.

4. Voter ID Card lakchhuahna tur Counter siam a ni ang, hetiangin:
1) Sub-Hqrs. YMA, Lunglei
2) Sub-Hqrs. YMA, Champhai
3) Sub-Hqrs. YMA, Kolasib
4) Sub-Hqrs. YMA, Mamit
5) Sub-Hqrs. YMA, Serchhip
6) Sub-Hqrs. YMA, Khawzawl
7) Sub-Hqrs. YMA, Saitual
8) Sub-Hqrs. YMA, Hnahthial
9) Aizawl City Branch, Sub-Hqrs. hnuaia awm lo Group leh Branch te bakah Central YMA-in Direct-a a awp Branch-te.

5. YMA Dan Bu Bung II, Chang 16 (3)-in a sawi angin, Annual Fee pe lo Branch chuan General Conference-ah Palai an tir thei lovang a, vote pawh an thlak thei lovang.

Note : Inthlan chungchanga thu zawhfiah duh neite chuan a hnuaia Mobile No. tarlanahte hian zawhfiah theih a ni e.

Returning Officer – Pu Vanlalruata, President 9436142702
Asst. Returning Officer – Pu J. Lalsailova, CEC, 8414916006
Secretary – Pu Joseph Vanlalhruaia Sailo, CEC 9436146631
Asst. Secretary – Pu J. Lalsangliana, CEC, 9862382595

NB. Sub-Hqrs. YMA-te an huamchhunga Group leh Branch YMA-te lo hriattir tura beisei an ni. Group YMA-te an huamchhunga Branch YMA te lo hriattir tura beisei an ni.

In thawhpui,

JOSEPH VANLALHRUAIA SAILO
Secretary
VANLALRUATA
Returning Officer

CENTRAL YOUNG MIZO ASSOCIATION
MIZORAM : AIZAWL

Leave a Reply