CYMA KUMPUAN SUB-COMMITTEE

Ni 28.09.2020(Thawhtanni) khan CYMA Kumpuan Sub-Committee Meeting pawimawh tak CYMA Committee Room-ah neih a ni a, he an thurel te hi CYMA Office Bearers te chuan an pawmpui tawh bawk a ni. Thurel talngpui te;

1. YMA Chanchinbu Editor-te puala Article inziahsiak chungchang: YMA Chanchinbu Editor-te puala kumpuan ‘Zirna Uar’ thupui hmanga article inziahsiakna result peih a ni tawh a, ni 06.10.2020 hian CYMA Hall-ah result puan leh lawmman sem tum a ni. He hunah hian lawmman dawngtu, CEC tel remchang theite leh Kumpuan Sub-Committee member-te chauh tel tura ruahman a ni.

2. Zirna Uar Article puala lehkhabu siam chunchanga: CYMA in zirna lam hawi article ziak tura a sawm, ziak mite hnen atangin article ngaihnawm tak tak, zirna kawnga mi fuih phur thei tur 7 dawn a ni a. Heng bakah hian a chunga tarlan YMA chanchinbu Editor puala article inziahsiaknaa lawmman la-te article leh HSLC & HSSLC top 10 chawimawina programme-a khuallian thusawi tarlanna lehkhabu-a siam tha tih tlan a ni. A siamna senso tur chu sponsorship zawn mai nise, sawrkar department atang pawhin hmuh inbeisei a ni bawk.

3. Zirna Uar chungchang sawihona: Kumpuan thupui “Zirna Uar” lam hawi sawihona DDK lamah tum 4 neih tawh a ni a, a tum 5-na atan October ni 8, 2020 hian neih leh tur a ni a, a hnuaia mite hian hun hmang se tha tih tlan a ni:

i. Prof. Lalnuntluanga Gen. Secretary CYMA
ii. Pu Roneihthanga Fin. Secretary CYMA
iii. Pu Vanlalsawma Committee member, CYMA Kumpuan S/C (Convener).

Tin, CEC-in a pawmpui tawh angin Cable TV/DDK lama tihlan turin “Central Service-a Mizo luh tam dan tur” sawihona Ignite Studio-ah hun remchangah buatsaih nise, a senso tur pawh a remchan anga ruahman tur a ni a, panelist tur pawh a hnauia mi ang hian rawt a ni:

i. CYMA OB-2
ii. Pu Laltanpuia Chairman, Youth Commission
iii. Rev. Zosangliana Ex-Chairman, MPSC
iv. Dr. C. Vanlalramsanga, Secretary, Planning Department.

Leave a Reply