CYMA LEH PHED

THAWHDUNNA THUTHLUNG CHHUNZAWMNA PUBLIC HEALTH E GINEERING DEPARTMENT (PHED) LEH CENTRAL YOUNG MIZO ASSOCIATION (CYMA)

He thawhdun chhunzawmna thuthlung hi ni 28th October 2021 (Ningani) khan Office Chamber of Engineer-in- Chief, PHED ah pawm a ni a, hming ziah hnan ani.

Thawhdunna : Tuihna Humhalh (2021-2025)
Thiltum : Kan Rama tuihna humhalh leh a awm sa tihpun.

PHED leh CYMA chuan ‘Kan rama tuihna humhalh leh a awmsa tihpun’ tih chu thupuiah neiin kum 2012 leh 20l7-ah te hian thawhdunna thuthlung ziah alo ni tawh a. He thawhdunna avang hian tuihna humhalh kawngah thanharhna a thleng mek a, rah duhawm tam tak hmuh chhoh mek zel a ni. He ram rohlu tuihna humhalh hian ramngaw leh nungcha humhalh nena inzawmna nghet tak a nei a, tui tello chuan nunna hi awm thei anih loh avangin Mizoram Sorkar chuan PHED & CYMA thawhdun phalna hi a pe leh ta a ni. (Letter No. B-13011/6/2018-PHE/dt.28 th September 2021).

He thawhdunna chhunzawm tur hian thawhdunna thuth1ung 2012-2016 leh 2017-2021 thupui leh thiltumte leh hmachhawp awm sate tihlawhtling turin lungrual tak leh thukhat vuanin hmalak a ni ang. He thawhdunna hi kum 4 chhung (2021-2025) atan a ni ang a, kum 4 hnuah chuan a tul anga ennawn tur ani ang.

Thawhdunna : Fai leh Thianghlim (2021-2025)
Thiltum : Kan ram faina leh fai duhna thinlung nena changkanna lamtluang zawh.

PHED leh CYMA chuan ‘Kan ram faina leh fai duhna thinlung nena changkanna lamtluang zawh’ tih chu thupuiah neiin kum 2017-ah khan thawhdunna thuthlung ziah dun a lo ni tawh a. He thawhdunna avang hian fai leh thianghlim duhna kawngah thanharhna a thleng mek a, rah duhawm tam tak hmuh chhoh mek zel ani. He kan ram fai leh thianghlim tura fai duhna thinlung mi tin hnena tuh anih hun chuan changkanna dinhmun Mizoramin a thlen dawn avangin Mizoram Sorkar chuan PHED & CYMA thawhdun phalna hi a pe leh ta a ni.

He thawhdunna chhunzawm tur hian thawhdunna thuthlung 2017-2021 thupui leh thil tumte leh hmachhawp awm sate tihlawhtling turin lungrual tak leh thukhat vuanin hmalak ani ang. He thawhdunna hi kum 4 chhung (2021-2025) atan a ni ang a, kum 4 hnuah chuan a tul anga ennawn tur a ni ang.

Leave a Reply