CYMA THUCHHUAK YMA DAY 2020 CHUNGCHANG

Thawhpui duhtak,

Central YMA hmingin YMA Day vawi 85-na chibai ka buk a che.

June 15, 2020 hi YMA Day vawi 85-na a lo ni leh ta a. Khawvel ram hrang hrangah hripui leng (COVID 19) vangin, kumin YMA Day chu kum danga kan hman angin a hman theih dawn loh niin a lang a. Chutih rualin, YMA Day kan hman turah hian, heng a hnuaia tarlan te hi rilru a hre reng turin Sub. Hqrs/Group leh Branch YMA zawng zawng te kan inngen thar leh a ni.

1. YMA Day-ah hian mahni huam chhung theuhah YMA Flag a tam thei ang ber tar nise.

2. YMA DAY 2020 thupui atan ‘Zirna Uar’ hman ni se.

3. YMA hi tanpui ngaite tanpui thintu a nih angin, veng/khaw chhunga mi harsa leh chhumchhiate dap chhuak a, a theih ang anga chhawm dawl a tanpui nise.

4. Faina leh thianghlimna hi YMA ten kalphung ngheta kan lo neih tlat tawh angin, he ni den chhen hian a theih ang anga vengchhung thenfai hna thawh nise.

5. Sub. Hqrs/Group leh Branch YMA ten a remchan dan a zirin Hospital/Home/Centre-ah te tanpuina thilpek hlan nise. Tin, YMA In, Library, Lungphun, Signboard leh thil dangte tuaithar leh nise.

6. A theih ang angin |hangtharte-ah tlawmngaihna leh Mizo thuam inbel uar inzirtir thar leh nan hman nise.

I thawhpui,

Sd/-
( Prof. LALNUNTLUANGA )
General Secretary,
Central YMA.

Leave a Reply