Editorial 01.08.2021

Rul hian Tur neilo ta se an chan chauh dan tur hi i ngaituah tawh ngai em?.Thil hlauhawm laka invenna turin Kut leh ke an neilo, tlanchhiat char char chu an hna a ni mai dawn a ni. Invenna an neih chhun Tur neilo ta se an dinhmun ava chhe dawn tak em.

Midangte dinhmuna indah thiam hi ava pawimawh em. Awm hmun a tanga lo sawisel ngawt thin lo in emaw, an hmalak dan kan duh loh avanga a chhe thei ang ber a inchhuah ngawt thin lovin, eng din hmun nge an tawh, eng harsatna nge an tawh tih hriat chian phawt hi ava pawimawh tak em.

Tunlai kan boruak ah pawh engkim a kan engkim te Local Level task Force-te hmalakna hi kawng engkimah chuan a fel famkim biklo tih chu kan hre vek ang, mihring ve bawk an ni, chau ve thei, lungawilo leh thinrim ve thei an ni. Ruahmanna an siam ang te sawisel thin mai lovin, chu thil chu engtia rel nge a nih, enge an rel chhan tih hriat hmasak hi i tum fo ang u. Kawng tha zawk kan hriat ang te hrilh hria ila, an mahni ringawt chuan an tawn tlang zo dawn lo tih hria in, kan theih ang tawk tawk in i tanpui let ve zawk ang u.

Kan veng chhungah kan beisei leh duh vang ni hauhlo in Covid-19 kai kan awm ve ta nual mai, nimin thleng khan mi 92 hri kai mek kan awm, a pawi tak zet a ni. Lockdown lai a ni a, hri kai te nen a inhnimhnaihna nei khunghran ngai kan la awm teuh thin hi chu mitin te kan in ngaihtuah deuh chu a ngai a ni. Thuawihna kawng ah nasa zawk in tan lak kan ngai e.

Thawktu awmlo khawp a kai kan tam hun hi a thleng palh ang tih a hlauhawm khawp mai, fimkhur sauh sauh ang u.

Leave a Reply