Editorial 02.01.2022

Pathian venna leh kaihhruaina avangin kum 2021 chu kan hmang ral leh ta reng mai. He kum hi thenkhat tan chuan kan vanneih kum, kan hamthat kum, malsawmna kan dawn kum pawh a ni thei e. Thenkhat tan erawh chuan kan vanduai kum, kan lusun kum, kan hlawhchham kum pawh a ni mahna. Engpawh nise kan ui emaw, kan ning emaw sawi theih kan nei lo. A liam ta vawng vawng mai. Ngai mah ila, au mah ila a sawt tawh lo.Mizote hi kan hun hman mek uluk lem lo tak, ren lem lo, hlawhchham pawh a nakumah chuan ti zen zel mai, kumtharah pawh thahnem ngaihna thar nei chuang lem lo, insiamthat tum leh chuang lo kan ni fo va, chuti vang chuan “Pachhe kum tiam”tih pawh alar hle reng a ni. Mitin hnenah Pathianin hun thuhmun, in ang theuh min pe a, kan hmang hlawk hlei hle thung, kan thawk hnem hlei hle zawng a nih hi. Thufing pakhat chuan, ‘hun hi pawisa a ni’ (Time is Money) a ti a, dikna chen a tam hle awm e. Hun neih chhun hmang tangkai thiam leh thiamlo te inkar zauh zia hmu thinte chuan he thufing dik zia hi an hre chiang viau awm e.

Kum kalta lamah kan duh angin hun kan lo hmanglo a ni mai thei, ka tih tur ni awm tak te pawh kan tilo a ni mai thei, kan hnunga thil awmte chu theihnghilhin, kan tihsual atangin insiamthat i tum ila, midang hlawhtling bikte en tlawk tlawk lovin, kan ti ve thei a ni tiin, kan hun hlu tak neih te i hmang tha ve ang u.

Kumthar 2022 hi chhungkua leh mimal tinte tan malsawmna kum lo ni se la, chutiang a nih theihna tur chuan kawng zawh a dik a ngai a, duhthlanna keimahni a awm hi i hmangthiam ang u. Kum 2022 ah hi hian Thil Tha tiin sual do ila, hun hmang thain nunna kawng dik zawh tum ila, Kumtharah rilru tharin hun hman that itum ang u.

Leave a Reply