Editorial 04.07.2021

Tun tum chu YMA chungchang Rev. Jonathan Pachuau thusawi hi i han chhawp chhuak teh ang. Engangin nge YMA hi kan lo hmuh ve le?

Vawiin a i ngaihsak hmanloh YMA hi naktuka i kuang siam tur, i thlan lai tur an ni a. Thihna i tawh huna i chhungte chhawmdawl tura i in lam rawn pan tur chu YMA MEMBER te an ni tih hre reng la, he pawl zahawm tak tan hian tha thawh ui suh.

“YMA hian tlang an au reng mai, an changkang lo lutuk” tia i sawisel fo kha, naktukah i lusun khawhar hnem tur leh i hmangaih i then takte avanga i lungngaihna tawmpuia, zankhua a chhin khat pawh chhing lova i kianga ding tur te an ni tih hria la, he pawl lakah hian i sum ui suh.

“YMA hi hnatlang an ko reng mai, kan fate chu an hnatlang ve hman lo” i ti thin em? Leimin avanga i in chim hlauhawma a awm hunah, thih huam a i in thiat tur leh pui tur che a lo kal tur chu he pawl zahawm tak YMA MEMBER tho hi an ni tih hria la, lo ning suh.

“Kangmei avangin i in kha zankhat thilthu ah meivap ah a chang thei a. Chutiang hun a lo thlen chuan i bungrua leh i nunna chhan tura lu zuar a lo pen chhuak tur chu KRISTIAN YMA member te an ni asin. Intawllen tura ramhnuai leh lui a i kal kha i chesual palh thei a, chutih hunah chuan intawllen tur ni lovin, nangmah pui turin zanlaiah pawh nise, mahni insengso in YMA member te hi an lo thawk chhuak thung ang.

He pawl zahawm tak dintu te hi ISUA THUAWIH TE an nih avangin he pawl hi midang te tan a ding reng ani tih hria la, inlahrang duh suh. I mamawh hun ala thleng ve tho dawn.

Leave a Reply