Editorial – 11.04.2021

Kan hmelhriat ngai reng reng loh leh kan hun tawn a in ang chho ang tih pawh kan suangtuah ngai loh Hripui chuan kum hmasa atang khan min chenchilh reng a, hriatreng tlak loh kum hlui khan liampui mai se ti a duhthu kan sam vawng vawng laiin kum thar chuan kum hlui aia fir leh khirh zawk a rawn herchhuah pui ta chu a ni a, fimkhur tak meuh meuh a kan inven a ngai hle a ni.

Chutiang a bo hlen tur a kan duh em em in min la chenchilh tlat avang chuan mitin te kan nitin nunah a hma aia nasa zawk a kan fimkhur a ngai a, harsatna lian tham zawk kan hma-chhawn lohna turin mahni chhia leh tha hriatna thiang tak hmangin nitin nun hman a tul chho viau awm e.

Kum hmasa kan hria a, in-khuahkhirhna(Lockdown) hrehawm zia leh ninawm zia te, nun a tih khaihlak zia te, kan hre tlang theuh a nih kha maw! Chuvangin khatiang tawng lo tur leh hri darh zel tur kan lo dan chah theih nan chuan mimal tin te kan pawimawh takzet zet a, kan paiwmawhna lai kan hriat theuh pawh kan tih makmawh a ni awm e.

A hma aia nasa a nun a tih khaihlak zia leh taksa a nghawng dan pawh a dan tak em avangin kan zuam sual ang tih a hlauhawm viau a ni.

Sawrkar in inkhuahkhirhna dan a siam te kan zawm hi kan himna tur leh kan tih makmawh anih avangin zawm theuh i tum tlat ang u khai.!

Tin, dan zawm hi khua leh tui tha nihna a nih avangin zawm i tum hram hram ang bawk ila, harsatna liam tham zawk kan hmachhawn loh nan leh buaina nasa zawk kan tawh loh nan veng mipui te thuawih taka awm a, sawrkar dan siam te zawm theuh turin kan inchah nawn awn awna ni.

Leave a Reply