Editorial 11.07.2021

Boruak dangin min chim theilo, he hripui zet zawng a chimawm ngei mai, mahni duhdan leh nuam tih zawng te, duh duh lam hawi a kan vahvel theihna te kha min tih tawp sak chiang hle a ni.

Chhungkaw tam tak thihna avangin an rum a, hri an vei mek avangin an mangang a, keini veng pawh kan bang biko a, Pathian in min veng a, he hri avanga thihna em kan la tawng velo a, ava lawmawm tak em, Pathian min venna avanga tun dinhmun hi thleng kan la ni, chutih rual chuan kan himna tur atan a thawktu Local Level task Force-te hi an va pawimawh tak em.

Vengchhungah vanduaithlak taka Covid-19 vei kan awm chang in, hri a tai darh lohna turin theih tawp an chhuah a, mipui te kan tih tur leh tih loh tur te min hrilh thin. Heng an thuchhuah te hi tha takin i zawm hram hram ang u, kan himna tur a ni e. Thuawihlo kan lo awm leh thin hi a pawi tak zet a ni. Tun dinhmunah Covid-19 damdawi hi hmuhchhuah ala nilo, kan inven theihna tur a tan a tha ber ni rih chu Sawrkar in Vaccine a thlawna a sem lak hi a ni.

He Vaccine hi vengchhung mipui zawng zawng ala thei tawh phawt chuan lak vek i tum ang u. Puithuna atthlak avanga la duhlo awmlo hram ila, Pathian hian a hring a hranin kan bulah lo kalin min rawn veng dawn lo, chuvang chuan he vaccine hi a thawh tur diktak thawk a, he hripui laka min ven theihna turin Pathian hnen ah A malsawmna i dil zawk ang u.

Local Level Task Force-te tha ti chakin thlawp tlat ila, an thu i zawm hram hram ang u, heilo himna tur kan nei rih lo e.

Leave a Reply