Editorial 13.06.2021

YMA Day June 15th a hman thin pawh kan lo thleng leh dawn ta reng mai. Hun in zir nise Branch huapa a lawmna hun neih a chakawm vei nen, kan hun tawnin a zir thlawt si lo. Hun khirh leh hun harsa, manganthlak leh beidawnthlak kan tawh chang pawh a kan tan a ding reng, kan kiang a awm reng thin pawl tha leh rinawm, pawl belh tlak tak a lo piang hi mitin tana lawmawm chu a va ni tehlul em. Chutih rualin, tun hun thleng ta lova fam ta kan hruaitu hmasa te kan hre reng a, an hniakhnung zuiin thangtharte hian an famsan tak tlawmngaihna te, aia upa zah te kha i chhawm nung reng ang u.

Kum 86 a upa ni tawh YMA hian Flag a nei a, A Sen, A Var, A dum te an ni. Heng rawng te hi rawng satliah ni lovin awmze thuk tak nei vek an ni.

A Sen: YMA hi pawl lar tak a ni. Khawtlang nun hi YMA tello chuan a kal kim lova, a bik takin chhiatni ah a ni lehzual, chung te avang chuan hmun pawimawh tak luah tu, pawl lar tak leh pawl pawimawh tak a ni.

A Var: YMA hi pawl thianghlim tak, vervekna, itsikna leh thamna la ngai lo, Politics rawng kai lo a ni. YMA hian mitin min phuarkhawm a, tumah thlei bik nei lo, pawl thianghlim leh rintlak, a chhung a awm te min thlamuantu leh min uap reng tu a ni.

A Dum: YMA chu mi chanhai, riangvai te leh lusun te thian a ni. Chhiatni eg: thihna, leimin, in k ang, bo zawn kawngah YMA hi sulsutu ber a ni a, heng chhiatna hrang hrang a lo thlen hian YMA chu mite thlamuanna, innghahna leh belh ber a ni fan.

Chuvangin, he a din champhaphak lo thlengah hian YMA hi kan tan a ni tih hria in, a ze pui ber, Hunawl hman that, Zofate hmasawnna ngaihtuah, Kristian nundan tha ngaihsan te hi kalsan lovin chhawn nung reng ila, Kum 86 a upa ni tawh YMA hi tha thlah lovin Mizo mipui te tan nghet takin ding reng rawh se.

YMA vul zel rawh se.

Leave a Reply