Editorial – 14.03.2021

Mizo kan nih avangin kan chenna ram leilung Mizoram neitu kan ni a, keini lo chu neitu dang a nei lo va, a chhiat a thata mawhphurtu tur kan ni. A enkawl hna thuneihna nena thawktu ber chu Sorkar a ni a, vantlang thil, heng: Hall, Indoor stadium, school, inthiarna, tuikhur adt., chu sorkar thil ti tein kan sawi zel mai bawk a. Kan sorkar hian a enkawltu a hranpain a dah ngai meuh lo. Hei vang hian hmun tawp takah an chang fo thin. Heng, vantlang thil kan tih mai enkawl kawngah hian a awmna khawtlang hruaitute an bengvar pawh a ngai viau niin a lang a, keini vengah pawh hian hetiang hi ngah viau lo mah ila kan nei ve nial a ni. A enkawl kawngah kan tan tlan deuh deuh a ngai awm e.

Vantlang thil kan han tih zingah hian, kawngpui te, kawr te leh step te thleng pawhin a huam thei awm e. Hengho pawh hian enkawltu an mamawh vek tho mai. Kawngpui leh kawr tawp takin veng chhung a paltlang chuan a mualpho tur chu a veng neitute an nih piah lamah a bul hnaia cheng leh kawsate an mualpho zual bik kan ti thei awm e.

Mi thenkhat in leh lo neihna hmun chu, hmun tha kan tih lai, chhak lamah kawng an bawk, thlang lamah kawng an bawk, kawngin a karchehna hmuna in nei an awm nual mai. Heng mite hian taihmak an chhuah lehzual a ngai viau awm e. Bawlhhlawh kawra theh lut phak maiin kan awm a ni thei. Tunlaiah kawra bawlhhlawh paih hi a thing tawhin a changkang lo hle tih kan hriat pawh a tha awm e. Vantlang thil, kan hmunhma enkawl kawngah an i la thar deuh deuh zel ang u. Veng nuam leh veng fai ni tur hian kan zavaia mawhphurhna ah a innghat thui hle a, a enkawl kawngah mitin te mahni kova tlaah ngaiin th ai thawh theuh thin ang u.

Leave a Reply