Editorial 14.11.2021

Kristian chhuangkua hi chuti mai a din theih hi alo nilo, tih tak zet a tihna tello nitin chhung inkhawm neih ziah te, dan ang mau a inkhawm a huna chhungkuaa inkhawm thin te, Pathian nena leng dun ngai silo, Pathian aw hre ngailo-te tan hi chuan Kristian chhungkaw din hi thil theih ni in a langlo..YMA member/thalaite hi nupui/pasal zawnna kawngah kan fimkhur em em a ngai a. Nupa inthen kan awmna thin bul ber chu bul tan dan a fuh loh thin vâng a ni châwk! Vanduaina vangin kan thianghlimna te kan lo hloh tawh a nih pawhin tuna chinah tal chuan tisual nawn tawh lovin, Pathian hriatpui tlâk ngeiin chhungkua i din thar ang u.

Tunlai khawvel hmasâwna thang chak tak tawhah hian YMA member/thalai te hi kan dam/din khawchhuah a pawimawh em em a. Mahnia intodelh ngei pawh kan tum a tha. Intodelh tih hian sawrkar hnathawh kher a kâwk lova, ngaihtuahna kan sên peiha, kan taihmâk phawt chuan thawh sên loh hna hi a awm a ni. Vanduaina engemaw bik riauin min tlâkbuak te a nih loh chuan keini kristian thalaite hi châwmhlâwm ringawt nih i tum lo ang u. Chumi atang chuan chawmhlawm State ti a min sawina te pawh kan ti reh thei ngei in a rinawm.

YMA member/thalaite nih hian a ken tel tlat chu mi rintlâk leh inngahna tlâk nih hi a ni a. Khawtlang rawngbawltu kan nih tlat avangin mi min tehna pawh a sâng bik zel dawn a. Chuvangin, teh dâwl leh belhchian dâwl kan nih ngei theihna turin kan kova innghat, Lalpa’n kan chan tâwk tih tur kan hmaa min chhawpsak hi tha tho leh phur takin i hlen chhuak zel ang u.

Leave a Reply