Editorial 18.07.2021

Tun tum Euro Final ah khan Italy chuan England hneh in an champion a nih kha, an khelh dan leh Football lam pang chu luhchilh ve lo mai ila, a hnu lam thil hi han sawi tum teh ang.

England midum Player te chuan Penalty pet Goal lovin an chak loh phah a nih kha, kha mi avang khan England fan te chuan chi inthliarna lam hawi in an player te an dem nasa em em a, nasa takin an sawisel a, buaina te pawh a chhuak hial a nih kha. Kan hriat angin England chu mi ngo ram a hriat thin a ni, amaherawh chu hnam dang an lut nasa a, tam tak inneih pawlh in, tun ah chuan mi ngo ram tih theih a ni ta lo, Football player ah pawh English mi ni ve tho si, thlahpawlh player an awm ta nual mai, heng thlahpawlh avangin hnehna chang ta se, an buai phah kher lovang, amaherawhchu tun tum ah erawh an chakloh phahna te an ni ta si a, buaina nasa tak a chhuah phah ta ti ila kan sawi sual awm love.

Thlahpawlh avanga ramdanga buaina chhuak thin ang hi kan hma lawkah hian awm ve thei reng a ni. Kan nula tlangval ten hnamdang nupui pasal a kan neih loh ngam a va pawimawh em. |halai te hnam ah kan chian a ngai ta. Thil kal tawh chu thil kal tawh a ni, siamthat theih a ni tawh lo, tun a nupui pasal la neilo te leh kan nu leh pa te hi hnam ah chiang ila, hnamdang mingo an ni emaw, mi hang an ni emaw, mizo nilo chu nupui, pasal, makpa leh mo ah neih loh ngam a hun ta.Chim rala kan awm hma hian ‘Ram leh hnam humhalh’ kumpuan a puang thin YMA member-te chu hemi kawng ah thangharh in, a hre lo leh kan nau zawk te zirtirtu ah leh an entawn turin kan nun i uluk ang u.

Leave a Reply