Editorial 23.05.2021

Mihring kan nih chhung hi chuan thihna hi a awm reng dawn chu a ni mai si a. Kan sual vang leh kan fel bik vang hian thi theilo kan ni silo. Thihna thlazar hnuai a lengin kan la inthen zel dawn a. Kal hmasa an awm anga, kal hnuhnung an awm dawn a ni.

Nursery Veng tan a mi bik, mi pawisawilo, pa tlawmngai, thian siam thiam, mi hlim thei Pu RC Vanlalsawma chuan he khawvel a zin kawng alo zawh tawp ve ta reng mai, kan veng tana a hnathawh tawh zawng zawng te kan theihnghilh tawh lovang. Nursery Veng indan hma Bungkawn Veng kan la nih lai atang tawh in veng tan, YMA tan mi tangkai, a bul leh a tawp a ni thin, veng chhung hmasawn theihna turin a tha leh zung sengin theih tawp chhuah thin mi a ni.

Hetiang mi bik kan chan hi Nursery Veng tan chuan channa nasa tak a ni. Kan ui in kan la mamawh em em a, chelhdin rual lohin a kal ta si a, a hmunruak luah khah a har dawn hle mai, engtik ah nge a ni ang kha kan veng in kan neih leh theih ang. Thlan laihna ah a hmel kan hmu tawh lo tur ringawt pawh hi ngaihtuah thui ngam pawh a nilo.

Nursery Veng Branch YMA chuan a tan a kan tih theih awm chhun mi bik te phumna tur a tan a tih hmun ah a ruang dai chu zalh a ni a. Kan tih theih tawk a tlem ta hle mai. Kan mi hrang kalta Pu Sawma nun atang hian zir tur tam tak kan nei, thalai te hian alo tih thin te chhui in, a hnung zui i tum ang u. A hmun awl luah khah har dawn hle mahse theih tawp in a hnug i zui ang u.

A tawp ber a tan Pu Sawm, thlamuang takin chawl la, ngai chung zelin Mangtha le.

Leave a Reply