Editorial – 24.01.2021

Khawvel inher danglam zelah nasa takin thil a inthlak mek a, thil a danglam nasa ta hle mai. Nun dan leh khawsak dan nasa takin a danglam tawh a, hun ain thlak nasat ang zelin harsatna pawh chi hrang hrang a tam zel a ni. Tun hma a kan hriat ngai loh buaina leh harsatna hrang hrang kan tawng chho mek zel bawk. Hetiang harsatna kan tawh leh hmachhawn mek te hi engtin nge kan tih tak ang le?

Kohhran pawl tinte hian hmalakna tur kan va ngah ta em! Hmanni lawk chanchinbu chhuakah kan ramah sualna chi hrang hrang a pun nasat tawh thu anrawn tarlang a. Khawtlangin heng harsatna kan tawh te hi namai lo tak a ni. Heng harsatna hrang hrang kan tawh te hi kohhrante hian engtinnge kan thlir ve tak le?

Kohhran tinte hian kan inkhawm thenkhatah hi chuan tunlaia khawtlang leh ramin harsatna a tawh hrang hrang engtianga hmachhawn tur nge tih te zir ho nan hmang thin ila. Thil thar a chhuah a, nun a inthlak danglam nasat poh leh rawngbawlna tur kan ngah ta sawt a, a hma aia nasa leh zual a kan tan a ngai ta a ni.

Tun hmaa ngaihsak ngai lova kan hriat leh ngai lova kan hriat kha tunah chuan ngaihsak ngai leh thil tul alo chang tawh a.

NGO tlawmngai pawlte pawh hian kan vei tak tak a ngai. A bikin pawl lian ber YMA ngat phei chu a pawimawh leh zual. VLTF hmalaknaah te, Ruihhlo dona JAC ah te ahma hruaitu kan nih a ngai. Sum leh hlawkna hmuh tum zawng ni lo, tih dam leh sutkian tumna tak tak rilru nena kan harsatna te hi kan hmachhawn loh chuan eng kan ang chuang lovang. Ram leh khawtlang vei tak chungin hmalak i tum thin ang u.

Leave a Reply