Editorial – 25.04.2021

Thu awihna bawk kan neih a tul leh ta, hemi hmang chiah hian kan him dawn, a bak himna a awmlo.

Mithiam zawk ten Covid-19 Second Wave an tih chu kan beisei aiin a rawn thawkna ta, kum hmasa lama kan lo hriat dan boruak ah a leng lo ti a kan lo hriat chu a diklo tih an rawn sawi tan ta. He natna hrik hi boruak ah a leng thei an rawn ti ta tlat mai le. A thawk na in, kai pawh a awlsam ta hle mai, nitin kai thar kan pung tial tial a, kaina chin hriat loh an awmta nawk mai bawk ne, rilru a buai ta hle mai.

Engtin nge kan him theih ang tiin sawrkar leh veng chhungah Local Level Task Force te chuan theih tawp in ngaihtuahna an seng a, tih tur leh tih loh tur veng chhung tana hriat turin an puang reng a, a thlamuan thlak khawp mai, mahse thlamuanthlak ah hian a tawp mai ang tih ava hlauhawm em.

Heng thu chhuah an siam te hi ngaihthlak liam mai mai tur a ni lo, kan zawm tur te an ni. Kan tih tur leh kan tih loh tur te an ni. Thu i awih theuh ang u.

He hripui laka kan him theihna turin pawn chhuah tam loh tur a ni, a theih chen chen ah hmai tuam tur, hreawm deuh mahse kan himna tur a nih avangin i tuar hram hram ang u.

Vanduaithlak takin kan veng ah Positive kan nei ve ta, an duh vang a kai an ni biklo, a pawi khawp mai. Veng lian kan nilo a, chhungkaw 600 vel awrh choh kan ni, heng positive kan neih atangin kan contact tracing team ten an han chhui tak tak a chhungkaw 34 quarantine k an ngai nghal, ngaihtuah chiang ila, veng pum buaina thlen nan hian positive tam kan neih a ngailo, chumi a thlen loh nan chuan thu i awih theuh ang u.

Leave a Reply