Editorial – 26.09.2021

YMA motto ah ‘Hunawl hmanthat’ tih ziak hi kan hmuin kan chhiar fo tawh a rinawm. Han en a, han chhiar mai chuan engtiang takin nge maw kan hman that ang le? tih mai awl tak tur chu a ni reng reng (tha tih zawng in ang hek lo le). Hun awl hman that dan; kan teh fung a in ang lo miauva.

Thenkhat chuan ‘Mihring hian hun awl kan nei lo, kan hman tangkai loh lai hi hun awl chu a nimai’, an ti a, chuti a nihchuan hun awl thumal hian awmzia a nei thui em em lo tihna em ni dawn? Awl reng reng kan neih loh Hun chu engtiang a hman that tur nge nita, engtia teh tur nge, engtiang a hman that tur ni maw!

Tunlai khawvel hun kan hman mekah lah hian hun hi kan ngah tlang em em mai a, kan awl lo fur zawk ni te pawn a hriat ‘YMA Motto’ kan ti hlawhtling tha tlangah a ngaih theih mai zawk awm e. Nitin mai hmabakin min hmuak tlang a, hun rawn her chhuak ang ang chu mahni theuhin kan duh dan takin kan hmang tha viau thin zawk.

Kan Kristianna kawngah pawh tun kan hun hman hi kan hmang tha tlang viau mai a, hetiang em em a YMA Motto tih hlawhtlin that leh zawm that hi a awm dawn chuang em ni.

Mahni theuh inchik ang aw, Nimin, Vawiin, Naktuk kan hman tak leh hman turte, hman thatna lai chhiar tur kan nei thin in, kan nei thei dawn em? tih te, eng kawngin nge kan hman tih te chhut thin ila, a tha lam kawngin nge a chhe lam hawiin kan hman dawn? inngaihtuah harh rawh le.

I hun kal tawh chhut let la, ila hmabak i kutah a awm? I hun awl hman dan i kuta awm chu Krista nen hmachhawn la, tun boruak hi hlim takin i hmang dawn nia.

Leave a Reply