Editorial 27.12.2020

Beiseina sang tak nen a kum 2020 chhunga ruahmanna kan lo neih ve tam zawk chu Hripui leng avangin a thlawn in a awm ti ila kan sawi sual awm love. Hripui hlauhawm tak leng kar ah Pathian venna kan chang a, kum 2020 chhungin Nursery Aw chhuah theih loh kan neilo hi ava lawmawm em.

Tun kum chhung atan a Pathian ni hnuhnung ber chu kan lo chuangkai leh ta, Nursery Aw Editorial Board a ka thawhpui te, YMA lama kan hruaitu te leh ka member pui te kawng tam takah in mittlun lohna ka nei ngei in ka ring, chung zawng zawngah chuan in mihriatthiamna ka ngen tak meuh a ni.

Tun kum chhungin kan veng chhungah mi engemawzat kan in-thlahliam a, thihna avanga kan chan tak chhungte zawng zawng Pathian thlamuanna chang thar leh theuh turin duhsakna kan hlan leh e.

Kum dang anglo takin Lal pian champha kan lawm dan a dang hle a, Biakin lamah ruai nen a hun hman theih a nih loh avangin chhungkua te te a hman a ngai ta, a lunglen thlak hle mai, amaherawh chu heti zawng hian ngaihtuah ila, chhungkaw kima Lal pian champha lawm, kumhlui thlah leh kumthar lawmna hun tha ah ngai in pawm ta ta zawk ila, ava hahdam thlak leh si dawn em.

Mi in phal tak tak te a zarah kan hruaitu ten veng chhunga tanpui ngai te tanpuina an han nei thei te hi ava hlu em. He hunpui huphurh taka nghak tu ten i inphalna avang khan hlim takin he hun hi an hmang ve thei a ni tih hria ang che.

Midang tana malsawmna nih tum theuh in YMA takin hun hman tum zel ang u. Nang Malsawmna ni ang che.

Leave a Reply