Editorial 30.05.2021

Hripui leng avangin hun kha lehchen kan in kharkhip ta, nun a khaihlak in, a hrehawm ngei mai, tih theih a tlem si, awm hmun a tawrh deuh tlawk tlawk mai loh chu, thuawih hi kan damna tur a ni si.

Heti chung hian nitin kai thar kan la pung zel bawk si, hei hi chu ngaihtuah chian ava tul em, mirthiam zawk ten hrikai an tlem zawk nan leh, hri kai ten an mi hnim hnaih te chhui chhuah zung zung a awlsam zawk na inkharkhip an rawt a, thla khat chuang kan in kharkhip ta, mahse nitin in hrikaina hriat loh engemaw zat kan la awm tlat zel hi chu a fuhlo a ni, midang tan a he inkharkhip hi kalpui a ni lo, nang leh kei kan him theihna tur a tan a ruahman a ni.

Mizo te hi thuawih leh tlawmngai hnam kan ni thin, tunah pawh kan la ni tho, mahse chini tlemte in thingpui a ti thlum ang hian, mi tlemte thuawih lo an awm avang hian, a veng pum, a khaw pum leh hnam pum a ti hming chhe ta thin, a pawi khawp mai, chutiang chiah chuan he hripui pawh hi pakhat in alo kai palh hian midang tam tak a kai darh ta thin a, chhungkua ah, thenawm khawveng te ah a tai darh ta thin a nih hi. Hawh u, hun reilo te chhung chu i inkhung leh lawk ang u, kan himna tur a ni si.

Veng thenawm lawk ah hri kai an tam avangin sawrkar in hmun hlauawm lai, tlawh pawh phalloh ah a puang a, a theih hram chuan i tlawh lo hram hram ang u, kan him theihna turin LLTF member-te thahnem ngai takin an duty a, hrikai hlau lo an ni biklo, kan khawtlang himna tur a nih vang a ni. Duty te hauh ngai in i awmlo hram hram ang u. Mi hau tu nih hi an duh bik lo a nia, Kan him theihna turin theih tawp in i tangrual sauh sauh ang u khai.

Leave a Reply